బి.వి.పట్టాభిరామ్

డాక్టర్ భావరాజు వేంకట పట్టాభిరామ్‌
డాక్టర్ భావరాజు వేంకట పట్టాభిరామ్‌
జననం	1949; తూర్పు గోదావరి జిల్లా
మరణం	2025 జూన్ 30 (వయసు 75); హైదరాబాదు
మరణ కారణం	గుండెపోటు
వృత్తి	సైకాలజిస్టు, రచయిత, ఇంద్రజాలికుడు
భాగస్వామి	జయ
పిల్లలు	ప్రశాంత్
తండ్రి	రావ్ సాహెబ్ భావరాజు సత్యనారాయణ
వెబ్‌సైటు	http://www.pattabhiram.com/

డాక్టర్ బి.వి.పట్టాభిరామ్‌ (జననం భావరాజు వేంకట పట్టాభిరామ్‌; మరణం 2025 జూన్ 30), రచయిత, వ్యక్తిత్వ వికాస నిపుణుడు, హిప్నాటిస్టు, మెజీషియన్^[1]. అతను తెలుగు, ఇంగ్లీషు, కన్నడ, తమిళ భాషల్లో రచనలు చేసాడు. అతను విద్యార్థుల కోసం ప్రత్యేక శిక్షణా తరగతులను నిర్వహింంచడంతోపాటు, తల్లిదండ్రుల అవగాహనా సదస్సుసులు నిర్వహించాడు. అతను దూరదర్శన్ లో అనేక మేజిక్ షోలు నిర్వహించాడు. 1990లలో ఆంధ్రప్రభ సచిత్రవార పత్రికలో బాలలకు బంగారుబాట అనే శీర్షికలో అనేక మంది ప్రపంచ ప్రముఖుల జీవితచరిత్రలు గురించి వ్యాసాలు వ్రాసాడు. బాలజ్యోతి అనే బాలల పత్రికలో "మాయావిజ్ఞానం" పేరిట వ్యాసాలు వ్రాసాడు.

జీవిత విశేషాలు

బి.వి.పట్టాభిరామ్‌ తూర్పుగోదావరి జిల్లాకు చెందిన రావ్ సాహెబ్ భావరాజు సత్యనారాయణ 15 మంది సంతానంలో ఒకడు. ఆయన ఉస్మానియా విశ్వవిద్యాలయం నుండి పి.హెచ్.డి పట్టా పొందిన తరువాత సైకాలజీ, ఫిలాసఫీ, పబ్లిక్ అడ్మినిస్ట్రేషన్లలో స్నాతకోత్తర పట్టా అందుకున్నాడు. గైడెన్స్, కౌన్సిలింగ్, జర్నలిజంలో పీజీ డిప్లమా పూర్తి చేసాడు. మానసిక శాస్త్రం, ఫిలాసఫీ గైడెన్స్ కౌన్సెలింగ్, హిప్నోథెరపీలలో అమెరికానుండి పోస్ట్‌గ్రాడ్యుయేట్ పట్టా పుచ్చుకున్న అతను ఒత్తిడిని జయించడం, వ్యక్తుల మధ్య సంబంధాలు, అసర్టివ్ నెస్, సెల్ఫ్ హిప్నాటిజం మొదలైన అంశాలపై భారతదేశంలోని అనేక ప్రాంతాలలో, అమెరికా, ఆస్ట్రేలియా, మలేషియా, థాయ్‌లాండ్, సింగపూర్, అరబ్ దేశాలలో అనేక వర్క్‌షాపులు నిర్వహించాడు.

హిప్నోసిస్ పై ఇతను చేసిన కృషికి గుర్తింపుగా 1983లో ఫ్లోరిడా విశ్వవిద్యాలయం ఇతనికి గౌరవ డాక్టరేటు ప్రధానం చేసింది. నాష్‌విల్ల్, న్యూ ఆర్లియన్స్ నగర మేయర్లు ఇతనికి గౌరవ పౌరసత్వంకూడా ప్రధానం చేశారు.

స్వయంగా ప్రశాంతి కౌన్సిలింగ్ అండ్ హెచ్.ఆర్.డి సెంటరును నెలకొల్పి నిర్వహిస్తున్నాడు. అతను తిరుమల తిరుపతి దేవస్థానం, పోలీసు అకాడమీ, షార్ శ్రీహరి కోట, జుడిషియల్ అకాడమీ, భారత్ డైనమిక్స్ లిమిటెడ్‌, జాతీయ వ్యవసాయ పరిశోధన నిర్వహణ సంస్థ, డాక్టరు మర్రి చెన్నారెడ్డి మానవనరుల సంస్థ (IOA), భారత్ ఎలక్ట్రానిక్స్ లిమిటెడ్ హైదరాబాదు, మచిలీపట్నం నేషనల్ ఇన్స్టిట్యూట్ ఆఫ్ రూరల్ డెవలప్‌మెంట్ & పంచాయతీ రాజ్ (NIRD), సెంట్రల్ ఇన్స్టిట్యూట్ ఆఫ్ రూరల్ ఎలక్ట్రిఫికేషన్ (CIRE), సెంట్రల్ డిటెక్టివ్ ట్రైనింగ్ స్కూల్, డిఆర్ డి ఎల్, డెల్, డెలాయిట్, ఇంకా రామకృష్ణ మఠం, రెడ్డిల్యాబ్స్, మహీంద్రా సత్యం, జీఈ, బేయర్ బయోసైన్స్, జేఎన్ టీయు అకాడమీ స్టాఫ్ కాలేజి, ఉస్మానియా అకాడమీ స్టాఫ్ కాలేజీ, భారత్ హెవీ ఎలక్ట్రిక్స్ లిమిటెడ్ (బెల్) ఇంకా ఎన్నో విద్యాసంస్థలకు గౌరవ సలహాదారుగా ఉన్నాడు. వ్యక్తిత్వ వికాసం మీద, మానవవిలువల మీద, మ్యాజిక్ మీద తెలుగు, కన్నడ, తమిళం, మరాఠీ భాషలలో 110కి పైగా గ్రంథాలు రచించారు.

రచనలు

పుస్తక ప్రచురణ సంస్థ ఎమెస్కో ద్వారా ప్రచురితమైన రచనలు

చాణక్యతంత్రం
మాజిక్ ఆఫ్ మహాత్మా
ఒత్తిడి కూడా వరమే
వైజ్ఞానిక హిప్నాటిజం
సర్దుకుపోదాం... రండి
కాలేజ్‌ క్యాంపస్‌
సాఫ్ట్స్కిల్స్‌
నాలుగోఆపిల్‌
కౌన్సిలింగ్‌ సీక్రెట్స్‌
నేనుసైతం
కష్టపడి పనిచేయొద్దుఇష్టపడి పనిచేయండి!
సూత్రధారులు
ఒక్కడు
గుడ్‌ పేరెంట్‌
గుడ్‌ స్టూడెంట్‌
కష్టపడి చదవొద్దు-ఇష్టపడి చదవండి
జీనియస్‌ మీరుకూడా...
మాటేమంత్రం
టర్నింగ్‌ పాయింట్‌
పాఠం చెప్పడం ఒక కళ
గుడ్‌ టీచర్‌
విజయం మీదే
లీడర్‌షిప్‌
మాస్టర్‌మైండ్‌
మీరు మారాలనుకుంటున్నారా?
మైండ్‌ మేజిక్‌
నో ప్రాబ్లెం (సందేహాలు-సమాధానాలు)
సెల్ఫ్‌ కాన్ఫిడెన్స్‌
కమ్యూనికేషన్స్‌ మీ విజయానికి పునాది
నాయకత్వలక్షణం విజయానికి తొలిమెట్టు
జ్ఞాపకశక్తి – ఏకాగ్రత
మానసిక ఒత్తిడి నుండి విముక్తి పొందండి
సెల్ఫ్‌ హిప్నాటిజం-రిలాక్సేషన్‌
పాజిటివ్‌ థింకింగ్‌
గుడ్‌ పేరెంట్స్‌+బెటర్‌ టీచర్స్‌ = బెస్ట్‌ స్టూడెంట్‌
అద్భుత ప్రపంచం అతీంద్రియశక్తులు
మాయావినోదం పేరున :-మేథ్స్‌ మేజిక్‌, సూపర్‌ మేజిక్‌, స్కూల్‌ మేజిక్‌, సైన్స్‌ మేజిక్‌, స్టూడెంట్‌ మేజిక్‌
బంగారుబాట పేరున :- జాతినేతలు, కళాకారులు, సాహిత్యవేత్తలు, సమాజసేవకులు, శాస్త్రవేత్తలు, స్ఫూర్తిప్రదాతలు
వెలుగుబాట పేరున:- ప్రపంచ ప్రఖ్యాత, శాస్త్రవేత్తలు-1, 2, 3, ప్రఖ్యాత భారతీయశాస్త్రవేత్తలు, స్ఫూర్తిప్రదాతలు-1, 2, 3, 4
ఎదగడానికి ఏడు మెట్లు పేరున :- ఆత్మవిశ్వాసం, స్వయంకృషి, దేశభక్తి, ఆత్మాభిమానం, మనోబలం, పట్టుదల, క్రమశిక్షణ
Genius you too (Eng)
Mind Magic (Eng)
Master Mind (Eng)
Good Teacher (Eng)
Soft Skills (Eng)
Winner’s Mantras (Eng)

నటన

ఆయన వ్యక్తిత్వ వికాస నిపుణుడు, హిప్నాటిస్టు, మెజీషియన్, రచయిత.. మాత్రమే కాకుండా నటుడు కూడా. దూరదర్శన్‌లో కొన్ని ధారావాహికలతో పాటు పలు సినిమాల్లోనూ ఆయన నటించాడు. జంధ్యాల దర్శకత్వంలో వచ్చిన రెండు రెళ్ళు ఆరు చిత్రంలో ఆయన కనిపించాడు.

పురస్కారాలు

ఉగాది పురస్కారం (ఆంధ్రప్రదేశ్ ప్రభుత్వం, హైదరాబాదు, 2013 ఏప్రిల్ 11) ^[2]
హిప్నోసిస్‌పై ఆయన చేసిన కృషికిగానూ 1983లో ఫ్లోరిడా యూనివర్సిటీ డాక్టరేట్‌ ఇచ్చి గౌరవించింది.

మరణం

బీవీ పట్టాభిరామ్ 2025 జూన్ 30 రాత్రి 10.30 గంటల సమయంలో హైదరాబాదులోని స్వగృహంలో గుండెపోటు రావడంతో బంజారాహిల్స్ ఒమేగా ఆసుపత్రికి తరలించగా అప్పటికే ఆయన చనిపోయినట్లు వైద్యులు నిర్ధారించారు. ఆయనకు 75 ఏళ్లు. ఆయనకు భార్య జయ, కుమారుడు ప్రశాంత్‌ ఉన్నారు.^[3]^[4]^[5]

మూలాలు

↑ "BV Pattabhiram: తెలుగువారు గర్వించదగిన ఇంద్రజాలికుడు డా.బి.వి.పట్టాభిరాం". EENADU. Retrieved 2025-03-27.
↑ సాక్షి, ఎడ్యుకేషన్ (9 April 2013). "41 మందికి ఉగాది పురస్కారాలు...15 మందికి హంస అవార్డులు". www.sakshieducation.com. Archived from the original on 17 ఏప్రిల్ 2020. Retrieved 17 April 2020.
↑ "బీవీ పట్టాభిరామ్ కన్నుమూత". Andhrajyothy. 1 July 2025. Archived from the original on 1 July 2025. Retrieved 1 July 2025.
↑ "ప్రముఖ ఇంద్రజాలికుడు, మానసిక వైద్యుడు డా. బీవీ పట్టాభిరామ్ మృతి". ETV Bharat News. 1 July 2025. Archived from the original on 1 July 2025. Retrieved 1 July 2025.
↑ "Renowned psychologist, magician B.V. Pattabhiram passes away at 75" (in Indian English). The Hindu. 1 July 2025. Archived from the original on 1 July 2025. Retrieved 1 July 2025.

వనరులు

వెలుపలి లంకెలు

[1] "BV Pattabhiram: తెలుగువారు గర్వించదగిన ఇంద్రజాలికుడు డా.బి.వి.పట్టాభిరాం". EENADU. Retrieved 2025-03-27.

[41_మందికి_ఉగాది_పురస్కారాలు...15_మందికి_హంస_అవార్డులు-2] సాక్షి, ఎడ్యుకేషన్ (9 April 2013). "41 మందికి ఉగాది పురస్కారాలు...15 మందికి హంస అవార్డులు". www.sakshieducation.com. Archived from the original on 17 ఏప్రిల్ 2020. Retrieved 17 April 2020.

[బీవీ_పట్టాభిరామ్_కన్నుమూత-3] "బీవీ పట్టాభిరామ్ కన్నుమూత". Andhrajyothy. 1 July 2025. Archived from the original on 1 July 2025. Retrieved 1 July 2025.

[ప్రముఖ_ఇంద్రజాలికుడు,_మానసిక_వైద్యుడు_డా._బీవీ_పట్టాభిరామ్_మృతి-4] "ప్రముఖ ఇంద్రజాలికుడు, మానసిక వైద్యుడు డా. బీవీ పట్టాభిరామ్ మృతి". ETV Bharat News. 1 July 2025. Archived from the original on 1 July 2025. Retrieved 1 July 2025.

[Renowned_psychologist,_magician_B.V._Pattabhiram_passes_away_at_75-5] "Renowned psychologist, magician B.V. Pattabhiram passes away at 75" (in Indian English). The Hindu. 1 July 2025. Archived from the original on 1 July 2025. Retrieved 1 July 2025.

[1]

[2]

[3]

[4]

[5]