బి. బి. పాటిల్

వికీపీడియా నుండి
Jump to navigation Jump to search
భీమరావు బసవంతరావు పాటిల్
బి. బి. పాటిల్


లోక్‌సభ సభ్యుడు
పదవీ కాలం
2014 - 2019, 2019- ప్రస్తుతం
నియోజకవర్గం జహీరాబాద్ లోక్‌సభ నియోజకవర్గం

వ్యక్తిగత వివరాలు

జననం నవంబర్ 1, 1955
సిర్పూర్, నిజామాబాదు జిల్లా
రాజకీయ పార్టీ తెలంగాణ రాష్ట్ర సమితి
తల్లిదండ్రులు హనుమాబాయ్ పాటిల్, బస్వాత్ రావు పాటిల్
జీవిత భాగస్వామి అరుణ బి. పాటిల్
సంతానం ఒక కుమారుడు, ఒక కుమార్తె
నివాసం బంజారాహిల్స్, హైదరాబాద్, తెలంగాణ

బి. బి. పాటిల్ తెలంగాణ రాష్ట్రానికి చెందిన రాజకీయ నాయకుడు, పార్లమెంట్ సభ్యుడు.[1][2] 2014 నుండి తెలంగాణ రాష్ట్ర సమితి పార్టీ తరపున జహీరాబాద్ లోక్‌సభ నియోజకవర్గం ఎంపీగా ప్రాతినిధ్యం వహిస్తున్నాడు.[3]

జననం, విద్యాభ్యాసం[మార్చు]

పాటిల్ 1955, నవంబర్ 1న హనుమాబాయ్ పాటిల్, బస్వాత్ రావు పాటిల్ దంపతులకు నిజామాబాద్ జిల్లా, సిర్పూర్ గ్రామంలో జన్మించాడు.[4] మహారాష్ట్రలోని పరభానీలోని మరాఠ్వాడా అగ్రికల్చర్ కాలేజీలో బిఎస్సీ అగ్రికలర్చర్ చదివిన పాటిల్ వ్యవసాయ, వ్యాపారరంగాల్లో పనిచేశాడు.[5]

వ్యక్తిగత జీవితం[మార్చు]

పాటిల్ కు అరుణతో వివాహం జరిగింది. వారికి ఒక కుమారుడు, ఒక కుమార్తె ఉన్నారు.

రాజకీయ విశేషాలు[మార్చు]

2014లో తెలంగాణ రాష్ట్ర సమితిలో[6] చేరిన పాటిల్, ఎన్నికల ప్రచారాన్ని ప్రారంభించాడు. 2014 మే నెలలో జహీరాబాద్ నియోజకవర్గం నుంచి 16వ లోక్‌సభకు పోటీచేసి కాంగ్రెస్ పార్టీకి చెందిన సురేష్ కుమార్ షెట్కార్‌ను ఓడించి పార్లమెంట్ సభ్యుడిగా ఎన్నికయ్యాడు. 2014, సెప్టెంబరు 1న రోడ్డు రవాణా - హైవేలు షిప్పింగ్ మంత్రిత్వ శాఖ కన్సల్టేటివ్ కమిటీ, హోం వ్యవహారాలపై స్టాండింగ్ కమిటీ సభ్యుడిగా నియమించబడ్డాడు.

2019 మే నెలలో జరిగిన 17వ లోక్‌సభ ఎన్నికల్లో జహీరాబాద్ నియోజకవర్గం నుంచి తెలంగాణ రాష్ట్ర సమితి పార్టీ తరపున పోటీ చేసి సమీప కాంగ్రెస్ పార్టీ అభ్యర్థి మదన్ మోహన్ రావు పై 6166 ఓట్ల మెజారిటీతో గెలుపొందాడు.[7] 2019, సెప్టెంబరు 13న వ్యవసాయ స్టాండింగ్ కమిటీ సభ్యుడిగా నియమించబడ్డాడు. 2019, అక్టోబరు 9న పార్లమెట్ సభ్యుల కమిటీ, ఆర్థిక మంత్రిత్వ శాఖ-కార్పొరేట్ వ్యవహారాల మంత్రిత్వ శాఖ సంప్రదింపుల కమిటీ సభ్యుడిగా నియమించబడ్డాడు.[5]

ఇతర వివరాలు[మార్చు]

మలేషియా, సింగపూర్, యునైటెడ్ అరబ్ ఎమిరేట్స్, యుకె, యుఎస్ఎ మొదలైన దేశాలు పర్యటించాడు.

మూలాలు[మార్చు]

  1. "ఆర్కైవ్ నకలు". Archived from the original on 2019-03-23. Retrieved 2020-07-10.
  2. "B.B.Patil(TRS):Constituency- ZAHIRABAD(TELANGANA) - Affidavit Information of Candidate:". www.myneta.info. Retrieved 2021-08-20.
  3. "Telangana: MPs Komatireddy Venkat Reddy, BB Patil test positive for Covid-19". The Times of India. October 23, 2020. Retrieved 2021-08-20.
  4. "B B Patil: Age, Biography, Education, Wife, Caste, Net Worth & More - Oneindia". www.oneindia.com (in ఇంగ్లీష్). Retrieved 2021-08-20.
  5. 5.0 5.1 "Members : Lok Sabha". 164.100.47.194. Retrieved 2021-08-20.
  6. "Will be with TRS till my last breath: Zaheerabad MP BB Patil". Telangana Today (in అమెరికన్ ఇంగ్లీష్). 2021-06-17. Retrieved 2021-08-20.
  7. "మీ నియోజకవర్గ కొత్త ఎంపీ ఎవరో తెలుసుకోండి: ఆంధ్రప్రదేశ్, తెలంగాణ ఎన్నికల ఫలితాలు". BBC News తెలుగు. Retrieved 2021-08-20.