యునైటెడ్ స్టేట్స్ వర్జిన్ ఐలండ్స్
వర్జిన్ ఐలండ్స్ ఆఫ్ ది యునైటెడ్ స్టేట్స్ | |
|---|---|
అన్‌ఇన్‌కార్పొరేటెడ్ అండ్ ఆర్గనైజ్‌డ్ యు.ఎస్. టెరిటరీ | |
| Motto(s): "యునైటెడ్ ఇన్ ప్రైడ్ అండ్ హోప్" | |
| Anthem: "వర్జిన్ ఐలండ్స్ మార్చ్" | |
.svg) యునైటెడ్ స్టేట్స్ వర్జిన్ ఐలండ్స్ స్థానం | |
| కొనక ముందు | డేనిష్ వెస్టిండీస్ |
| డెన్మార్కు నుండి బదిలీ | 1917 మార్చి 31 |
| Capital and largest city | షార్లోట్ అమాలీ 18°21′N 64°56′W / 18.350°N 64.933°W |
| Official languages | ఇంగ్లీషు |
| Ethnic groups (2020)[1] | By race
By ethnicity
|
| Religion (2010)[2] |
|
| Demonym(s) | American Virgin Islander |
| Government | రాజ్యాంగ పరాధీనం |
| Legislature | శాసనసభ |
| అమెరికా కాంగ్రెసు | |
| Area | |
• Total | 346.4 కి.మీ2 (133.7 చ. మై.) (168th) |
• Water (%) | negligible |
| Highest elevation | 474 మీ (1,555 అ.) |
| Population | |
• 2020 census | 87,146[3] |
• Density | 653.6/చ.మై. (252.4/చ.కి.) |
| GDP (PPP) | 2019 estimate |
• Per capita | $38,136[4] |
| GDP (nominal) | 2019 estimate |
• Total | US$4.068 billion[5] |
| HDI (2008) |  0.894very high · 59th |
| Currency | అమెరికా డాలరు (US$) (USD) |
| Time zone | UTC−4:00 (AST) |
| Date format | mm/dd/yyyy |
| Driving side | left |
| Calling code | +1–340 |
| USPS abbreviation | VI |
| Trad. abbreviation | U.S.V.I. |
| ISO 3166 code | |
| Internet TLD | .vi |
యునైటెడ్ స్టేట్స్ వర్జిన్ ఐలండ్స్ [note 2] కరిబియన్‌లో ఉన్న ఒక దీవుల సమూహం. యునైటెడ్ స్టేట్స్ కు చెందిన ఒక అన్‌ఇన్‌కార్పొరేటెడ్, వ్యవస్థీకృత భూభాగం. [6] ఈ ద్వీపాలు భౌగోళికంగా వర్జిన్ దీవుల ద్వీపసమూహంలో భాగం. ఇవి, లెస్సర్ యాంటిల్లెస్‌లోని లీవార్డ్ దీవులలో, ప్యూర్టో రికోకు తూర్పున, బ్రిటిష్ వర్జిన్ దీవులకు పశ్చిమాన ఉన్నాయి. [7]
US వర్జిన్ దీవుల్లో సెయింట్ క్రోయిక్స్, సెయింట్ జాన్, సెయింట్ థామస్ లతో పాటు, చుట్టుపక్కల మరో 50 చిన్న ద్వీపాలు, లంకలూ ఉన్నాయి. [8] దీని మొత్తం భూభాగం 133.73 చదరపు మైళ్లు (346.36 కి.మీ2) [6] దీని రాజధాని సెయింట్ థామస్ ద్వీపంలోని షార్లెట్ అమాలీ.
గతంలో దీన్ని డెన్మార్క్-నార్వే రాజ్యం యొక్క డానిష్ వెస్ట్ ఇండీస్ (1754 నుండి 1814 వరకు) అని, స్వతంత్ర డెన్మార్క్ రాజ్యం (1814 నుండి 1917 వరకు) అనీ పిలిచేవారు, 1917 నాటి ఒప్పందంలో భాగంగా వాటిని $25 మిలియన్లకు డెన్మార్క్, యునైటెడ్ స్టేట్స్‌కు విక్రయించింది. డానిష్ వెస్ట్ ఇండీస్ [6] అప్పటి నుండి ఒక వ్యవస్థీకృత, ఇన్కార్పొరేటెడ్ యునైటెడ్ స్టేట్స్ భూభాగం అయింది. US వర్జిన్ దీవులు 1954 రివైజ్డ్ ఆర్గానిక్ యాక్ట్ ఆఫ్ వర్జిన్ ఐలాండ్స్ క్రింద నిర్వహించబడుతూ ఉన్నాయి. అప్పటి నుండి ఐదు రాజ్యాంగ సమావేశాలను నిర్వహించాయి.
చరిత్ర
[మార్చు]
US వర్జిన్ దీవులలో మొదట సిబోనీలు, అరవాక్‌లు నివసించేవారు. [9] సా.పూ. 1000 నాటికే ఈ ద్వీపాల్లో జనావాసం ఉండేదని కొంతమంది పండితులు భావిస్తున్నారు. [7] క్రీ.శ. 15వ శతాబ్దం మధ్యలో ఇక్కడికి కారిబ్‌లు వచ్చారు. [7]
ప్రారంభ యూరోపియన్ స్థిరనివాసులు
[మార్చు]క్రిస్టోఫర్ కొలంబస్, 1493లో తన రెండవ సముద్రయానంలో, ఈ దీవులను చూసిన మొదటి యూరోపియన్. అతనే వాటికి ప్రస్తుతమున్న పేరు పెట్టాడు. తరువాత 1555లో స్పానిష్ వారు స్థిరపడ్డారు. ఆ తరువాత 1625 నుండి ఇంగ్లీషు, ఫ్రెంచ్ స్థిరనివాసులు సెయింట్ క్రోయికి చేరుకున్నారు. [7] ఆ తరువాత స్పెయిన్, ఫ్రాన్స్, బ్రిటన్, నెదర్లాండ్స్‌ల మధ్య ఈ దీవుల వలన వివాదాలు రేగాయి. [7]
అమెరికన్ కాలం
[మార్చు]1917 మార్చి 31 న యునైటెడ్ స్టేట్స్, ఈ దీవులను స్వాధీనం చేసుకుంది. దీని పేరును యునైటెడ్ స్టేట్స్ వర్జిన్ దీవులుగా మార్చారు. యునైటెడ్ స్టేట్స్ ఈ ద్వీపాలను స్వాధీనం చేసుకున్న జ్ఞాపకార్థం, బదిలీ దినాన్ని ఏటా సెలవుదినంగా గుర్తిస్తారు. [10] పాల్ మార్టిన్ పియర్సన్‌ను మొదటి పౌర గవర్నరుగా హెర్బర్ట్ హూవర్ నియమించాడు. 1931 మార్చి 18 న అతని పాలన మొదలైంది.
1927, 1932లో ద్వీపాలలో నివసించే చాలా మందికి US పౌరసత్వం మంజూరు చేసారు. డానిష్ వెస్ట్ ఇండియన్ డాలర్ స్థానంలో 1934లో US డాలరును చెలామణీ లోకి తెచ్చారు. [11] 1935 నుండి 1939 వరకు ఈ ద్వీపాలు యునైటెడ్ స్టేట్స్ కస్టమ్స్ ప్రాంతంలో భాగంగా ఉన్నాయి. [12] 1936 ఆర్గానిక్ యాక్ట్, 1954 రివైజ్డ్ ఆర్గానిక్ యాక్ట్ ల ద్వారా స్థానిక ప్రభుత్వాన్ని స్థాపించారు. [7] రెండవ ప్రపంచ యుద్ధం తరువాత పర్యాటకం అభివృద్ధి చెందడం ప్రారంభమైంది. కాలక్రమేణా ద్వీపాల ఆర్థిక వ్యవస్థలో పర్యాటకం అత్యంత ముఖ్యమైన రంగంగా మారింది. [7] 1970లో, వర్జిన్ ద్వీపవాసులు తమ మొదటి గవర్నర్ మెల్విన్ హెచ్. ఎవాన్స్‌ను ఎన్నుకున్నారు. 1976 నుండి ద్వీపాలు తమ స్వంత రాజ్యాంగాన్ని రూపొందించే పనిని ప్రారంభించాయి. [7]
భౌగోళికం
[మార్చు]
US వర్జిన్ దీవులు అట్లాంటిక్ మహాసముద్రంలో ప్యూర్టో రికోకు తూర్పుగా 40 మైళ్లు (64 కి.మీ.) దూరంలో, బ్రిటిష్ వర్జిన్ దీవులకు పక్కనే పశ్చిమాన ఉన్నాయి. ఇవి, ప్యూర్టో రికన్ వర్జిన్ ఐలాండ్స్ ఆఫ్ వియెక్స్, కులేబ్రా (ప్యూర్టో రికోచే నిర్వహించబడుతుంది), బ్రిటిష్ వర్జిన్ దీవులతో వర్జిన్ ఐలాండ్స్ ద్వీపసమూహాన్ని పంచుకుంటాయి.
ఈ భూభాగంలో మూడు ప్రధాన ద్వీపాలు ఉన్నాయి: సెయింట్ థామస్, సెయింట్ జాన్, సెయింట్ క్రోయిక్స్. అలాగే అనేక డజన్ల చిన్న దీవులు కూడా ఉన్నాయి. [13] స్థానికులు ప్రధాన ద్వీపాలకు తరచుగా మారుపేర్లు వాడుతూంటారు. "ట్విన్ సిటీ" (సెయింట్ క్రోయిక్స్), "రాక్ సిటీ" (సెయింట్ థామస్), "లవ్ సిటీ" (సెయింట్ జాన్) అని వీటిని అంటూంటారు. [14] ద్వీపాల మొత్తం భూభాగం వాషింగ్టన్, DC కి దాదాపు రెండు రెట్లు ఉంటుంది.
US వర్జిన్ దీవులు మాగెన్స్ బే, ట్రంక్ బేతో సహా తెల్లటి ఇసుక బీచ్‌లకు ప్రసిద్ధి చెందాయి. షార్లెట్ అమాలీ (రాజధాని), క్రిస్టియన్‌స్టెడ్‌తో సహా అనెగాడా మార్గం వెంట లోతైన నీటి నౌకాశ్రయాలున్నాయి. [15] చాలా కరిబియన్ దీవుల లాగానే, సెయింట్ థామస్, సెయింట్ జాన్‌తో సహా వర్జిన్ దీవులలోని చాలా ద్వీపాలు అగ్నిపర్వత విస్ఫోటనాల్లో ఏర్పడినవే. సెయింట్ థామస్‌పై 1,555 అడుగులు (474 మీ.) ఉన్న క్రౌన్ పర్వతం ఈ దీవుల్లోకెల్లా అత్యంత ఎత్తైన ప్రదేశం. [13]
US వర్జిన్ దీవులలో అతిపెద్దదైన సెయింట్ క్రోయిక్స్ దక్షిణాన ఉంది. పగడపు మూలం కారణంగా ఇక్కడ చదునైన నేల ఉంటుంది. నేషనల్ పార్క్ సర్వీస్ సెయింట్ జాన్‌లో సగానికి పైగా, దాదాపు హాసెల్ ద్వీపం మొత్తం, అనేక ఎకరాల పగడపు దిబ్బలను నిర్వహిస్తుంది.
వాతావరణం
[మార్చు]యునైటెడ్ స్టేట్స్ వర్జిన్ దీవులు ఏడాది పొడవునా తక్కువ కాలానుగుణ మార్పులతో ఉష్ణమండల వాతావరణాన్ని అనుభవిస్తాయి. [13] వర్షపాతం అధికంగా మే నుండి అక్టోబరు వరకు కేంద్రీకృతమై ఉంటుంది. శీతాకాలంలో ఈశాన్య వాణిజ్య గాలులు ప్రబలంగా ఉంటాయి. వేసవి, శీతాకాలాల్లో అధిక ఉష్ణోగ్రతలు 5 °F (3 °C) తేడాతో గానీ ఇంకా తక్కువ గానీ ఉంటాయి.
| శీతోష్ణస్థితి డేటా - St. Thomas, Virgin Islands | |||||||||||||
|---|---|---|---|---|---|---|---|---|---|---|---|---|---|
| నెల | జన | ఫిబ్ర | మార్చి | ఏప్రి | మే | జూన్ | జూలై | ఆగ | సెప్టెం | అక్టో | నవం | డిసెం | సంవత్సరం |
| అత్యధిక రికార్డు °F (°C) | 93 (34) |
93 (34) |
94 (34) |
96 (36) |
97 (36) |
99 (37) |
98 (37) |
99 (37) |
98 (37) |
97 (36) |
95 (35) |
92 (33) |
99 (37) |
| సగటు అధిక °F (°C) | 85 (29) |
85 (29) |
86 (30) |
87 (31) |
88 (31) |
89 (32) |
90 (32) |
90 (32) |
90 (32) |
89 (32) |
87 (31) |
86 (30) |
88 (31) |
| సగటు అల్ప °F (°C) | 72 (22) |
73 (23) |
73 (23) |
74 (23) |
76 (24) |
78 (26) |
78 (26) |
78 (26) |
78 (26) |
77 (25) |
75 (24) |
74 (23) |
76 (24) |
| అత్యల్ప రికార్డు °F (°C) | 63 (17) |
62 (17) |
56 (13) |
62 (17) |
66 (19) |
67 (19) |
57 (14) |
59 (15) |
64 (18) |
66 (19) |
52 (11) |
62 (17) |
52 (11) |
| సగటు అవపాతం inches (mm) | 2.38 (60) |
1.48 (38) |
1.42 (36) |
2.74 (70) |
3.06 (78) |
2.53 (64) |
2.85 (72) |
3.74 (95) |
5.58 (142) |
5.42 (138) |
5.23 (133) |
2.96 (75) |
39.39 (1,001) |
| Source: weather.com[16] | |||||||||||||
రాజకీయాలు, ప్రభుత్వం
[మార్చు]
US వర్జిన్ ఐలాండ్స్ ఒక వ్యవస్థీకృత, ఇన్కార్పొరేటెడ్ యునైటెడ్ స్టేట్స్ భూభాగం . [17] ఈ దీవులలో జన్మించిన వారు US పౌరులు అయినప్పటికీ, భూభాగంలో నివసిస్తున్న US వర్జిన్ ద్వీపవాసులు యునైటెడ్ స్టేట్స్ అధ్యక్షునికి ఓటు వేయడానికి అనర్హులు. US వర్జిన్ దీవులలో జన్మించిన వ్యక్తులు వారి US పౌరసత్వాన్ని కాంగ్రెస్ శాసనం నుండి పొందారు. [18]
US డెమోక్రటిక్, రిపబ్లికన్ పార్టీలు US వర్జిన్ దీవుల పౌరులు తమ తమ అధ్యక్ష పదవికి జరిగే ప్రైమరీలలో సంబంధిత జాతీయ సమావేశాల ప్రతినిధుల కోసం జరిగే ఎన్నికలలో ఓటు వేయడానికి అనుమతిస్తాయి. [19] డెమోక్రటిక్ పార్టీ ఆఫ్ ది వర్జిన్ ఐలాండ్స్, ఇండిపెండెంట్ సిటిజన్స్ మూవ్‌మెంట్, రిపబ్లికన్ పార్టీ ఆఫ్ ది వర్జిన్ ఐలాండ్స్ లు ఇక్కడీ ప్రధాన పార్టీలు. స్వత్రంత్ర అభ్యర్థులు కూడా పోటీ చేస్తారు.
జాతీయ స్థాయిలో, US వర్జిన్ దీవులు తమ కాంగ్రెషనల్ డిస్ట్రిక్ట్ నుండి కాంగ్రెస్‌కు ప్రతినిధిని ఎన్నుకుంటాయి. [20] ఎన్నికైన ప్రతినిధి, కమిటీలో ఓటు వేయగలిగినప్పటికీ, ఫ్లోర్ ఓట్లలో పాల్గొనలేరు. ఇతర భూభాగాల మాదిరిగానే, US వర్జిన్ దీవులకు కూడా US సెనేటరు ఉండరు. [21]
ప్రాదేశిక స్థాయిలో, పదిహేను మంది సెనేటర్లను —సెయింట్ క్రోయిక్స్ జిల్లా నుండి ఏడుగురు. సెయింట్ థామస్ సెయింట్ జాన్ జిల్లా నుండి ఏడుగురు, ఒక ఎట్-లార్జ్ సెనేటరు (అతను తప్పనిసరిగా సెయింట్ జాన్ నివాసి అయి ఉండాలి) - ఏకసభ్య వర్జిన్ ఐలాండ్స్ శాసనసభకు రెండు సంవత్సరాల కాలానికి ఎన్నికవుతారు. వారు ఎన్ని సార్లైనా పదవికి ఎన్నికవవచ్చు. [22]
US వర్జిన్ ఐలాండ్స్ 1970 నుండి ప్రతి నాలుగు సంవత్సరాలకు ఒక ప్రాదేశిక గవర్నర్‌ను ఎన్నుకుంటోంది. అంతకు ముందు ఈ గవర్నర్లను యునైటెడ్ స్టేట్స్ అధ్యక్షుడు నియమించేవారు. [23]
పరిపాలనా విభాగాలు
[మార్చు]పరిపాలనాపరంగా, US వర్జిన్ దీవులను సెయింట్. థామస్ - సెయింట్. జాన్ జిల్లా, సెయింట్ క్రోయిక్స్ జిల్లా అనే రెండు జిల్లాలుగా విభజించారు. [24] [25] [26] అయితే, US సెన్సస్ బ్యూరో మూడు ప్రధాన ద్వీపాలలో ఒక్కొక్కదాన్నీ మూడు వేర్వేరు గణాంక సంస్థలుగా విభజిస్తుంది (మళ్ళీ వీటిని 20 ఉపజిల్లాలుగా విభజించారు). [27] US సెన్సస్ బ్యూరో వారి డివిజన్ మోడలును క్రింద చూడవచ్చు.
| జిల్లాలు | సెయింట్ థామస్ | సెయింట్ జాన్ | సెయింట్ క్రోయిక్స్ |
|---|---|---|---|
| ఉప జిల్లాలు |
|
|
|
US వర్జిన్ ఐలాండ్స్‌లోని మూడు ప్రధాన ద్వీపాలలో ఒక్కొక్క దాన్ని ఒక్కో కౌంటీకి సమానమైన ద్వీపంగా US సెన్సస్ బ్యూరో పరిగణిస్తుంది. వీటికి FIPS కోడ్‌లు ఉన్నాయి: సెంట్ క్రోయిక్స్‌కు 78010 , సెయింట్ జాన్ కు 78020, సెయింట్ థామస్ కు 78030. [28] [29]
హోదాపై 1993 ప్రజాభిప్రాయ సేకరణ కేవలం 31.4% మందిని ఆకర్షించింది, కాబట్టి దాని ఫలితాలను యథాతథ స్థితికి అనుకూలంగా ఉన్నట్లు పరిగణించారు. [30] అప్పటి నుండి మళ్ళీ రెఫరెండమ్‌ జరపలేదు.
ఈ భూభాగాన్ని ఐక్యరాజ్యసమితి స్వయం-పరిపాలన లేని ప్రాంతంగా వర్గీకరించింది. 2016లో, "యునైటెడ్ స్టేట్స్ వర్జిన్ దీవుల ప్రజలకు వారి స్వయం నిర్ణయాధికారం, స్వీయ-నిర్ణయం కోసం ఎంపికల గురించి మంచి అవగాహనను అందించడానికీ ఉద్దేశించిన ప్రజా చైతన్య ప్రచారాన్ని చురుగ్గా కొనసాగించాల"ని ఐరాస వారి డీకాలనైజేషన్ ప్రత్యేక కమిటీ ఐరాస సర్వ ప్రతినిధి సభకు సిఫార్సు చేసింది.. [31]
ఆర్థిక వ్యవస్థ
[మార్చు]
పర్యాటకం ఈ దీవులలో అతిపెద్ద పరిశ్రమ; 2.5–3 మిలియన్ల వార్షిక సందర్శకులతో, ఈ రంగానికి జిడిపిలో 60% వాటా ఉంది. [6] [32] ఇతర ప్రధాన రంగాల్లో ప్రభుత్వ రంగం, కొన్ని పరిమిత వ్యవసాయం, చిన్న తరహా తయారీ, ముఖ్యంగా రమ్ ఉత్పత్తి ఉన్నాయి. [6] [7]
US సెన్సస్ బ్యూరో వెలువరించిన 2012 ఆర్థిక నివేదికలో మొత్తం 2,414 వ్యాపార సంస్థలు $6.8 బిలియన్ల అమ్మకాలను ఆర్జించాయని, 32,465 మందికి ఉపాధి కల్పిస్తున్నాయని, సంవత్సరానికి $1.1 బిలియన్ల జీతాలు చెల్లిస్తున్నాయనీ చెప్పింది. 2007 - 2012 మధ్య, అమ్మకాలు $12.6 బిలియన్ల మేర (అంటే 64.9%) క్షీణించాయి. (2007లో, మొత్తం అమ్మకాలు $19.5 బిలియన్లు, ఉద్యోగాల సంఖ్య 35,300. ) [33]
VI బ్యూరో ఆఫ్ ఎకనామిక్ రీసెర్చ్ 2016 మొదటి అర్ధభాగంలో ఇచ్చిన నివేదిక ప్రకారం, ఇక్కడి నిరుద్యోగం రేటు 11.5 శాతం ఉంది. [34] 2016 మేలో ద్వీపాల బ్యూరో ఆఫ్ ఎకనామిక్ రీసెర్చి వారు దీవుల్లో 37,613 వ్యవసాయేతర ఉద్యోగాలు ఉన్నాయని సూచించింది. ఈ నివేదిక ప్రకారం "విశ్రాంతి, ఆతిథ్య రంగం"లో సగటున 7,333 మంది ఉద్యోగులున్నారు. అనేక మంది పర్యాటకులకు సేవలందిస్తున్న రిటైల్ వాణిజ్య రంగం సగటున మరో 5,913 ఉద్యోగాలను అందించింది. కళలు, వినోదం (792 ఉద్యోగాలు), వసతి, ఆహారం (6,541 ఉద్యోగాలు), వసతి (3,755 ఉద్యోగాలు), ఆహార సేవలు, పానీయం (2,766 ఉద్యోగాలు) వంటి కొన్ని పర్యాటక సంబంధ ఉద్యోగాలు కూడా ఉన్నాయి. 37,613 మంది వ్యవసాయేతర కార్మికులలో అధిక శాతం మంది పర్యాటకులతో వ్యవహరించడంలో పనిచేస్తున్నారు. స్థానిక జనాభాకు సేవ చేయడం కూడా ఈ రంగాల పాత్రలో భాగం. [32]
2016 మే నివేదికలో, 2016 మొదటి అర్ధభాగంలో దాదాపు 11,000 మంది వ్యక్తులు వ్యవసాయానికి సంబంధించిన కొన్ని అంశాలలో పాల్గొన్నారు. అయితే ఈ వర్గం, మొత్తం ఆర్థిక వ్యవస్థలో స్వల్ప భాగమే ఉంది. ఆ సమయంలో, దాదాపు 607 తయారీ ఉద్యోగాలు, 1,487 సహజ వనరులు, నిర్మాణ ఉద్యోగాలు ఉన్నాయి. ఏకైక అతిపెద్ద యజమాని ప్రభుత్వం. [32] 2017 ఫిబ్రవరి మధ్యలో, USVI చాలా ఎక్కువ రుణ స్థాయి ($2 బిలియన్లు), $110 మిలియన్ల బడ్జెట్ లోటు కారణంగా ఆర్థిక సంక్షోభాన్ని ఎదుర్కొంటోంది. [35] [36] 2017 జనవరి నుండి, US వర్జిన్ ఐలాండ్స్ ప్రభుత్వం బాండ్ మార్కెట్ నుండి అనుకూలమైన వడ్డీ రేట్ల వద్ద ఋణాన్ని సేకరించలేకపోయింది. జూన్ 2019 జూన్ నుండి కొత్త బాండ్‌లు ఏవీ జారీ చేయలేదు. [37]
పర్యాటకం
[మార్చు]పర్యాటకం, వాణిజ్యం, ఇతర సేవా-ఆధారిత పరిశ్రమలు ప్రాథమిక ఆర్థిక కార్యకలాపాలు, వీటికి GDPలో దాదాపు 60% వాటా ఉంది. సంవత్సరానికి సుమారుగా 2.5 మిలియన్ల మంది పర్యాటకులు సందర్శిస్తారు, చాలా మంది క్రూయిజ్ షిప్‌లలో వస్తారు. [32] అలాంటి సందర్శకులు పెద్ద మొత్తంలో డబ్బును ఖర్చు చేయరు (సగటున ఒక్కొక్కరికి $146.70) కానీ ఒక సమూహంగా, వారు 2012లో ఆర్థిక వ్యవస్థకు $339.8 మిలియన్లు అందించారు. [38] 50% పైగా కార్మిక శక్తి, కొన్ని పర్యాటక సంబంధిత పనిలో పనిచేస్తున్నట్లు యూరోమానిటర్ సూచించింది. [39]
రవాణా, కమ్యూనికేషన్లు
[మార్చు].jpg)
హెన్రీ ఇ. రోహ్ల్‌సెన్ అంతర్జాతీయ విమానాశ్రయం సెయింట్ క్రోయిక్స్‌కు, సిరిల్ ఇ. కింగ్ విమానాశ్రయం సెయింట్ థామస్, సెయింట్ జాన్‌లకూ సేవలు అందిస్తోంది.
US వర్జిన్ దీవుల్లో వాహనాలు ఎడమవైపున నడుపుతారు. అమెరికా అధికార పరిధిలో ఇలాంటి భూభాగం ఇదొక్కటే. 1917లో డెన్మార్క్ నుండి యునైటెడ్ స్టేట్స్‌కు భూభాగాన్ని బదిలీ చేసే సమయంలో ద్వీపాలలో అప్పటి పద్ధతి నుండి ఇది వారసత్వంగా వచ్చింది. అయితే, భూభాగంలోని చాలా కార్లు యునైటెడ్ స్టేట్స్ ప్రధాన భూభాగం నుండి దిగుమతి చేయబడినందున, ఇక్కడి కార్లు ఎడమ చేతి వైపు నడిపేలాగానే (స్టీరింగు ఎడమవైపున ఉంటుంది) ఉంటాయి. అయితే, అన్ని US వాహన నిబంధనలన్నీ ఇక్కడ అమలులో లేవు. US ప్రధాన భూభాగంలో విక్రయించలేని వాహనాలు ఇక్కడ ఉన్నాయి. అదనంగా, హెడ్‌లైట్‌లు US పద్ధతి లోనే, కుడి వైపున కాంతిని ప్రసరిస్తాయి. ఇది ఎదురుగా వచ్చే డ్రైవర్‌లకు ఇబ్బంది కలిగిస్తుంది. ట్రాఫిక్ సిగ్నల్‌లు US ప్రధాన భూభాగంలో లాగా కాకుండా, రోడ్డుకు ఎదురుగా ఉంటాయి. ఎడమవైపు డ్రైవింగ్‌కు సరిపోయేలా అనేక ప్రామాణిక రహదారి చిహ్నాలను మార్చారు.
తపాలా సేవలను యునైటెడ్ స్టేట్స్ పోస్టల్ సర్వీస్ నిర్వహిస్తుంది. డొమెస్టిక్ మెయిల్ డెలివరీ కోసం రెండు అక్షరాల స్టేట్ కోడ్ "VI"ని ఉపయోగిస్తుంది. [40] [41] [42] జిప్ కోడ్‌లు 008xx పరిధిలో ఉన్నాయి. [42] 2010 జనవరి నాటికి, ప్రత్యేకంగా కేటాయించిన కోడ్‌లలో 00801–00805 (సెయింట్ థామస్), [43] 00820–00824 (క్రైస్తవులు), [44] 00830–00831 (సెయింట్ జాన్), [45] 00840–00841 (ఫ్రెడెరిక్స్‌టెడ్), [46] –00851 (కింగ్‌షిల్) లు ఉన్నాయి. [47] ఏరియా కోడ్ 340 తో ఈ ద్వీపాలు, ఉత్తర అమెరికా నంబరింగ్ ప్లాన్‌లో భాగంగా ఉన్నాయి. ద్వీప నివాసులు, సందర్శకులు చాలా టోల్-ఫ్రీ US నంబర్‌లకు కాల్ చేయగలరు. [40]
జనాభా వివరాలు
[మార్చు]మూస:US Census population2020 జనాభా లెక్కల ప్రకారం US వర్జిన్ దీవుల జనాభా 87,146. 2010 తో పోలిస్తే ఇది 18,989 (-18.1%) తగ్గింది.
2010లో, [48] [49] 40,648 కుటుంబాలు ఉన్నాయి, అందులో 34.7% మంది 18 సంవత్సరాల కంటే తక్కువ వయస్సు ఉన్న పిల్లలను కలిగి ఉన్నారు. 33.2% మంది వివాహిత జంటలు కలిసి జీవిస్తున్నారు. 24.9% మంది భర్త లేని మహిళలున్నారు. 34.5% కుటుంబాలు లేనివారున్నారు. మొత్తం కుటుంబాలలో 30.2% మంది వ్యక్తులు ఉన్నారు. 6.3% మంది 65 సంవత్సరాలు లేదా అంతకంటే ఎక్కువ వయస్సు గలవారు ఒంటరిగా నివసిస్తున్నారు. సగటు గృహస్థుల పరిమాణం 2.64, సగటు కుటుంబ పరిమాణం 3.34.
జాతి సమూహాలు
[మార్చు]2020 యునైటెడ్ స్టేట్స్ జనాభా లెక్కల ప్రకారం US వర్జిన్ దీవుల జాతి నిర్మాణం ఇలా ఉంది:
- నల్లవారు లేదా ఆఫ్రో-కరిబియన్లు : 71.4% (64.2% నాన్-హిస్పానిక్ నల్లవారు)
- ఏదో ఒక జాతికి చెందిన హిస్పానిక్ లేదా లాటినోలు : 17.4% (8.9% ప్యూర్టో రికన్, 6.2% డొమినికన్ )
- తెల్లవారు : 13.3% (12.7% నాన్-హిస్పానిక్ శ్వేతజాతీయులు )
- ఇతరులు: 6.3%
- మిశ్రమం: 7.4%
- ఆసియా లేదా ఆసియా కరిబియన్లు : 1.0%
చాలా మంది నివాసుల పూర్వీకులు ఇతర కరిబియన్ ద్వీపాలకు, ప్రత్యేకించి ప్యూర్టో రికో, లెస్సర్ యాంటిల్లెస్‌లకు చెందినవారు. ఈ దీవుల ప్రజలు ఎక్కువగా ఆఫ్రో-కరిబియన్ మూలానికి చెందినవారు. [6]
భాషలు
[మార్చు]ఆంగ్లమే ప్రధానమైన భాష. 2010 నాటికి, జనాభాలో ఐదు, అంతకంటే ఎక్కువ వయస్సు గల వారిలో 17.2% మంది స్పానిష్ లేదా స్పానిష్ క్రియోల్ మాట్లాడతారు. ఫ్రెంచ్ లేదా ఫ్రెంచ్ క్రియోల్ 8.6% మంది మాట్లాడతారు. ఇతర భాషలు 2.5% మంది మాట్లాడతారు. [50]
డెన్మార్క్ నుండి యునైటెడ్ స్టేట్స్‌కు ద్వీపాలు బదిలీ చేయబడిన 1917 నుండి ఆంగ్లం ప్రధాన భాషగా ఉంది. డానిష్ పాలనలో, అధికారిక భాష డానిష్, కానీ ఇది పూర్తిగా పరిపాలనా భాష. డేన్స్ మాట్లాడేవారు మొత్తం జనాభాలో ఒక చిన్న మైనారిటీ. వలసవాద డానిష్ వెస్ట్ ఇండియన్ సమాజంలో ప్రధానంగా పరిపాలనా పాత్ర మాత్రమే ఉండేది. డెన్మార్క్-నార్వే మూలానికి చెందిన స్థలాల పేర్లు, ఇంటిపేర్లు ఇప్పటికీ ఉన్నాయి.
US వర్జిన్ దీవులు దాని వలస చరిత్రలో చాలా వరకు డానిష్ ఆధీనంలో ఉన్నప్పటికీ, ప్రజలలో నల్లవారు లేదా డానిష్యేతర శ్వేతజాతీయులు మాట్లాడే భాష డానిష్ కాదు. ఎందుకంటే తోటలు, బానిస యజమానులలో ఎక్కువ మంది డచ్, ఇంగ్లీష్, స్కాటిష్, ఐరిష్ వారు, లేదా స్పానిష్ సంతతికి చెందినవారు ఉండేవారు. [51] సెయింట్ క్రోయిక్స్‌లో ఆంగ్లమే ప్రధానమైన భాష. 1733 వరకు సెయింట్ క్రోయిక్స్ ఫ్రెంచ్ యాజమాన్యంలో ఉంది, ఆ ద్వీపం డానిష్ వెస్ట్ ఇండియన్, గినియా కంపెనీకి విక్రయించబడింది. 1741 నాటికి, ద్వీపంలో డేన్స్ కంటే ఐదు రెట్లు ఎక్కువ ఆంగ్లేయులు ఉన్నారు. డచ్ క్రియోల్ కంటే సెయింట్ క్రోయిక్స్‌లో ఇంగ్లీష్ క్రియోల్ ఉద్భవించింది. ఇది సెయింట్ థామస్, సెయింట్ జాన్‌లలో బాగా ప్రాచుర్యం పొందింది. డానిష్ వెస్ట్ ఇండీస్‌లో మాట్లాడే ఇతర భాషలలో ఐరిష్, స్కాట్స్, స్పానిష్, ఫ్రెంచ్, అలాగే వర్జిన్ ఐలాండ్స్ ఇంగ్లీష్ క్రియోల్ ఉన్నాయి. [52]
మతం
[మార్చు]US వర్జిన్ దీవులలో క్రైస్తవం ఆధిపత్య మతం. ప్యూ రీసెర్చ్ సెంటర్ ప్రకారం, 2010లో జనాభాలో 94.8% మంది క్రైస్తవులు. [53] 2010 జనాభా లెక్కల్లో అతిపెద్ద క్రైస్తవ తెగలు బాప్టిస్ట్, రోమన్ కాథలిక్, ఎపిస్కోపాలియన్లు. [54]
ఇవి కూడా చూడండి
[మార్చు]మూలాలు
[మార్చు]- ↑ "2020 Island Areas Censuses Data on Demographic, Social, Economic and Housing Characteristics Now Available for the U.S. Virgin Islands".
- ↑ "Religions in U S Virgin Islands - PEW-GRF". www.globalreligiousfutures.org. Archived from the original on January 7, 2018. Retrieved February 22, 2017.
- ↑ "2020 Island Areas Censuses: U.S. Virgin Islands". United States Census Bureau. United States Department of Commerce. Retrieved 8 January 2022.
- ↑ Gross Domestic Product Per Capita for U.S. Virgin Islands (Report). May 5, 2017. Archived from the original on May 23, 2017. Retrieved July 14, 2017.
- ↑ "Virgin Islands (U.S.) | Data". data.worldbank.org. Retrieved 2021-08-10.
- ↑ 6.0 6.1 6.2 6.3 6.4 6.5 "CIA – The World Factbook – US Virgin Islands". November 10, 2021.
- ↑ 7.0 7.1 7.2 7.3 7.4 7.5 7.6 7.7 7.8 "United States Virgin Islands". Britannica. Archived from the original on July 31, 2022. Retrieved August 6, 2022.
- ↑ "Virgin Islands". britannica.com.
- ↑ A History of the Virgin Islands of the United States.
- ↑ Transfer Day Archived జూన్ 28, 2007 at the Wayback Machine, Royal Danish Consulate, United States Virgin Islands
- ↑ United States Department of the Interior. Annual Report of the Department of the Interior 1934.
- ↑ various United States governmental bureaus. Statistical Abstract of the United States.
- ↑ 13.0 13.1 13.2 "CIA World Factbook- USVirgin Islands". Retrieved July 14, 2019.
- ↑ Slawych, Diane. "Love is in the air". CANOE.ca. Archived from the original on July 18, 2012. Retrieved January 25, 2008.
- ↑ "The World Factbook". CIA. Retrieved 2017-08-01.
- ↑ "Average Conditions Saint Thomas, VI". weather.com. Archived from the original on December 3, 2010. Retrieved May 16, 2010.
- ↑ "CIA World Factbook – US Virgin Islands". Retrieved July 14, 2019.
- ↑ "8 U.S. Code § 1406 – Persons living in and born in the Virgin Islands". LII / Legal Information Institute. Archived from the original on September 22, 2018. Retrieved September 22, 2018.
- ↑ "Presidential election in the U.S. Virgin Islands, 2016". Ballotpedia. Ballotpedia. July 1, 2016. Archived from the original on April 21, 2017. Retrieved February 24, 2017.
- ↑ Lin, Tom C.W., Americans, Almost and Forgotten, 107 California Law Review (2019)
- ↑ "Watch John Oliver Cast His Ballot for Voting Rights for U.S. Territories". Time. Archived from the original on September 18, 2018. Retrieved September 22, 2018.
- ↑ "Legislature of the Virgin Islands". Ballotpedia. Ballotpedia. July 1, 2016. Archived from the original on May 23, 2017. Retrieved February 24, 2017.
- ↑ "Virgin Islands – History". Encyclopaedia Britannica. Retrieved January 2, 2020.
All military, civil, and judicial power was invested in a governor appointed by the president of the United States./In 1968 an act was approved, which took effect in 1970, legalizing the popular election of the islands' governor and lieutenant governor for four-year terms.
- ↑ "Senator Marvin A. Blyden – Legislature of the Virgin Islands". Archived from the original on October 12, 2018. Retrieved September 22, 2018.
- ↑ "Historical Evolution of the Legislature of the Virgin Islands". Legislature of the Virgin Islands. Archived from the original on October 12, 2018. Retrieved September 22, 2018.
- ↑ "USGS. How many counties are there in the United States? Retrieved September 21, 2018". Archived from the original on September 7, 2018. Retrieved September 22, 2018.
- ↑ "Census.gov. 2010 Census – U.S. Virgin Islands Districts and Subdistricts. Retrieved September 21, 2018". Archived from the original on September 22, 2018. Retrieved September 22, 2018.
- ↑ "2010 FIPS Codes for Counties and County Equivalent Entities. Census.gov. Retrieved September 21, 2018". Archived from the original on March 12, 2016. Retrieved September 22, 2018.
- ↑ "U.S. Virgin Islands Districts". www.statoids.com. Archived from the original on September 21, 2018. Retrieved September 22, 2018.
- ↑ United States Virgin Islands, 11 October 1993: Status Direct Democracy (in German)
- ↑ Special Committee on Decolonisation (August 4, 2016). "Question of the U.S. Virgin Islands". Overseas Review. Overseas Review. Archived from the original on May 25, 2017. Retrieved February 21, 2017.
Recognizing that the specific characteristics and the aspirations of the people of the United States Virgin Islands require flexible, practical and innovative approaches to the options for self-determination, without any prejudice to territorial size, geographical location, size of population or natural resources
- ↑ 32.0 32.1 32.2 32.3 "U.S. Virgin Islands Economic Review – VI" (PDF). VI Bureau of Economic Research. VI Bureau of Economic Research. May 15, 2016. Archived from the original (PDF) on November 30, 2016. Retrieved February 15, 2017.
- ↑ "Economic Census Shows the U.S. Virgin Islands Generated $6.8 Billion in Sales in 2012". US Census. Department of Commerce. July 15, 2014. Archived from the original on February 22, 2017. Retrieved February 18, 2017.
- ↑ "UNEMPLOYMENT RATES - U.S. Virgin Islands" (PDF). Bureau of Economic Research-United States Virgin Islands. Archived from the original (PDF) on 2022-05-22. Retrieved January 24, 2021.
- ↑ Baribeau, Simone (January 23, 2017). "United States Virgin Islands Risks Capsizing Under Weight Of Debt". Forbes. Archived from the original on February 17, 2017. Retrieved February 15, 2017.
How far behind is the United States Virgin Islands (USVI) from facing the same sort of financial crisis as Puerto Rico? Not very.
- ↑ Gilbert, Ernice (February 16, 2017). "GOVERNMENT HAS TWO DAYS CASH ON HAND LEFT, FINANCE COMMISSIONER REVEALS". VI Consortium. VI Consortium. Archived from the original on February 16, 2017. Retrieved February 16, 2017.
- ↑ "U.S. TERRITORIES Public Debt Outlook" (PDF). US GAO. Archived (PDF) from the original on October 13, 2019. Retrieved 25 October 2019.
- ↑ Garely, Dr. Elinor (November 9, 2014). "Interview: The Honorable Beverly Nicholson-Doty, Commissioner of Tourism, United States Virgin Islands". E Turbo News. eTurboNews, Inc. Archived from the original on February 16, 2017. Retrieved February 15, 2017.
Dr. Elinor Garely, Editor-in-Chief, TourismExecutives.com
- ↑ "Travel and Tourism in US Virgin Islands". Euromonitor. Euromonitor. 2015. Archived from the original on March 22, 2017. Retrieved February 15, 2017.
- ↑ 40.0 40.1 "Virgin Islands Tourist Tips". Here.VI Search. WebMastersVI.com. Archived from the original on February 10, 2009. Retrieved January 24, 2010.
- ↑ "Official USPS Abbreviations". United States Postal Service. Archived from the original on March 28, 2009. Retrieved January 24, 2010.
- ↑ 42.0 42.1 "Virgin Islands General Information". United States Postal Service. Archived from the original on December 25, 2009. Retrieved January 24, 2010.
- ↑ "St Thomas, VI". Zip-Codes.com. Datasheer, LLC. Archived from the original on March 26, 2010. Retrieved January 24, 2010.
- ↑ "Christiansted, VI". Zip-Codes.com. Datasheer, LLC. Archived from the original on February 16, 2010. Retrieved January 24, 2010.
- ↑ "St John, VI". Zip-Codes.com. Datasheer, LLC. Archived from the original on May 25, 2010. Retrieved January 24, 2010.
- ↑ "Frederiksted, VI". Zip-Codes.com. Datasheer, LLC. Archived from the original on May 25, 2010. Retrieved January 24, 2010.
- ↑ "Kingshill, VI". Zip-Codes.com. Datasheer, LLC. Archived from the original on January 19, 2010. Retrieved January 24, 2010.
- ↑ "U.S. Census website". United States Census Bureau. Retrieved 2008-01-31.
- ↑ "Census 2010 News | U.S. Census Bureau Releases 2010 Census Population Counts for the U.S. Virgin Islands". 2010.census.gov. Archived from the original on November 1, 2012. Retrieved December 13, 2012.
- ↑ U.S. Census Bureau. 2013.
- ↑ An introduction to pidgins and creoles – John A. Holm
- ↑ "Virgin Islands Language". Vinow. VI Now. 2016. Archived from the original on April 7, 2016. Retrieved July 6, 2016.
St. Croix was owned by the French until 1733 when the Danes bought it. By 1741 there were five times as many English on the island as Danes. English Creole emerged on St. Croix more so than Dutch Creole, which was more popular on St. Thomas and St. John until the 1800s.
- ↑ "U.S. Virgin Islands". Pew Research. Pew Research. 2016. Archived from the original on February 22, 2017. Retrieved February 21, 2017.
- ↑ "Virgin Islands Demographics". VI Moving Center. VI Moving Center. 2015. Archived from the original on February 17, 2017. Retrieved February 18, 2017.
Resource: 2010 United States Census of Population and Housing
ఉల్లేఖన లోపం: "note" అనే గ్రూపులో <ref> ట్యాగులు ఉన్నాయి గానీ, దానికి సంబంధించిన <references group="note"/> ట్యాగు కనబడలేదు