వసంత్ రంజనే
| వ్యక్తిగత సమాచారం | ||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| పూర్తి పేరు | వసంత్ బాబూరావ్ రంజనే | |||||||||||||||||||||||||||||||||||||||
| పుట్టిన తేదీ | 1937 జూలై 22 పూణే, బ్రిటిషు భారతదేశం | |||||||||||||||||||||||||||||||||||||||
| మరణించిన తేదీ | 2011 డిసెంబరు 22 (వయసు 74) పూణే | |||||||||||||||||||||||||||||||||||||||
| బ్యాటింగు | కుడిచేతి వాటం | |||||||||||||||||||||||||||||||||||||||
| బౌలింగు | కుడిచేతి ఫాస్ట్-మీడియం | |||||||||||||||||||||||||||||||||||||||
| అంతర్జాతీయ జట్టు సమాచారం | ||||||||||||||||||||||||||||||||||||||||
| జాతీయ జట్టు | ||||||||||||||||||||||||||||||||||||||||
| తొలి టెస్టు (క్యాప్ 86) | 1958 డిసెంబరు 12 - వెస్టిండీస్ తో | |||||||||||||||||||||||||||||||||||||||
| చివరి టెస్టు | 1964 అక్టోబరు 2 - ఆస్ట్రేలియా తో | |||||||||||||||||||||||||||||||||||||||
| కెరీర్ గణాంకాలు | ||||||||||||||||||||||||||||||||||||||||
| ||||||||||||||||||||||||||||||||||||||||
మూలం: CricInfo, 2022 మే 31 | ||||||||||||||||||||||||||||||||||||||||
వసంత్ బాబూరావ్ రంజనే (1937 జూలై 22 - 2011 డిసెంబరు 22[1]) 1958 - 1964 మధ్య ఏడు టెస్ట్ మ్యాచ్‌లు ఆడిన భారతీయ క్రికెటరు.
వసంత్ రంజనే తన వికెట్ల కోసం వేగం కంటే లైన్, లెంగ్తులపై ఎక్కువ ఆధారపడే బౌలరు.[2] అతను 'రెండు వైపులా స్వింగ్ చేయగలడు, బంతిని సీమ్ నుండి కట్ చేయగలడు'. [3]
పిల్లవాడిగా ఉండగా రంజనే, మధుసూదన్ రేగే శిక్షణ ఇచ్చే పూనాలోని శివాజీ ప్రిపరేటరీ స్కూల్ గ్రౌండ్స్‌కి తరచుగా వచ్చేవాడు. అతను దీనిని సంగంవాడి యూనియన్ క్లబ్‌లో ప్రాక్టీస్ చేసేటపుడు కూడా పాటించాడు. అక్కడ నుండి అతన్ని విలాస్ క్లబ్‌లోని టాలెంట్ స్కౌట్‌లు ఎంపిక చేసారు. దీంతో ఫస్ట్ డివిజన్, ఫస్ట్ క్లాస్ క్రికెట్ ఆడేందుకు మార్గం సుగమమైంది.[4]
1956–57లో సౌరాష్ట్రపై మహారాష్ట్ర తరఫున హ్యాట్రిక్‌తో సహా తన తొలి (మ్యాచ్‌లో 71కి 13) ఇన్నింగ్స్‌లో 35 పరుగులకు తొమ్మిది వికెట్లు పడగొట్టి రంజనే, తన ఫస్ట్ క్లాస్ కెరీర్‌ను అద్భుతంగా ప్రారంభించాడు. [5] రెండు సంవత్సరాల తర్వాత గ్రీన్ పార్క్, కాన్పూర్‌లో వెస్టిండీస్‌తో తన మొదటి టెస్ట్ ఆడినప్పుడు, సుభాష్ గుప్తే 102 పరుగులకు 9 వికెట్లు పడగొట్టగా మిగిలిన ఒక్క వికెట్‌ను అతను తీసుకున్నాడు. అతను బ్యాటింగ్ చేస్తున్నప్పుడు వెస్ హాల్ వేసిన ఫుల్ టాస్ తొడపై తగిలి రెండో ఇన్నింగ్స్‌లో బౌలింగ్ చేయలేకపోయాడు. [6] తర్వాతి టెస్టులో అతని స్థానంలో సురేంద్రనాథ్‌ని తీసుకున్నారు.
మూడు సంవత్సరాల తర్వాత ఇంగ్లండ్‌తో జరిగిన టెస్టులో అతను మూడు టెస్టుల్లో పది వికెట్లు పడగొట్టాడు. దీని తర్వాత 1961-62లో వెస్టిండీస్ పర్యటన జరిగింది. పాక్షికంగా జట్టులో చాలా మంది ఆల్-రౌండర్ల ఉనికి కారణంగా, రంజనే చివరి టెస్ట్‌లో మాత్రమే ఆడాడు. అక్కడ అతను కాన్రాడ్ హంటే, రోహన్ కన్హై, గ్యారీ సోబర్స్, ఫ్రాంక్ వోరెల్‌ల వికెట్లను తీసుకున్నాడు.
రంజనే చాలా పేద నేపథ్యం నుండి వచ్చాడు. పదేళ్ల వయసులో ఫ్యాక్టరీలో పనిచేసే తండ్రి మరణించడంతో, అతని తల్లి కుటుంబాన్ని పోషించడానికి ఆసుపత్రిలో పనిమనిషిగా పనిచేసింది. ఏడో తరగతి తర్వాత రంజనే స్కూల్ మానేసాడు. అతను భారతీయ రైల్వేలో ఫిట్టర్‌గా ఉద్యోగం సంపాదించి, 1994 వరకు పనిచేసాడు. కానీ అతని ఆరుగురు పిల్లలను పోషించడానికి అది సరిపోలేదు. [7] [8]
1980ల ప్రారంభంలో అతని బాధలు మీడియాలో వచ్చినప్పుడు, బోర్డ్ ఆఫ్ కంట్రోల్ ఫర్ క్రికెట్ ఇన్ ఇండియా అతనికి 1983లో భారతదేశం, పర్యాటక వెస్టిండీస్ జట్ల మధ్య నాగ్‌పూర్‌లో బెనిఫిట్ మ్యాచ్‌ని కేటాయించింది. 1960లలో పూనా వరదల్లో అతని ఇల్లు దెబ్బతిన్నప్పుడు BCCI నుండి ఎక్స్ గ్రేషియా చెల్లింపు కూడా అందుకున్నాడు. అతని కుమారుడు సుభాష్, మహారాష్ట్ర తరపున క్రికెట్ ఆడాడు.
మూలాలు
[మార్చు]- ↑ "Vasant Ranjane dies aged 74".
- ↑ Sujit Mukherjee, Playing for India, Orient Longman (1988)
- ↑ Christopher Martin-Jenkins, The Complete Who's Who of Test cricketers
- ↑ G. Viswanath, The Forgotten Figure, Sportstar, 29 September 1984
- ↑ Scorecard of Maharashtra v Saurashtra, 1956–57
- ↑ Indian Cricket Annual, 1959–60, p. 90
- ↑ Richard Cashman, Patrons, players and the crowd, Orient Longman (1980), p. 92
- ↑ "Pune's Hall of Fame". Archived from the original on 30 September 2007. Retrieved 9 March 2007.