వి. డి. సతీశన్
| వి. డి. సతీశన్ | |||
| ప్రస్తుత పదవిలో | |||
| అధికార కాలం 2026 మే 18 | |||
| గవర్నరు | రాజేంద్ర అర్లేకర్ | ||
|---|---|---|---|
| ముందు | పినరయి విజయన్ | ||
| పదవీ కాలం 2021 మే 22 – 2026 మే 5 | |||
| గవర్నరు | ఆరీఫ్ మహమ్మద్ ఖాన్ రాజేంద్ర అర్లేకర్ | ||
| ముందు | రమేష్ చెన్నితాల | ||
| తరువాత | పినరయి విజయన్ | ||
| ప్రస్తుత పదవిలో | |||
| అధికార కాలం 2001 మే 13 | |||
| ముందు | పి. రాజు | ||
| నియోజకవర్గం | పరవూరు | ||
వ్యక్తిగత వివరాలు |
|||
| జననం | 1964 మే 31 నెట్టూర్ , కేరళ , భారతదేశం | ||
| రాజకీయ పార్టీ | ఐఎన్సీ | ||
| తల్లిదండ్రులు | కె. దామోదర మీనన్ వి. విలాసిని అమ్మ | ||
| జీవిత భాగస్వామి | ఆర్.లక్ష్మీప్రియ | ||
| సంతానం | 1
| ||
| పూర్వ విద్యార్థి | సేక్రేడ్ హార్ట్ కాలేజ్, తేవర (బి.ఏ) కేరళ లా అకాడమీ లా కాలేజీ (ఎల్.ఎల్.బి) ప్రభుత్వ న్యాయ కళాశాల, తిరువనంతపురం (ఎల్.ఎల్.ఎం) | ||
వడస్సేరి దామోదరన్ సతీశన్ (జననం 31 మే 1964) భారతదేశానికి చెందిన రాజకీయ నాయకుడు. ఆయన కేరళ 13వ ముఖ్యమంత్రిగా పనిచేస్తున్నారు. ఆయన 15వ కేరళ శాసనసభలో 22 మే 2021 నుండి ప్రతిపక్ష నాయకుడిగా పని చేస్తున్నాడు.[1][2]
2021 కేరళ శాసనసభ ఎన్నికల తర్వాత కాంగ్రెస్ నాయకుడు రమేష్ చెన్నితాల తర్వాత సతీశన్ ప్రతిపక్ష నాయకుడిగా ఉన్నాడు. ఆయన కేరళ ప్రదేశ్ కాంగ్రెస్ కమిటీ ఉపాధ్యక్షుడిగా కూడా పని చేస్తున్నాడు.[1][2]
జననం, విద్యాభాస్యం
[మార్చు]వీ.డీ. సతీశన్ 31 మే 1964న కె. దామోదర మీనన్, వి. విలాసిని అమ్మలకు ఎర్నాకుళం జిల్లాలోని నెట్టూరులో జన్మించాడు.[3] అయన తన ప్రాథమిక విద్యను పనంగాడ్ హైస్కూల్ నుండి, అండర్-గ్రాడ్యుయేషన్, సేక్రేడ్ హార్ట్ కాలేజ్, తేవరా నుండి పోస్ట్-గ్రాడ్యుయేషన్ ఇన్ సోషల్ వర్క్ (MSW) రాజగిరి కాలేజ్ ఆఫ్ సోషల్ సైన్సెస్ నుండి పూర్తి చేశాడు.[4] సతీశన్ కేరళ లా అకాడమీ లా కాలేజీ నుండి తన బ్యాచిలర్ ఆఫ్ లాస్ (ఎల్ఎల్బీ), తిరువనంతపురంలోని ప్రభుత్వ న్యాయ కళాశాల నుండి మాస్టర్ ఆఫ్ లాస్ (ఎల్ఎల్ఎం) పూర్తి చేశాడు. సతీశన్ కేరళ హైకోర్టులో న్యాయవాదిగా పని చేశాడు.[5]
వివాహం
[మార్చు]వీ.డీ. సతీశన్ ఆర్. లక్ష్మి ప్రియను వివాహం చేసుకున్నాడు, ఈ దంపతులకు కుమార్తె ఉన్నిమయ ఉంది.[6]
రాజకీయ జీవితం
[మార్చు]సతీశన్ 1986-1987 కాలంలో మహాత్మా గాంధీ యూనివర్సిటీ యూనియన్కు చైర్మన్గా ఆ తరువాత నేషనల్ స్టూడెంట్స్ యూనియన్ సెక్రటరీగా కూడా పని చేశాడు.[7]
- సతీశన్ కేరళ హైకోర్టులో న్యాయవాదిగా ప్రాక్టీస్ చేస్తున్నప్పుడు 2001లో తొలిసారిగా పరవూరు శాసనసభ నియోజకవర్గం నుండి కేరళ శాసనసభకు ఎన్నికయ్యాడు.
- 2006 కేరళ అసెంబ్లీ ఎన్నికలలో పరవూరు నియోజకవర్గంలో కె.ఎం దినకరన్పై గెలిచి రెండోసారి ఎమ్మెల్యేగా ఎన్నికయ్యాడు.[8]
- 2011లో కమ్యూనిస్ట్ పార్టీ ఆఫ్ ఇండియాకు చెందిన పన్నయన్ రవీంద్రన్ను 11349 ఓట్లతో ఓడించి మళ్లీ కేరళ శాసనసభకు ఎన్నికయ్యాడు.[9]
- 2016లో భారత కమ్యూనిస్టు పార్టీకి చెందిన శారదా మోహన్పై 20,634 ఓట్ల తేడాతో పరవూరు శాసనసభ నియోజకవర్గం నుండి ఎమ్మెల్యేగా తిరిగి ఎన్నికయ్యాడు.[10] అతను 12వ అసెంబ్లీలో భారత జాతీయ కాంగ్రెస్ చీఫ్ విప్గా పని చేశాడు .
- 2021లో కమ్యూనిస్ట్ పార్టీ ఆఫ్ ఇండియాకు చెందిన ఎం.టి నిక్సన్ను 21,301 ఓట్ల తేడాతో ఓడించడం ద్వారా పరవూరు శాసనసభ నియోజకవర్గం నుండి ఐదవసారి మళ్లీ కేరళ శాసనసభకు ఎమ్మెల్యేగా ఎన్నికయ్యాడు.[11]
- 22 మే 2021న కాంగ్రెస్ వర్కింగ్ కమిటీ 15వ కేరళ శాసనసభలో వీ.డీ. సతీశన్ను ప్రతిపక్ష నాయకుడిగా ప్రకటించింది.[12]
- 2026 కేరళ అసెంబ్లీ ఎన్నికలలో యూడీఎఫ్ విజయం తర్వాత, పార్టీ నాయకుల మధ్య సుదీర్ఘ చర్చల తర్వాత 2026 మే 14న సతీశన్ను కాబోయే ముఖ్యమంత్రిగా ఐఎన్సీ ప్రకటించింది
- ఆయన 2026 మే 18న ముఖ్యమంత్రిగా ప్రమాణ స్వీకారం చేశాడు.[13]
- త్రివేండ్రంలోని సెంట్రల్ స్టేడియంలో జరిగిన ప్రమాణ స్వీకారోత్సవంలో మరో 20 మంది మంత్రులు కూడా ప్రమాణం చేశారు. కేరళ చరిత్రలో పూర్తిస్థాయి మంత్రివర్గం ఒకేసారి ప్రమాణ స్వీకారం చేయడం ఇదే మొదటిసారి.[14]
మూలాలు
[మార్చు]- 1 2 "Congress appoints VD Satheesan as leader of opposition in Kerala". 22 May 2021.
- 1 2 "Muziris Projects Limited Information - Muziris Projects Limited Company Profile, Muziris Projects Limited News on the Economic Times".
- ↑ Hindustan Pages[permanent dead link]
- ↑ "V D Satheesan". the original నుండి 2020-06-22 న ఆర్కైవు చెయ్యబడింది. ఒరిజినల్ పేజీని చూసిన తేదీ: 2024-05-20.
- ↑ "Members - Kerala Legislature".
- ↑ "പിണറായി വിജയന്റെ കരുത്തിനെ നേരിടാൻ വി.ഡി സതീശന്റെ പോരാട്ടവീര്യം". ManoramaOnline (in మలయాళం). ఒరిజినల్ పేజీని చూసిన తేదీ: 26 May 2021.
- ↑ "Members - Kerala Legislature". www.niyamasabha.org. ఒరిజినల్ పేజీని చూసిన తేదీ: 20 May 2021.
- ↑ Sushanth. "ASSEMBLY ELECTIONS 1957 - 2016(Kerala)". data-analytics.GitHub.io. ఒరిజినల్ పేజీని చూసిన తేదీ: 20 May 2021.
- ↑ "Members - Kerala Legislature". www.niyamasabha.org. ఒరిజినల్ పేజీని చూసిన తేదీ: 20 May 2021.
- ↑ "Kerala Assembly Election Results in 2016". www.elections.in. ఒరిజినల్ పేజీని చూసిన తేదీ: 22 May 2021.
- ↑ Sudhi, K. s (19 March 2021). "Kerala Assembly Elections | Congress banks yet again on Satheesan in Paravur". The Hindu (in Indian English). ISSN 0971-751X. ఒరిజినల్ పేజీని చూసిన తేదీ: 20 May 2021.
- ↑ തങ്ങള്, ശിഹാബുദ്ദീന്. "ഇനി പ്രതിപക്ഷത്തിന്റെ ചാട്ടുളി സതീശന്; തിരിച്ചുവരവിലേക്കുള്ള ആദ്യചുവട്". Mathrubhumi (in ఇంగ్లీష్). ఒరిజినల్ పేజీని చూసిన తేదీ: 22 May 2021.
- ↑ "కేరళ సీఎంగా సతీశన్ ప్రమాణం". Andhrajyothy. 19 May 2026. the original నుండి 19 May 2026 న ఆర్కైవు చెయ్యబడింది. ఒరిజినల్ పేజీని చూసిన తేదీ: 19 May 2026.
- ↑ "కేరళంలో కొలువుదీరిన కొత్త ప్రభుత్వం.. సీఎంగా వీడీ సతీశన్ ప్రమాణస్వీకారం". విజయక్రాంతి న్యూస్. 2026-05-18. ఒరిజినల్ పేజీని చూసిన తేదీ: 2026-05-19.