వొడితల రాజేశ్వర్ రావు
| వొడితల రాజేశ్వర్ రావు | |||
రాజ్యసభ సభ్యుడు
| |||
| పదవీ కాలం 1992 – 1998 | |||
ఎమ్మెల్సీ
| |||
| పదవీ కాలం 1980 – 1985 | |||
ఎమ్మెల్యే
| |||
| పదవీ కాలం 1972 – 1978 | |||
| తరువాత | దుగ్గిరాల వెంకటరావు | ||
|---|---|---|---|
| నియోజకవర్గం | హుజూరాబాద్ నియోజకవర్గం | ||
వ్యక్తిగత వివరాలు
|
|||
| జననం | 1931 సెప్టెంబర్‌ 16 సింగాపూర్ గ్రామం, హుజూరాబాద్ మండలం, కరీంనగర్ జిల్లా, తెలంగాణ, భారతదేశం | ||
| రాజకీయ పార్టీ | కాంగ్రెస్ | ||
| జీవిత భాగస్వామి | శారద | ||
| బంధువులు | వొడితల ల‌క్ష్మీకాంత రావు (సోదరుడు) | ||
| నివాసం | వరంగల్ | ||
| మూలం | [1] | ||
వొడితల రాజేశ్వర్‌రావు తెలంగాణ రాష్ట్రానికి చెందిన రాజకీయ నాయకుడు. ఆయన హుజురాబాద్ శాసనసభ నియోజకవర్గం ఎమ్మెల్యేగా, ఆ తరువాత ఎమ్మెల్సీగా, 1992 నుండి 98 వరకు రాజ్యసభ సభ్యుడిగా పనిచేశాడు.[2]
రాజకీయ జీవితం
[మార్చు]వొడితల రాజేశ్వర్‌రావు తన స్వగ్రామం సింగాపూర్ సర్పంచ్‌గా తన రాజకీయ జీవితాన్ని ప్రారంభించి అనంతరం హుజూరాబాద్ పంచాయతీ సమితి అధ్యక్షుడయ్యాడు. ఆయన 1972లో జరిగిన శాసనసభ ఎన్నికల్లో హుజూరాబాద్ నియోజకవర్గం నుండి కాంగ్రెస్ అభ్యర్థిగా పోటీ చేసి శాసనసభ సభ్యునిగా ఎన్నికై, ఆ తర్వాత 1980-85 వరకు శాసనమండలి సభ్యునిగా పనిచేశాడు. రాజేశ్వర్‌రావు 1992 నుండి 1998 వరకు రాజ్యసభ సభ్యునిగా ఎన్నికయ్యాడు. ఆయన 1994లో ఆల్ ఇండియా కాంగ్రెస్ కమిటీ (ఏఐసీసీ) సభ్యుడిగా నియమితుడయ్యాడు.[3]
మరణం
[మార్చు]వొడితల రాజేశ్వర్‌రావు కిడ్నీ సంబంధిత సమస్యలతో 2011 జూలై 24న హైదరాబాద్‌లో మరణించాడు. ఆయనకు ఇద్దరు కుమారులు వొడితల కిషన్‌రావు, శ్రీనివాసరావు, ఒక కుమార్తె జ్యోతి ఉన్నారు.[4]
విగ్రహం
[మార్చు]వొడితల రాజేశ్వర్‌రావు విగ్రహాన్ని ఆయన మనుమడు వొడితల ప్రణవ్‌బాబు ఆధ్వర్యంలో ఏర్పాటు చేసిన కార్యక్రమంలో కరీంనగర్ జిల్లా హుజూరాబాద్ నియోజకవర్గంలోని సింగాపూర్‌లో మంత్రి తన్నీరు హరీశ్ రావు ఆవిష్కరించాడు. ఈ కార్యక్రమంలో మంత్రి గంగుల కమలాకర్, రాష్ట్ర ప్రణాళికా సంఘం ఉపాధ్యక్షుడు బోయినపల్లి వినోద్‌కుమార్‌, మాజీ ఎంపీ కెప్టెన్‌ ల‌క్ష్మీకాంత రావు తదితరులు పాల్గొన్నారు.[5]
మూలాలు
[మార్చు]- ↑ "Kavikulguru Institute Of Technology And Science". 2024. Archived from the original on 22 January 2024. Retrieved 22 January 2024.
- ↑ Dishadasha (23 July 2023). "ప్రజా ప్రతినిధిగా… విద్యా సంస్థల అధిపతిగా…". Archived from the original on 22 January 2024. Retrieved 22 January 2024.
- ↑ Namaste Telangana (24 July 2023). "రాజేశ్వర్‌రావుకు అరుదైన గౌరవం". Archived from the original on 22 January 2024. Retrieved 22 January 2024.
- ↑ The New Indian Express (16 May 2012). "Singapuram Rajeshwar Rao dead" (in ఇంగ్లీష్). Archived from the original on 22 January 2024. Retrieved 22 January 2024.
- ↑ Namaste Telangana (25 July 2023). "మాజీ ఎంపీ రాజేశ్వర్‌రావు మహా శిఖరం". Archived from the original on 22 January 2024. Retrieved 22 January 2024.