శోభనా భర్తియా
శోభనా భర్తియా | |
|---|---|
.jpg) 2013 లో శోభనా భర్తియా | |
| జననం | 1957 జనవరి 4 |
| జాతీయత | భారతీయుడు |
| వృత్తి | వ్యాపారవేత్త |
| పదవీ కాలం | 2006–2012 |
| రాజకీయ పార్టీ | భారత జాతీయ కాంగ్రెస్ |
| జీవిత భాగస్వామి | శ్యాం సుందర్ భర్తియా |
| తల్లిదండ్రులు | కృష్ణకుమార్ బిర్లా |
| పురస్కారాలు | పద్మశ్రీ |
శోభనా భర్తియా (Shobhana Bhartia (జ: 1957) హిందుస్తాన్ టైమ్స్ గ్రూపు యొక్క ఎడిటోరియల్ డైరెక్టర్. ఈ పదవి ఈమెకు తండ్రి కృష్ణ కుమార్ బిర్లా తర్వాత వంశపారంపర్యంగా సంక్రమించింది. ఈమె తాతగారు స్థాపించిన బిర్లా ఇన్‍స్టిట్యూట్ ఆఫ్ టెక్నాలజీ, సైన్స్ సంస్థ ప్రొ-చాన్స్ లర్ గా కూడా ఈమెనే. ఈమె ప్రస్తుత ఎండీవర్ ఇండియా చైర్ పర్సన్. ఈమె అధికారంలోనున్న భారత జాతీయ కాంగ్రెసుకు చాలా సన్నిహితంగా పనిచేస్తూ 2006 - 2012 మధ్య రాజ్యసభకు నామినేట్ చేయబడింది.
వ్యక్తిగత జీవితం
[మార్చు]ఈమె తాత జి.డి.బిర్లా; తండ్రి కె.కె.బిర్లా. వీరు ముగ్గురు అక్కాచెల్లెల్లలో శోభనా చిన్నది. ఈమె భర్త శ్యామ్ భర్తియా వ్యాపారవేత్త. వీరికి ఇద్దరు పిల్లలు.
తొలి రోజులు
[మార్చు]చిన్నతనం నుండి ఢిల్లీలోని హిందుస్తాన్ టైమ్స్ కార్యాలయానికి వెళ్లి, అందులోని వివిధ విభాగాల పనితీరు, యాజమాన్య పద్ధతులు, మార్కెటింగ్ అంశాలు తెలుసుకున్నారు. అప్పుడు వాషింగ్టన్ పోస్ట్ యజమాని క్యాథరిన్ గ్రాహమ్తో పరిచయం ఏర్పడి వాషింగ్టన్లో వారం రోజుల పాటు ఆ సంస్థ ఉద్యోగుల పనితీరు గమనించి; తిరిగివచ్చిన తర్వాత 1986లో హిందుస్తాన్ టైమ్స్ లో చేరారు.
పత్రికా జీవితం
[మార్చు]ఢిల్లీకి మాత్రమే పరిమితమైన పత్రికను అభివృద్ధిపథంలో నడిపించింది. ఆదివారం అనుబంధంలో బ్రంచ్ మ్యాగజైన్ ను తీసుకొనివచ్చింది. తర్వాత హెచ్ టీ నెక్స్ట్ ను ప్రారంభించింది. ఈ రెండూ యువ పాఠకుల్ని ఆకట్టుకోవడంతో పత్రికను ఉత్తర భారతదేశంలో ఆరు నగరాలకు విస్తరించారు.
2004లో పత్రికల్లో విదేశీ ప్రత్యక్ష పెట్టుబడులకు అనుమతి వచ్చినప్పుడు వీరి కంపెనీలో 20 శాతం వాటాను హెండర్సన్ గ్లోబల్ ఇన్‍వెస్టర్స్ కు ఇచ్చారు. దానితో పత్రికను ఆధునీకరించారు. ఆ తర్వాత పబ్లిక్ ఇష్యూ ప్రకటించి నిధులు సమీకరించారు. తర్వాత 2007లో మింట్, ఫీవర్ 104 ఎఫ్.ఎం. రేడియో ప్రారంభించారు.
ఈమెకు భారత ప్రభుత్వం పద్మశ్రీ పురస్కారాన్ని ప్రదానం చేసింది.