హైబ్రిడ్ (జీవశాస్త్రం)
సంకరజాతి (హైబ్రిడ్) అంటే రెండు వేర్వేరు మొక్కలలో లేదా రెండు వేర్వేరు జాతుల జంతువులలో ఫలదీకరణం ద్వారా లేదా లైంగిక పునరుత్పత్తి ద్వారా ఏర్పడిన కొత్త మొక్క లేదా కొత్త జంతువు. ఈ ప్రక్రియ ద్వారా ఉత్పత్తి అయ్యే సంతానాన్ని హైబ్రిడ్ అంటారు. జంతువులు, మొక్కల గురించి మాట్లాడేటప్పుడు ఈ పదం చాలా సాధారణం. కంచరగాడిద హైబ్రిడ్ జంతువు. మగ గాడిద, ఆడ గుర్రం మధ్య సంకరం ద్వారా పుట్టిన జంతువు కంచరగాడిద. మగ గాడిద, ఆడ గుర్రం మధ్య సంకర ఫలితం సంతానప్రాప్తిలేని ఒక కంచరగాడిద. ఈ జన్యు మిశ్రమం యొక్క అనేక జాతులు అంతరించిపోయే ప్రమాదం ఉంది. అనేక తోట మొక్కలు, పంట మొక్కలు సంకరజాతులు. కొత్త జాతులు కొన్నిసార్లు రెండు ఇతర జాతుల మధ్య సంకరజాతి నుండి ఏర్పడతాయి. ఇవి కొన్నిసార్లు తల్లిదండ్రుల కంటే పెద్దవిగా లేదా పొడవుగా పెరుగుతాయి. హైబ్రిడ్ యొక్క భావన జంతువుల, మొక్కల పెంపకంలో భిన్నంగా వివరించబడుతుంది. ఇక్కడ వ్యక్తిగత తల్లిదండ్రులపై ఆసక్తి ఉంటుంది. జన్యుశాస్త్రంలో, క్రోమోజోమ్‌ల సంఖ్యపై దృష్టి కేంద్రీకరించబడింది. వర్గీకరణలో, మాతృ జాతులకు ఎంత దగ్గరి సంబంధం ఉందనేది ఒక ముఖ్యమైన ప్రశ్న. హైబ్రీడ్ వంగడాలలో వరి, గోధుమ వంటి ముఖ్యమైన పంట మొక్కలు ఉన్నాయి, వీటిలో క్రోమోజోమ్‌ల సంఖ్య రెట్టింపు చేయబడింది. సాంప్రదాయ ఉద్యాన, ఆధునిక వ్యవసాయం రెండింటిలో ఇది సాధారణం; వాణిజ్యపరంగా చాలా ఉపయోగకరమైన పండ్లు, పువ్వులు, మూలికల చెట్లు సంకరీకరణ ద్వారా ఉత్పత్తి చేయబడ్డాయి. హైబ్రీడ్ వంగడాల పుట్టుకతో పంట దిగుబడులు పెరిగాయి.
హైబ్రిడ్ మానవులు చరిత్రపూర్వంలో ఉన్నారు. ఉదాహరణకు, నియాండర్తల్ జీవులూ, శరీర నిర్మాణపరంగా ఆధునిక మానవులూ 40,000 సంవత్సరాల క్రితం మిశ్రమమైనట్లు భావిస్తున్నారు.
మూలాలు
[మార్చు]- ↑ Farmer, B. H. (1986). "Perspectives on the 'Green Revolution' in South Asia". Modern Asian Studies. 20 (1): 175–199. doi:10.1017/s0026749x00013627.