సెట్విన్

వికీపీడియా నుండి
Jump to navigation Jump to search
సెట్విన్
సొసైటీ ఫర్ ఎంప్లాయ్‌మెంట్ ప్రమోషన్ అండ్ ట్రైనింగ్ ఇన్ ట్విన్ సిటీస్
Setwin Logo.gif
సెట్విన్ లోగో
సంస్థ వివరాలు
స్థాపన 1978
అధికార పరిధి తెలంగాణ
ప్రధానకార్యాలయం అజ్మత్ జా ప్యాలెస్ నం. 4, పురాని హవేల్లి, హైదరాబాద్, ఇండియా
Parent agency యువజన సేవల విభాగం, తెలంగాణ ప్రభుత్వం
వెబ్‌సైటు
http://setwin.in

సెట్విన్ (సొసైటీ ఫర్ ఎంప్లాయ్‌మెంట్ ప్రమోషన్ అండ్ ట్రైనింగ్ ఇన్ ట్విన్ సిటీస్) అనేది తెలంగాణ రాష్ట్ర ప్రభుత్వంలోని ఒక సంస్థ. హైదరాబాదు, సికింద్రాబాదు జంట నగరాల నిరుద్యోగులకు ఉపాధి, స్వయం ఉపాధి అవకాశాలను అందించడానికి ఈ సంస్థ నామమాత్రపు ఫీజుతో వివిధ కోర్సులలో శిక్షణ ఇస్తోంది. వివిధ సెట్విన్ శిక్షణా కేంద్రాలలో దాదాపు 16 వేర్వేరు కోర్సులలో విద్యార్థులు ఉచిత ప్రవేశం పొందవచ్చు. నిరుద్యోగ యువతకు సహాయం చేయడానికి ఈ సంస్థ నుండి అనేక పథకాలు, జాబ్ మేళాలను నిర్వహించబడ్డాయి.

చరిత్ర[మార్చు]

1978, ఆగస్టు 15న అప్పటి ముఖ్యమంత్రి డాక్టర్ మర్రి చెన్నారెడ్డి ఆధ్వర్యంలో ఖాదర్ అలీ ఖాన్ సెట్విన్ ఛైర్మన్, మేనేజింగ్ డైరెక్టర్ గా ఈ సంస్థ ప్రారంభించబడింది.[1] తెలంగాణ రాష్ట్రం ఏర్పడిన తరువాత, ముఖ్యమంత్రి కె. చంద్రశేఖర్ రావు 2015లో పి. వైద్యానాథరావును మేనేజింగ్ డైరెక్టర్ గా నియమించాడు. 2017లో మీర్ ఇనాయత్ అలీ బక్రీ సెట్విన్ చైర్మన్ గా నియమించబడ్డాడు.

సంస్థ[మార్చు]

ఒక మహిళా అభివృద్ధి కార్యక్రమంలో సెట్విన్ విద్యార్థినితో సమీరా అజీజ్

శిక్షణ కేంద్రాలతోపాటు ప్రింటింగ్ ప్రెస్‌లు, చెరకు కేంద్రాలు, బుక్ బైండింగ్ వంటి వివిధ ఉత్పత్తి యూనిట్లను కూడా ఈ సంస్థ నిర్వహిస్తోంది. 2007 సంవత్సరంలో గ్రామీణ ప్రాంతాల్లో స్వయం ఉపాధి అవకాశాలను మెరుగుపరచడానికి హైదరాబాదు నుండి జిల్లాలకు ఈ సంస్థ తన సేవలను విస్తరించింది.[2] ఈ సంస్థ 32వ, 33వ శిక్షణా కేంద్రాలను మహబూబ్‌నగర్ జిల్లా 10వ బెటాలియన్‌లో, కర్నూలు జిల్లా 2వ బెటాలియన్‌ను సంస్థ చైర్మన్ మొహమ్మద్ మక్సూద్ అహ్మద్ ప్రారంభించాడు.[3] 2015, జూలై లో సెట్విన్ సంస్థ పేద మైనార్టీల విద్యార్థుల కోసం "ఐయుమిన్" అనే పథకాన్ని ప్రారంభించింది. ఈ సంస్థ ద్వారా శిక్షణ కోర్సును పూర్తిచేసి, పథకంలో నమోదు చేసుకున్న విద్యార్థులకు ప్లేస్‌మెంట్‌లను అందించడంలో ఈ సంస్థ కృషి చేస్తోంది. యువజన సేవల విభాగం, మైనారిటీ సంక్షేమ శాఖ సహకారంతో సెట్విన్ మేనేజింగ్ డైరెక్టర్ పి. వైద్యనాథరావు ఈ పథకాన్ని ప్రారంభించాడు.

రవాణా సేవలు[మార్చు]

వివిధ కోర్సులలో శిక్షణ ఇవ్వడం, వాటిని నిర్వహించడంతోపాటు, హైదరాబాదు నగరంలో తెలంగాణ రాష్ట్ర రోడ్డు రవాణా సంస్థ సేవలను విస్తరింపచేయడానికి ఈ సంస్థ ఆధ్వర్యంలో సెట్విన్ మినీ బస్సులను కూడా నడుపుతోంది. ఈ బస్సు సేవలు 1979, అక్టోబరులో ప్రారంభించబడ్డాయి. నాణ్యత లేని బస్సులు, అధిక ప్రమాదాల కారణంగా నిలిపివేయబడిన సెట్విన్ మినీ బస్సు సర్వీసులు. 2006లో మళ్ళీ ప్రారంభమయ్యాయి.[4]

మూలాలు[మార్చు]

  1. "Setwin popular with unemployed youth". The Times of India. 15 July 2003. Archived from the original on 3 January 2013. Retrieved 10 July 2021.
  2. "SETWIN to be extended". Business Line. Retrieved 10 July 2021.
  3. "Archived copy". Archived from the original on 2013-12-02. Retrieved 10 July 2021.{{cite web}}: CS1 maint: archived copy as title (link)
  4. "SETWIN buses back on roads". The Hindu. Chennai, India. 4 September 2006. Archived from the original on 1 May 2008. Retrieved 10 July 2021.

బయటి లింకులు[మార్చు]

"https://te.wikipedia.org/w/index.php?title=సెట్విన్&oldid=3308069" నుండి వెలికితీశారు