సురభి పాపాబాయి

సురభి పాపాబాయి
సురభి పాపాబాయి
జననం	సురభి పాపాబాయి 1869 కోలార్
మరణం	1933
ఇతర పేర్లు	సురభి పాపాబాయి

సురభి పాపాబాయి తొలి తెలుగు రంగస్థల నటి.

జననం

ఈవిడ 1869 వ సంవత్సరంలో కోలార్లో జన్మించారు.

రంగస్థల ప్రస్థానం

1887వ సంవత్సరంలో సురభి గ్రామంలో మొదటిసారిగా సురభివారు ప్రదర్శించిన ‘కీచకవధ’ అను నాటకంలో సైరంధ్రిగా స్త్రీ పాత్రను స్త్రీయే నటించిన ఖ్యాతి గడించిన ప్రప్రథమ తెలుగు రంగస్థల నటీమణి. ఆనాడు స్త్రీ పాత్రయేగాక పురుషపాత్రలు కూడా ధరించిన మొదటి నటి పాపాబాయి. 1911లో మొట్టమొదటి తెలుగు గ్రామఫోన్ రికార్డు యిచ్చిన మొదటి గాయని. ఈమె సంగీత విద్వాంసురాలు. నృత్య ప్రతిభాశాలి.

నటీమణిగా

కీచకవధ, స్త్రీ సాహసం, జయంతజయపాల, శకుంతల, రామాంజనేయ యుద్ధం, జగక్మోహిని, సారంగధర, రుక్మాంగద, హరిశ్చంద్ర, లంకాదహనం మొదలగు ఎన్నో నాటకములలో స్త్రీ పాత్రలు, పురుష పాత్రలు ధరించింది.

ఇతరాలు

• శ్రీ శారదా మనోవినోదినీ సంగీత నాటక సభను నిర్వహించిన ద్వితీయ మేనేజింగ్ ప్రొప్రయిటర్.
• ఢిల్లీలో ఎడ్వర్డు చక్రవర్తి, హైదరాబాద్ నవాబు, మైసూర్, జయపూర్, బొబ్బిలి, పిఠాపురం, శ్రీకాళహస్తి మహారాజుల నుండి సువర్ణ పతకములు, ప్రశంసాపత్రములు పొందింది.

మరణం

పాపాబాయి 1933వ సంవత్సరంలో మరణించింది.

మూలాలు

సురభి పాపాబాయి, కళాదీపికలు (సమకాలీన రంగస్థల నటీమణులు), ప్రథమ ముద్రణ, సంపాదకులు: వి.ఎస్. రాఘవాచారి., కళాదీపిక మాసపత్రిక, తిరుపతి, అక్టోబరు 2011, పుట. 3.