దొడ్డ గణేష్
1973, జూన్ 30న కర్ణాటకలోని బెంగుళూరులో జన్మించిన దొడ్డగణేష్ (Doddanarasiah Ganesh) భారత మాజీ క్రికెట్ క్రీడాకారుడు. ఇతడు జట్టు తరఫున 1997లో 4 టెస్టులు మరియు ఒక వన్డేలో ప్రాతినిధ్యం వహించాడు. 4 టెస్టులు ఆడిననూ తన అవకాశాన్ని సద్వినియోగం చేసుకోలేకపోయాడు. కేవలం 4 వికెట్లు మాత్రమే సాధించాడు. ఫస్ట్ క్లాస్ క్రికెట్లో కర్ణాటక తరఫున 104 మ్యాచ్లు ఆడి 365 వికెట్లు సాధించాడు.
[మార్చు] టెస్ట్ గణాంకాలు
గణేష్ 4 టెస్ట్ మ్యాచ్లు ఆడి 57.39 సగటుతో 5 వికెట్లు సాధించాడు. బ్యాటింగ్లో 6.25 సగటుతో 25 పరుగులు చేశాడు. టెస్టులలో అత్యుత్తమ బౌలింగ్ విశ్లేషణ 28 పరుగులకు 2 వికెట్లు కాగా అత్యధిక వ్యక్తిగత స్కోరు 8 పరుగులు.
[మార్చు] వన్డే గణాంకాలు
దొడ్డ గణేష్ ఒకే ఒక్క వన్డే ఆడి 30 బంతులు బౌలింగ్ చేసి 20 పరుగులకు ఒక్క వికెట్టు సాధించాడు. ఆ వన్డేలో బ్యాటింగ్లో కేవలం 4 పరుగులు మాత్రమే చేశాడు.
అవకాశాన్ని సద్వినియోగం చేసుకోలేక టెస్టు మరియు వన్డే గణాంకాలు సరిగా లేనందున అతనికి మళ్ళీ జట్టులో స్థానం లభించలేదు.
