నేరెళ్ళ వేణుమాధవ్

వికీపీడియా నుండి
ఇక్కడికి గెంతు: మార్గసూచీ, వెతుకు
నేరెళ్ళ వేణుమాధవ్
Nerella venumadhav.jpg
నేరెళ్ళ వేణుమాధవ్
జననం నేరెళ్ళ వేణుమాధవ్
1932 డిసెంబరు 28
వరంగల్ జిల్లా
ఇతర పేర్లు 'ధ్వన్యనుకరణ సామ్రాట్'
సుపరిచితుడు ప్రఖ్యాత మిమిక్రీ కళాకారుడు
Website
http://www.nerellavenumadhav.com/

నేరెళ్ళ వేణుమాధవ్ ఆంధ్రప్రదేశ్ కు చెందిన ప్రఖ్యాత మిమిక్రీ కళాకారుడు. వీరికి 'ధ్వన్యనుకరణ సామ్రాట్' అనే బిరుదం కూడా కలదు.

జీవిత సంగ్రహం[మార్చు]

వరంగల్ పట్టణం లోని మట్టెవాడలో శ్రీహరి మరియు శ్రీలక్ష్మి దంపతులకు 1932 డిసెంబరు 28న జన్మించారు. తండ్రి గారు ప్రముఖ వ్యాపారవేత్త. సాహిత్యంలో మంచి అభినివేశం ఉండడం వల్ల, ఆ కాలం లో వరంగల్ పట్టణానికి వచ్చే ప్రముఖులందరికీ వారి ఇంట్లోనే ఆతిథ్యం ఇచ్చేవారు. అట్లా వీరింట్లో బస చేసిన వారిలో చెళ్ళపిళ్ళ వెంకట శాస్త్రి, వావిలకొలను సుబ్బారావు, వడ్డాది సుబ్బారాయుడు, రాయప్రోలు సుబ్బారావు, శ్రీపాద కృష్ణమూర్తి శాస్త్రి, కాశీ కృష్ణాచార్యులు, యర్రమిల్లి జగ్గన్న శాస్త్రి వంటి ఉద్ధండులున్నారు. వీరితో జరిగిన సాహితీ గోష్ఠుల ప్రభావం వేణుమాధవ్ గారి మీద పడింది. తన 8 వ ఏట లక్ష్మయ్య పంతులు గారి వద్ద అక్షరాభ్యాసం చేసి, రాఘవయ్య మాష్టారు గారి వద్ద కొంతకాలం ప్రైవేటుగా చదివి గవర్నమెంట్ స్కూల్లో 3వ తరగతిలో చేరి బోల్తా ఉభాయిదా (పెద్ద బాలశిక్ష) చదవడం ప్రారంభించారు. సినిమాలంటే ఎంతో ఇష్టం. ఆ కాలంలో వచ్చిన చిత్తూరు నాగయ్య గారి గృహలక్ష్మి, వందేమాతరం, దేవత, స్వర్గసీమ, పోతన, వేమన సినిమాలు చూసి నాగయ్య గారిమీద అభిమానం పెంచుకున్నారు. ఇవేకాకుండా వేమూరి గగ్గయ్య, మాధవపెద్ది వెంకట్రామయ్య గారలు నటించిన సినిమాలు చూసి, ఇంటికి రాగానే ఆ సినిమాల్లోని పాటలను, పద్యాలను యథాతథంగా అనుకరించి చూపేవారు. అలా మొదలయ్యింది వారి మిమిక్రీ ప్రస్థానం. ఏవీవీ (ఆంధ్ర విద్యాభివర్ధిని) హైస్కూల్లో చదువుతున్నప్పుడు హరి రాధాకృష్ణ మూర్తి గారి శిష్యరికంలో చిలకమర్తి లక్ష్మీనరసింహం గారి ప్రహసనాల్లో నటించడం ద్వారా తన రంగస్థల జీవితానికి శ్రీకారం చుట్టారు. మిగతా గురువులు కందాళై శేషాచార్యులు గారు, యద్దనపూడి కోదండ రామ శాస్త్రి గారు వీరి అభివృద్ధికి తోడ్పడ్డారు. 1950 లో మెట్రిక్యులేషన్, 1952 లో వరంగల్ ఆర్ట్స్ అండ్ సైన్సు కాలేజీలో చేరారు. నాటి ప్రిన్సిపాల్ బారు వెంకట రామనర్సు గారు మిగతా లెక్చరర్లు వారించినా వినకుండా, గుడ్ కాండక్టు కింద వేణుమాధవ్ గారికి ఆ రోజుల్లో అరవై రూపాయల స్కాలర్ షిప్ ( బర్సరీ ) మంజూరు చేశారు. దానితో వీరు ముప్పయి ఇంగ్లీషు సినిమాల్ని తనివిదీరా చూసి వాటిల్లోని ఆర్టిస్టుల గొంతులు, ముఖ్యమైన సన్నివేషాలు బ్యాక్ గ్రౌండ్ మ్యూజిక్ నోట్స్ తో సహా వినిపిస్తే, రామనర్సు గారు పరమానందభరితులై "యూ విల్ బికం ఎ గ్రేట్ ఆర్టిస్ట్ ఇన్ ద వరల్డ్" అని , ఇకనుండి నీకే అవసరం వచ్చినా నువ్వెవరినీ అడగకు. నా పెద్ద కుమారుడు విఠల్ ( బీ. పీ. ఆర్. విఠల్ గారు అనంతరకాలంలో ఆంధ్రప్రదేశ్ రాష్ట్ర ప్రధాన కార్యదర్శిగా పనిచేశారు) అయితే నీవు నా రెండవ కుమారుడవు అని మనసారా ఆశీర్వదించారు. ఆ దీవెనలే వీరిని 'విశ్వ విఖ్యాత ధ్వన్యనుకరణ సామ్రాట్' గా ఎదిగేలా చేసాయి. 1953 లో ప్రభుత్వ పాఠశాల (జి సి ఎస్ స్కూలు హనుమకొండ) లో ఉపాధ్యాయుడుగా ప్రవెశించి , ధర్మ సాగరం, హనుమకొండలోని ప్రాక్టీసింగ్ స్కూలు , మట్వాడ హైస్కూలు , జనగామ మరియు శంభునిపేట పాఠశాలల్లో పనిచేశారు. అనంతరకాలం లో ప్రైవేటుగా బీ.ఏ. బీ. కాం పాసయ్యారు. తొలి ప్రదర్శన 1947 లో ఇచ్చారు. చెప్పుకోదగిన మలి ప్రదర్శన 1953 లో రాజమండ్రిలో జరిగిన థియేటర్స్ ఫెడరేషన్ కాన్ఫరెన్స్ లో బలరాజ సహానీ గారి అధ్యక్షతన, గరికపాటి రాజారావు, దాడి గోవిందరాజులు ,స్థానం నరసింహారావు ,చాగంటి సన్యాసిరాజు గారల సమక్షం లో ఇచ్చారు. తెనాలి పట్టణంలోని అభ్యుదయ భావాలున్న స్వాతంత్ర్య సమరయోధులు కొల్లా కాశీవిశ్వనాధం , తయారమ్మ దంపతుల కుమార్తె శోభావతి గారితో వీరి వివాహం 3-2-1957 న జరిగింది. దీనికి సంధాన కర్తగా వ్యవహరించిన వారు స్థానం నరసిం హారావు గారు.వీరికి ఇద్దరు అబ్బాయిలు శ్రీనాథ్ , రాధాకృష్ణ.ఇద్దరు అమ్మాయిలు లక్ష్మీతులసి,వాసంతి.

వేణుమాధవ్ గారితో సాన్నిహిత్యం ఉన్న ప్రముఖులు చిత్తూరు నాగయ్య,గుమ్మడి వెంకటేశ్వర్ రావు,అక్కినేని,జగ్గయ్య,ఘంటసాల,బి.ఎన్.రెడ్డి , దాశరథి , పీవీ నరసింహారావు, సి.నారాయణరెడ్డి ,మిక్కిలినేని రాధాకృష్ణమూర్తి, శివలెంక రాధాకృష్ణ, ,ఎల్లోరా, కె.వి.భాస్కరరావు, కపిల కాశీపతి, గుడిపూడి శ్రీహరి, ఇంటూరి వెంకటేశ్వర్రావు, సికరాజు, విద్వాన్ విశ్వం, పి.వి.రమణ, పొత్తూరి వెంకటేశ్వర్ రావు, నండూరి రామ్మోహన రావు, పురాణం సుబ్రహ్మణ్య శర్మ, పి.వి.రమణయ్యరాజా, కూచిమంచి సత్యసుబ్రహ్మణయం ,గోరాశాస్త్రి, జి.ఎస్.వరదాచారి, రావి కొండలరావు , జ్యోతి(వేమూరి) రాఘవయ్య, స్థానం నరసింహారావు, దేవులపల్లి కృష్ణశాస్త్రి, సదాశివ బ్రహ్మం , మాధవపెద్ది గోఖలే, పింగళీ నాగేంద్ర రావు, గోపాల చక్రవర్తి, చాట్ల శ్రీరాములు, ఎం.ఆర్.అప్పారావు, జలగం వెంగళరావు,ఎన్ టీ రామారావు, జీవీజీ కృస్ష్ణమూర్తి, బి.పి.ఆర్.విఠల్ మున్నగువారు.

నిర్వహించిన పదవులు[మార్చు]

వేణుమాధవ్ గారు నిర్వహించిన పదవుల్లో ముఖ్యమైనవి :ఎం.ఎల్.సీ (1972-78) , ఎఫ్.డీ.సీ డైరెక్టర్ (1976-77) , సంగీత నాటక అకాడమీ సభ్యుడు (1974-78) , సౌత్ జోన్ కల్చరల్ కమిటీ , తంజావూరు సభ్యుడు , దూరదర్శన్ ప్రోగ్రాం అడ్వయిజరీ కమిటీ సభ్యుడు (1993-94) , టెలికాం అడ్వయిజరీ కమిటీ సభ్యుడు (1993-96) , రైల్వే జోనల్ యూజర్స్ కమిటీ సభ్యుడు (1993-96) , ఎ.పి.లెజిస్లేటివ్ లైబ్రరీ కమిటీ సభ్యుడు (1972-75) , రవీంద్రభారతి కమిటీ సభ్యుడు (1974-78) , ప్రభుత్వ అకాడమిక్ రివ్యూ కమిటీ సభ్యుడు (1975-76).వీరికి అంకితమిచ్చిన పుస్తకాలు :శివ పురాణం - కవిసామ్రాట్ విశ్వనాథ సత్యనారాయణ. నారాయణరెడ్డి నాటికలు - డా.సి.నారాయణరెడ్డి. దేవతలెత్తిన పడగ, నాటకం - డా.పి.వి.రమణ. జాతిరత్నాలు - ప్రొ.బి.వి.పట్టాభిరాం. రక్తసంబంధాలు, నాటకం - కొడాలి గోపాలరావు. విదేశీ యానం : ఆస్ట్రేలియా,ఫిజీ దీవులు -1965 , సింగపూర్,మలేషియా - 1968 , పశ్చిమ జర్మనీ,ఇంగ్లండ్,ఫ్రాన్స్,అమెరికా, కెనెడా, లెబనాన్ - 1971 , ఐక్యరాజ్యసమితిలో ప్రదర్శన - 1971 , సింగపూర్,మలేషియా - 1975 , అమెరికా,కెనెడా - 1976 , దక్షిణాఫ్రికా,మారిషస్,సీషెల్స్ - 1976 , సింగపూర్,మలేషియా - 1977 , అమెరికా, కెనెడా - 1982 , యునైటెడ్ అరబ్ ఎమిరేట్స్ - 1987 , మారిషస్ - 1990.వీరి ప్రదర్శమనలను ప్రత్యక్షంగా వీక్షించిన ప్రముఖులు ; భారతరాష్ట్రపతులు - సర్వేపల్లి రాధాకృష్ణన్ , వి.వి.గిరి , గ్యానీ జైల్ సింగ్ , ఫక్రుద్దీన్ అలీ అహ్మద్ , నీలం సంజీవరెడ్డి ; ఉపరాష్ట్రపతి - బి.డి జెట్టి ; ప్రధానమంత్రులు - లాల్ బహదూర్ శాస్త్రి , ఇందిరాగాంధీ , పీవీ నరసింహారావు : ముఖ్యమంత్రులు - దామోదరం సంజీవయ్య , కాసు బ్రహ్మానంద రెడ్డి , టి.అంజయ్య , ఎన్.టీ.రామారావు , చంద్రబాబు నాయుడు, కేరళ ముఖ్యమంత్రి - ఇ.ఎం.ఎస్..నంబూద్రిపాద్ మరియు గవర్నర్లు - బూర్గుల రామక్రిష్ణారావు (కేరళ1958) ,శారదాముఖర్జీ , కుముద్ బెన్ జోషి , కృష్ణకాంత్ , సి.రంగరాజన్. వీరికి ఆంధ్ర విశ్వవిద్యాలయం, 1977 లో "కళాప్రపూర్ణ " , జె.ఎన్.టి.యూ.సీ , 1987 లో ,కాకతీయ విశ్వవిద్యాలయం 1992 లో గౌరవ డాక్టరేట్లు ప్రదానం చేశాయి. వీరికి తిరుపతి పట్టణం లో గజారోహణం , పొరసన్మానం జరిగాయి. వీరి బిరుదులు - ధ్వన్యనుకరణ సామ్రాట్ , మిమిక్రీ సామ్రాట్ ,చుపే రుస్తుం ధ్వన్యనుకరణ చక్రవర్తి , కళాసరస్వతి , స్వర్ కే రాజా , ధ్వన్యనుకరణ ప్రవీణ , ధ్వన్యనుకరణ కళానిధి , మిమిక్రీ రత్న , విశ్వవిఖ్యాత ధ్వన్యనుకరణ సార్వభౌమ ,మున్నగునవి. వీరు 'నేరెళ్ళ వేణుమాధవ్ కల్చరల్ ట్రస్ట్' ను స్థాపించి ప్రతియేటా తన పుట్టినరోజైన డిసెంబర్ 28న ప్రముఖ కళాకారులను పదివేల రూపాయల పురస్కారం తో సత్కరిస్తున్నారు. ఈ పురస్కారం పొందిన వారు - డా.కాశీభట్ల విశ్వనాథం (చిత్రలేఖనం 0 2002 , ఎస్.కె.గౌడ్ (నాటకం ) 2003 , కవిశాబ్దిక కేసరి నల్లాన్ చక్రవర్తుల రఘునాధాచార్య (వేద పండితులు)2004 ,జమ్మలమడక కృష్ణమూర్తి (నాటకం )2005 , ఉల్లి రామచంద్రయ్య (హిందుస్తానీ సంగీతం )2006 ,తిరుమలశెట్టి సీతాలత (నాటకం )2007 , జానీలీవర్ (మిమిక్రీ)2008 , కోవెల సుప్రసన్నా చార్య (సాహిత్యం )2009 , వి.హరికిషన్ (మిమిక్రీ) 2010 , చుక్కా సత్తయ్య (ఒగ్గుకథ) 2011 , వెలిదె హరిశంకర శాస్త్రి(హరికథ) & తణుకు రాజ్యం (నాటకం ) 2012. వీరి పేరిట హనుమకొండ పట్టణం లో నిర్మింపబడ్డ 'డా.నేరెళ్ళ వేణుమాధవ్ గారి కళాప్రాంగణం ' సాహిత్య,సాంస్కృతిక కార్యక్రమాలకు చక్కని వేదికగా ఉపయోగపడుతున్నది.


[1].తన ప్రదర్శనలతో క్రమంగా ప్రసిద్ధుడయ్యాడు. ముఖ్యంగా ప్రసిద్ధులైన వ్యక్తులను, నాయకులను అనుకరించడంలో ఇతనికి పెట్టినది పేరు. ధ్వన్యనుకరణకు ఇతని వలన తెలుగునాట విశిష్టమైన ప్రాచుర్యం లభించింది. 2001లో ఇతనికి పద్మశ్రీ పురస్కారం లభించింది. 1981లో శ్రీ రాజాలక్ష్మీ ఫౌండేషన్ బహుమతి లభించింది. ఇతని శిష్యులలో ప్రసిద్ధుడైన మరొక మిమిక్రీ కళాకారుడు హరికిషన్

మూలాల జాబితా[మార్చు]

బయటి లింకులు[మార్చు]