పామే

వికీపీడియా నుండి
ఇక్కడికి గెంతు: మార్గసూచీ, వెతుకు
పామే
కొబ్బరి చెట్టు
శాస్త్రీయ వర్గీకరణ
రాజ్యం: ప్లాంటే
విభాగం: పుష్పించే మొక్కలు
తరగతి: ఏకదళబీజాలు
క్రమం: ఎరికేలిస్
కుటుంబం: పామే
Schultz-Schultzenstein
ప్రజాతి

చాలా ఉన్నాయి.

పామే కుటుంబం ఏకదళబీజాలకు చెందినది. వర్గీకరణ శాస్త్రవేత్త లిన్నేయస్ వీనిని "వృక్షసామ్రాజ్యపు రాకుమారులు" (Princes of Plant Kingdom) అని వర్ణించారు.

కుటుంబ లక్షణాలు[మార్చు]

  • శాఖారహిత వృక్షాలు, పామ్ ఆకృతి.
  • విసనకర్ర వంటి లేదా ఈకల వంటి పత్రాలు.
  • స్పాడిక్స్ పుష్ప విన్యాసము.
  • ఏకలింగ పుష్పాలు, ఏకలింగాశ్రయి లేదా ద్విలింగాశ్రయి.
  • దృఢమైన పరిపత్రము.
  • కేసరాలు 3 + 3.
  • త్రిఫలదళ అండకోశము, ఫలదళాలు సంయుక్తంగా గాని, విడిగా గాని ఉండవచ్చును.
  • ఊర్ధ్వ అండాశయము, స్తంభ అండన్యాసము.
  • మృదుఫలము లేదా టెంకె గల ఫలము.
  • విత్తనం ఏకదళబీజయుతము, అంకురచ్ఛదయుతము.
  • వాయు పరాగ సంపర్కము.

ఉపయోగాలు[మార్చు]

ఆహార పదార్ధాలు[మార్చు]

  • పండ్లు: ఖర్జూరం, ఈత, తాటి వంటి 100 రకముల చెట్లనుండి రుచికరమైన పండ్లు లభిస్తాయి. తాటిపండ్ల రసం నుండి తాండ్ర, బెల్లం తయారుచేస్తారు.
  • విత్తనాలు: కొబ్బరి కాయలు అతిపెద్ద విత్తనాలు. దీనిలోని గుజురు మంచి ఆహారం. వివిధరకాలైన వంటలలో ఉపయోగిస్తారు. వక్క విత్తనాలు తాంబూలంలో విరివిగా వాడుతారు.
  • సగ్గుబియ్యం: కొన్ని రకాల చెట్టు కాండం మధ్యనున్న గుజ్జునుండి తయారుచేస్తారు.
  • పానీయాలు: కొబ్బరి బొండంలోని నీరు వేసవిలో దాహం తీరుస్తాయి. ఈత, కొబ్బరి, తాటి, జీలుగ చెట్లనుండి కల్లు తీస్తారు.
  • పువ్వులు: జీలుగు, వక్క చెట్ల కాబేజీలాంటి పువ్వులు కొందరు కొండజాతివారు తింటారు.
  • నూనెలు: కొబ్బరి నూనె, పామాయిలు వంటలో ఉపయోగిస్తారు.

కలప[మార్చు]

  • తాటి మొదలైన చెట్ల భాగాలు గట్టిగా ఉండి ఇల్లు కట్టుకోవడంలో రకరకాలుగా ఉపయోగిస్తారు. కాండం కలపలాగా దూలాలు, స్తంభాలుగా ఉపయోగపడతాయి. తాటాకులు ఇంటికప్పు క్రింద, పందిరిగా వేస్తారు.
  • పేము కలపతో కుర్చీలు మొదలైన గృహోపకరణాలు తయారుచేస్తారు.

కొన్ని ప్రజాతులు[మార్చు]

ఇవి కూడా చూడండి[మార్చు]

మూలాలు[మార్చు]

  • బి.ఆర్.సి.మూర్తి: వృక్షశాస్త్రము, శ్రీ వికాస్ పబ్లికేషన్స్, 2005.
"http://te.wikipedia.org/w/index.php?title=పామే&oldid=809527" నుండి వెలికితీశారు