భారమితి

సాధారణ పాదరస భారమితి యొక్క వర్ణణాచిత్రము

గోథె పరికరము

భారమితి లేదా బారోమీటర్ (Barometer) ద్వారా వాతావరణ పీడనాన్ని కొలుస్తారు.

బారోమీటరు అను ఆంగ్ల పదంకు తెలుగు సేత 'భారమితి'. భారమితిని వుపయోగించి వాతావరణ పీడనంలోని ఎచ్చు, తగ్గులను గుర్తించెదరు. వాతవరణ పీడనంలోని మార్పులను వాతవరణ శాస్త్రవేత్తలు భారమితి సహయంతోనే లెక్కించెదరు. మొదట్లో గాజుగొట్టంలో పాదరసం నింపిన భారమితిని ఉపయోగించెవారు. ప్రస్తుతం డిజిటల్‌ భారమితులు వాడుకలోనికి వచ్చాయి. డిజిటల్ భారమితులు పాదరసముతో చేసిన భారమితి కన్నఖచ్చితమైన రీడింగ్‌ను చూపించును. కంప్యూటరులో ఆటోమెటిక్‌గా రీకార్డ్ అగును.

చరిత్ర

భారమితిని కీ.శ.1643లో కనుగొన్నకీర్తి ఎవంజెలిస్టా టొరిసెల్లికి దక్కినను, ఇటలికీ చెందిన గణితవిజ్ఞానవేత్త, ఖగోళవేత్త అయిన గాస్పారొబెర్టి నీటినుపయోగించి 1640-1643 మధ్యలో కనుగొన్నట్లు చారిత్రక ఆధారాలున్నాయి.

భూగోళంచుట్టూ ఆవరించి కొన్నికిలోమీటరుల ఎత్తువరకు గాలి ఆవరించి వున్నది.దీనినినే వాతవరణం అంటారు. మాములుగా గాలి తేలికగా వున్నట్లు, ఎటువంటి భారంలేనట్లు భావించెదరు. కాని నిజానికి ఒక ఘనమీటరు వాతావరణంలోని గాలిభారం 1.0 కే.జి వరకు వుండును(20⁰Cవద్ద గాలి సాంద్రత 1.225Kg/m³.వాతావరణంలోని ఉష్ణోగ్రతలో ఎచ్చు,తగ్గులననుసరించి, ఈ విలువలో మార్పు వుండును). ఈ విధంగా వాతావరణం భూపరసిరాలపై కల్గించె వత్తిడిని వాతావరణ పీడనం అందురు. దీనినే 1Atm ప్రెసరు (Atmospheric pressure) అనికూడ అందురు.వాతావరణ పీడనంను కిలో వత్తిడిగా లెక్కించినచో ఒకఘనసెంటిమీటరు మీద వాతావరణం 1.033 కిలోగ్రాంల భారాన్ని/వత్తిడిని కల్గించును. బార్(Bar) లలోనయితే 1.0133 బార్‌కు సమానము. పౌండు(lb)లలో లెక్కించిన ఒక ఘన ఆంగు ళం కు 14.69 పౌండుల వత్తిడికి సమానం.భారమితిలోని పాదరసం మట్టంను మిల్లిమీటరులలో కొలచిన అది 760 మి.మీటర్ల ఎత్తుకు సమానం.అంగుళాలలో అయినచో29.92అంగుళాలు వుండును.భారమితిలోని మట్టాన్ని పాదరసమట్టం ప్రమాణంగా లెక్కించెదరు.ఉదా:మి.మీ.అయినచో mm/Hg గాను,అంగుళాలలో అయినచో in/Hg గాచూపిస్తారు.పాదరసం సాంకేతికచిహ్నం,Hg.

భారమితి పనిచేయు విధానం

పాదరసం వున్నభారమితి ఎలా పనిచేస్తుంది?. వాతావరణం మాములుగా వున్నప్పుడు, సముద్రమట్టం వద్ద, ఒక చిన్నకప్పులో కొంత పాదరసం తీసుకుని, 1.0మి.మీ వ్యాసంవుండి, ఒక చివర మూసివున్న, 850-1000 మి.మీ, పొడవు వున్న గాజుగొట్టం నింపుగా పాదరసం నింపి, తెరచివున్నభాగాన్ని బొటనవేలితో మూసి, వేలితోమూసిన గాజుగొట్టం చివరను పాదరసం వున్న కప్పులో నిలుగా నిలబెట్టి వుంచిన, మాములు వాతావరణ పీడనం వద్ద గొట్టంలోని పాదరస మట్టం 760 మిల్లిమీటరులు చూపించును. యిదియే 1 అట్మాసిఫియరు ప్రెసరు. ఈ సూత్రం ఆధారంగానే భారమతిని నిర్మించెదరుయిదే ప్రయోగంను నీటిని ఉపయోగించి చేసినచో గాజుగొట్టంలో నీటిమట్టం సాధారణ పీడనం వద్ద10.3మీ నీటిమట్టం చూపించును.నీటిని ఉపయోగించిన వాటరుకాలమ్‌భారమితి అందురు.పరిశ్రమలో వ్యాక్యుంలో(పీడన రహిత స్దితి)లో డిస్టిలెసనుచెయునప్పుడు, రియక్షను వెస్సల్స్్‌కు 10.34 మీ.ఎత్తులోబారోమెట్రిక్‌కండెన్సరులను అమర్చి,కండెన్సరులగొట్టాల(10.34మీ.పొడవు)క్రిందిచివరలు ఒకనీటి తొట్టిలోను మునిగివుండేలా చేసి,వాతావరణ పీడనప్రభావం నుండి రక్షణ కల్పించడం జరుగును. భారమితిలోని పాదరసమట్టం సాధారణ స్ధాయినుండి హరాత్తుగా పడిపోయిన అల్పపీడన ఏర్పడటన్ని సూచిస్తుంది. తగ్గిన పాదరసమట్టంను బట్టి తుపానును అంచనా వేసెవారు. ప్రస్తుతం ఉపగ్రహల ద్వారా వాతావరణ పీడనం, ఉష్ణొగ్రత మార్పులు, అల్పపీడనాలను, వాయుగుండాలు, తుఫానులను ఖచ్చితంగా నిమిషనిమిషానికి జరుగు మార్పులను తెలుసుకొగలుగుచున్నారు.

గొట్టంలోని మట్టం '0' మిల్లిమీటరుకు పడిపోయిన దానిని పరమ సున్నవత్తిడి (absolute'0'pressure) అందురు. వాతవరణ పీడనంలేని స్ధితిని వ్యాక్యుం అందురు. సున్నాపీడనం 760 మి.మీ.వ్యాక్యుం/పాదరసమట్టం కు సమానం. రసాయనిక, మరియు వంటనూనెల రిపైనరిలలో కొన్నిరిపైనింగ్‌ దశలను, చర్యలను వాతావరణ పీడన రహిత స్ధితిలో (వ్యాక్యుంలో) చేయుదురు. రియక్షను వెస్సల్స్‌లోని వ్యాక్యుం లేదా పీడానాన్ని భారమితిని (U ట్యూబ్‌మానొమీటరు) ఉపయోగించి తెలుసుకుందురు.

భారమితి రకాలు

పాదరసం భారమితి

పాతకాలపు ఎనెరోయిడ్ భారమితి

ఆధునిక ఎనెరోయిడ్ భారమితి

మొదటలో పాదరసం భారమితులే ఎక్కువ వాడకంలో వుండెవి. కాని పాదరసం వలన కల్గుతున్న వాతావరణంలోని గాలి, నీరు కలుషితమవడం, పాదరసం మానవుని ఆరోగ్యంపై చూపిస్తున్న దుష్పలితాలను దృష్టిలో వుంచుకొని పాదరసంతో చేయు భారమితులను వాడటం తగ్గించారు. అంతేకాకుండ పాదరసం భారమితిని వుంచిన స్ధలం, సముద్రమట్టం కన్న ఎక్కువ ఎత్తులోవున్న, తక్కువ పీడనంను, సముద్రమట్టం కన్న తక్కువ ఎత్తులోవున్న ఎక్కువ పీడనంచూపించును. ఆలాగే చుట్టువున్న వాతవరణంలోఉష్ణొగ్రత ఎక్కువగా వున్న పాదరసం వ్యాకోచించడం వలన తప్పుగా చూపించును. అందుచే పాదరస భారమితిని ఉపయోగించునప్పుడు ఈ తేడాలను గణనలోనికి తీసుకొందురు.

ఎనెరొయిడ్‌ భారమితి

పాదరసభారమితిలోని లోపాలను సవరిస్తు, తొలగిస్తు తయారైన మెరుగైన భారమితి 'అనెరొయిడ్' (aneroid) భారమితి. యిందులో పాదరసంను ఉపయోగించరు. లుసెన్‌విడై అనే ఫ్రెంచి శాస్తవేత్త 19 వశతాబ్ధిలో రూపొందించాడు. యిందులో బెరియం మరియు రాగి లోహం మిశ్రంతో చేసిన చిన్నపెట్టెవంటి క్యాప్సుల్‌ వుండును. లోపల చిన్న వత్తిడికి కూడా స్పందించు ఒక స్ప్రింగును వుంచి, గాలిని పూర్తిగా తీసి, గాలి చొరబడకుండ మూసివేయుదురు. ఈ క్యాప్యుల్‌ బాక్సునకు తేలికగా కదిలే సూచిక ముల్లును అమర్చదరు. సూచికకు ముందుభాగంలో కొలతలున్న డయల్‌ ప్లేట్‌ వుందును. వాతావత వట్టిడికి, బాక్సుప్లేట్‌ ముందుకు వెనుకకు కదులుతున్నప్పుడు, సూచిక డయల్‌ మీద కదులుచూ, రీడింగ్‌లోని తేడాలను చూపించును.

అత్యధిక,అల్పభారమితి వాతావరణపీడన నమోదు

19 డిసెంబరు2001 లో మంగోలియలో అత్యధిక భారమితిపీడనం 1085.7మి.మీ/పాదరసం(32.06అంగుళాలు) నమోదు అయ్యింది.అలాగే అత్యల్ప భారమితిపీడనం 24జూన్‌2003లో మాంచెస్టరు,దక్షిణడకొటాలో 652.5మి.మీ/పాదరసం(25.69 అంగుళాలు)నమోదు అయ్యింది.