అరసవిల్లి

అరసవిల్లి
శ్రీ కాకుళం నగరపాలక సంస్థ
అరసవిల్లి సూర్యనారాయణ దేవాలయం
అరసవిల్లి ఆంధ్రప్రదేశ్ పటంలో అరసవిల్లి స్థానం
Coordinates: 18.3°N 83.9°E / 18.3; 83.9
దేశం	భారతదేశం
రాష్ట్రం	ఆంధ్రప్రదేశ్
జిల్లా	శ్రీకాకుళం
మండలం	శ్రీకాకుళం
జనాభా  (2011)
• Total	4,096
భాష
• అధికారక	తెలుగు
Time zone	UTC+5:30 (IST)
వాహనాల రిజిష్ట్రేషన్	AP30 (Former) AP39 (from 30 January 2019)

అరసవల్లి శ్రీకాకుళం పట్టణానికి 1 కి.మీ దూరంలో ఉంది. పూర్వం శ్రీకాకుళం జిల్లా, శ్రీకాకుళం మండలంలో ఉన్న గ్రామం, 2008లో శ్రీకాకుళం పట్టణంలో కలిసిపోయి మున్సిపాలిటీలో ఒక వార్డుగా ఉంది. శ్రీ సూర్యనారాయణ స్వామి దేవస్థానం ప్రముఖ పర్యాటక ఆకర్షణ.

పేరు వ్యుత్పత్తి

ఒకప్పుడు ఈ గ్రామాన్ని "హర్షవల్లి" అనేవారని క్రమ క్రమంగా "అరసవిల్లి" అయిందని చెపుతారు. దీనికి జనవ్యవహారంలో 'అర్షవెల్లి, యరసవెల్లి, అరిసివల్లి, అరసివిల్లి' మొదలగు పదములుగా ఉచ్చరించబడుచున్నది.అరసవిల్లిని 'హర్షవల్లి' అని సంస్కృతీకరించే ప్రయత్నం జరిగిందని గుర్తించబడినప్పటికీ, జనసామాన్యం చివరికి అరసవిల్లిగానే గుర్తించారు.సూర్యుని ఆదేశానుసారం హర్షుడు హర్షవల్లి అనేగ్రామాన్ని నిర్మించి అందులో సూర్యాలయాన్ని నిర్మించాడు.హర్షవల్లి సంస్కృతనామం చివరికి అరసవిల్లి లేదా అరసవల్లి అయినది.ఇక్కడ హర్షుడు అనగా సకలోత్తర పదాధినాధుడు హర్షుడుగా గుర్తించబడుచున్నది.'ఆరోగ్యం భాస్కరాధీనం' అను నమ్మికను బట్టి సూర్యనారాయణ ఆలయం ఉన్న గ్రామం కావున ఇది హర్షదాయకమైన నామ సార్థక్యమును కలిగినదనే సమర్ధన లేకపోలేదు.దీనిని అర్నోహర క్షేత్రం అని కూడా పెద్దలు అంటారు. అర్మస్సు అనగా మూలవ్యాధి. ఇదొక మొండి తెగులు.అట్టి జబ్బులను కూడా తొలగించు దివ్యక్షేత్రం అగుటచే అర్సవల్లిఅని కూడా అయిందంటారు.

శ్రీ సూర్యనారాయణస్వామి దేవస్థానం

ప్రధాన వ్యాసం: శ్రీ సూర్యనారాయణస్వామి దేవస్థానం, అరసవల్లి

అరసవిల్లి ఆలయం పుష్కరిణి

ఇక్కడి సూర్యదేవాలయంలో కల ఈ స్వామిని స్వయంగా దేవేంద్రుడే ప్రతిష్ఠించాడని స్థలపురాణం ద్వారా తెలియుచున్నది. ఇక్కడ లభించిన శాసనాలు సా.శ. 7 వ శతాబ్థానికి చెందినవి. అందువల్ల యిది ప్రాచీన దేవాలయం అని చెప్పవచ్చు. భారతదేశంలో ఉన్న కొద్ది సూర్యదేవాలయాలలో ఇది ఒకటి. (ఒరిస్సాలో సుప్రసిద్ధమైన కోణార్క్ సూర్యదేవాలయంలో సైతం ఇక్కడి మాదిరిగా ఇప్పుడు నిత్యపూజలు జరగడంలేదు ). ఈ ఆలయాన్ని ఏడవ శతాబ్దంలో కళింగరాజు దేవేంద్రవర్మ నిర్మించినట్లు కొందరు పురావస్తు శాస్త్రజ్ఙులు పేర్కొన్నారు.

అరసవిల్లి - శ్రీకాకుళం _ సూర్యనారాయణ స్వామి ఆలయ చిత్రాలు

• 
  అరసవిల్లి - శ్రీకాకుళం _ సూర్యనారాయణ స్వామి ఆలయం, చిత్రాల కూర్పు
• 
  అరసవిల్లి - శ్రీకాకుళం _ సూర్యనారాయణ స్వామి ఆలయం, దూరం నుండి ప్రవేశద్వారం చిత్రం
• 
  అరసవిల్లి - శ్రీకాకుళం _ సూర్యనారాయణ స్వామి విగ్రహం-2
• 
  అరసవిల్లి - శ్రీకాకుళం _ సూర్యనారాయణ స్వామి విగ్రహం-1
• 
  అరసవిల్లి - శ్రీకాకుళం_సూర్యనారాయణ స్వామి విగ్రహం
• 
  అరసవిల్లి సూర్యదేవాలయం గంటస్తంభం, మంటపం, ఆలయశిఖరం
• 
  ఆరసవిల్లి సూర్యదేవాలయం ప్రవేశ ద్వారం
• 
  ఆరసవిల్లి సూర్యదేవాలయం ప్రవేశ ద్వారం
• 
  గుడి మండపం లోపలి భాగం
• 
  ధ్వజ (గంట) స్దంబం పీఠ భాగం
• 
  గరుఢ వాహనం
• 
  శేష వాహనం
• 
  హనుమ, గజ వాహనాలు
• 
  అరసవల్లి సూర్య దేవాలయం-క్షేత్రపాలకుడు రామలింగేశ్వరస్వామి గుడి

బయటి లింకులు

• భారతదేశంలో సూర్య దేవాలయాలు
• అరసవిల్లి దేవాలయం వెబ్‌సైటు