అల్లిపూర్ (రాయికల్)

వికీపీడియా నుండి
Jump to navigation Jump to search

అల్లీపూర్, తెలంగాణ రాష్ట్రం, జగిత్యాల జిల్లా, రాయికల్ మండలంలోని గ్రామం.[1]

అల్లిపూర్
—  రెవిన్యూ గ్రామం  —
రాష్ట్రం తెలంగాణ
జిల్లా కరీంనగర్ జిల్లా
మండలం రైకల్
ప్రభుత్వము
 - సర్పంచి
జనాభా (2011)
 - మొత్తం 8,894
 - పురుషుల సంఖ్య 4,335
 - స్త్రీల సంఖ్య 4,559
 - గృహాల సంఖ్య 2,352
పిన్ కోడ్ 505460.
ఎస్.టి.డి కోడ్

ఇది మండల కేంద్రమైన రాయికల్ నుండి 11 కి. మీ. దూరం లోను, సమీప పట్టణమైన జగిత్యాల నుండి 18 కి. మీ. దూరంలోనూ ఉంది.

గణాంకాలు[మార్చు]

2011 భారత జనగణన గణాంకాల ప్రకారం ఈ గ్రామం 2352 ఇళ్లతో, 8894 జనాభాతో 2523 హెక్టార్లలో విస్తరించి ఉంది. గ్రామంలో మగవారి సంఖ్య 4335, ఆడవారి సంఖ్య 4559. షెడ్యూల్డ్ కులాల సంఖ్య 1244 కాగా షెడ్యూల్డ్ తెగల సంఖ్య 22. గ్రామం యొక్క జనగణన లొకేషన్ కోడ్ 571662[2].పిన్ కోడ్: 505460.

గ్రామ చరిత్ర[మార్చు]

ఈ గ్రామములో సుమారు 10 వేల జనాభా గలదు. ఇక్కడ దేశ్‌ముఖ్ లకు చెందిన ఒక గడి ఉండేది. స్వాతంత్ర్య పూర్వమునకు చెందిన ఈ దేశ్‌ముఖ్ ల గడి చాలా ప్రాముఖ్యత గలిగి ఉండేది. ఈ దేశ్‌ముఖ్ ల కారణంగా ఈ గ్రామాన్ని దేశయ్యగారీ అల్లీపూర్ అని పిలిఛేవారు. పూర్వకాలంలో పుణ్యక్షేత్రాలకు ఎద్దుల బండ్లపై వెల్లేవారు. ఎడ్లబండిపై పుణ్యక్షేత్రాలకు వచ్చిన వారు కాణి సుంకంను చెల్లించే వారు. కాని దేశయ్యగారి అల్లీపూర్ కు చెందిన బండ్లకు ఆ సుంకం నుండి మినహాయింపు ఇచ్చేవారు.

అల్లిపూర్ ఉన్నత పాఠశాల భవనం.

ఈగ్రామానికి నాలుగు వైపులా చెరువులు ఉండటం విశేషంగా చెప్పుకోవచ్చు. అవి వరుసగా నీలం చెరువు, కోనమ్మ చెరువు,మైసమ్మ చెరువు, పొచమ్మ చెరువు. ఈ గ్రామానికి ఎగువ నుండి శ్రీరాంసాగర్ ప్రాజెక్టు చెందిన డి.56 కాలువ ప్రవహిస్తున్నందున మండు వేసవిలో కూడా నీళ్ళకు కొ దవ ఉండదు. ఒక వేళ అతి ఎక్కువగా వర్షాలు కురిసినా, చెరువులు తెగినాగాని గ్రామానికి ఎటువంటి నష్గాలు జరగవు.

విద్యా సౌకర్యాలు[మార్చు]

పాఠశాలలు[మార్చు]

ప్రస్తుతం ఈ గ్రామములో ఒక ప్రభుత్వ ఉన్నత పాఠశాల రెండు ప్ర్రాథమిక పాఠశాలలు ఉన్నాయి.ఇక్కడి పాఠశాలలో సుమారు 750 మంది విద్యర్థులు ఛదువుతున్నారు. ప్రైవేట్ లో రెండు తెలుగు మీడియం పాఠశాలలు ఉన్నాయి. రెండు ఇంగ్లీష్ మీడియం స్కూల్స్ ఉన్నాయి. ప్రభుత్వ ఉన్నత పాఠశాలలో సుమారు 700 మంది విద్యార్థులున్నారు. అందువల్ల త్వరలో ఇక్కడి స్కూల్ ను బాలుర మరియు బాలికల స్కూల్స్ గా విభజించనున్నారు. ఇక్కడి పాఠశాలలకు చుట్టు పక్కల గ్రామాలనుండి విద్యార్థులు వచ్చి చదువుకుంటారు.ప్రస్తుతము ఈ పాఠశాలలో తెలుగు మరియు ఇంగ్లీష్ మీడియం లలో తరగతులు నదుస్తున్నాయి.గ్రామంలో రెండుప్రైవేటు బాలబడులు ఉన్నాయి. ప్రభుత్వ ప్రాథమిక పాఠశాలలు ఏడు, ప్రభుత్వ ప్రాథమికోన్నత పాఠశాలలు రెండు , ప్రభుత్వ మాధ్యమిక పాఠశాల ఒకటి ఉన్నాయి.సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల రాయికల్లోను, ఇంజనీరింగ్ కళాశాల జగిత్యాలలోనూ ఉన్నాయి. సమీప వైద్య కళాశాల, మేనేజిమెంటు కళాశాల కరీంనగర్లోను, పాలీటెక్నిక్ పొలసలోనూ ఉన్నాయి.సమీప వృత్తి విద్యా శిక్షణ పాఠశాల, అనియత విద్యా కేంద్రం జగిత్యాలలోను, దివ్యాంగుల ప్రత్యేక పాఠశాల కరీంనగర్ లోనూ ఉన్నాయి.

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

అల్లీపూర్లో ఉన్న రెండు ప్రాథమిక ఆరోగ్య ఉప కేంద్రాల్లో డాక్టర్లు లేరు. ఇద్దరు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఇద్దరు పారామెడికల్ సిబ్బందీ ఉన్నారు.సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, సంచార వైద్య శాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ఒక పశు వైద్యశాల కలదు,

ప్రైవేటు వైద్య సౌకర్యం[మార్చు]

గ్రామంలో9 ప్రైవేటు వైద్య సౌకర్యాలున్నాయి. ఎమ్బీబీయెస్ కాకుండా ఇతర డిగ్రీ చదివిన డాక్టర్లు 10 మంది, డిగ్రీ లేని డాక్టర్లు ఇద్దరు ఉన్నారు. మూడు మందుల దుకాణాలు ఉన్నాయి.

తాగు నీరు[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.

పారిశుధ్యం[మార్చు]

మురుగునీరు బహిరంగ కాలువల ద్వారా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు[మార్చు]

అల్లీపూర్లో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామం నుండి 10 కి.మీ.కి పైబడిన దూరంలో ఉన్నాయి.

గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ఆటో సౌకర్యం గ్రామానికి 5 నుండి 10 కి.మీ. దూరంలో ఉంది. ప్రైవేటు బస్సు సౌకర్యం, రైల్వే స్టేషన్ మొదలైనవి గ్రామం నుండి 10 కి.మీ.కి పైబడిన దూరంలో ఉన్నాయి.

ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి, రాష్ట్ర రహదారి గ్రామం నుండి 10 కి.మీ.కి పైబడిన దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు[మార్చు]

గ్రామములో శ్రీ శాతవాహన గ్రామీణ బ్యాంక్ (దక్కన్ గ్రామీణ బ్యాంక్) కూడా ఉంది.

గ్రామంలో వాణిజ్య బ్యాంకు, సహకార బ్యాంకు, వ్యవసాయ పరపతి సంఘం ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. ఏటీఎమ్ గ్రామం నుండి 5 నుండి 10 కి.మీ. దూరంలో ఉంది. రోజువారీ మార్కెట్, వారం వారం సంత, వ్యవసాయ మార్కెటింగ్ సొసైటీ గ్రామం నుండి 5 నుండి 10 కి.మీ. దూరంలో ఉన్నాయి.

ఆరోగ్యం, పోషణ, వినోద సౌకర్యాలు[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 5 నుండి 10 కి.మీ. దూరంలో ఉంది. సినిమా హాలు, గ్రంథాలయం గ్రామం నుండి 5 నుండి 10 కి.మీ. దూరంలో ఉన్నాయి. పబ్లిక్ రీడింగ్ రూం గ్రామం నుండి 10 కి.మీ.కి పైబడిన దూరంలో ఉంది.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 15 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.గ్రామంలో విద్యుత్ సబ్ స్టేషను ఉంది.

భూమి వినియోగం[మార్చు]

అల్లీపూర్లో భూ వినియోగం కింది విధంగా ఉంది:

  • అడవి: 311 హెక్టార్లు
  • వ్యవసాయేతర వినియోగంలో ఉన్న భూమి: 259 హెక్టార్లు
  • వ్యవసాయం చేయదగ్గ బంజరు భూమి: 260 హెక్టార్లు
  • నికరంగా విత్తిన భూమి: 1691 హెక్టార్లు
  • నీటి సౌకర్యం లేని భూమి: 878 హెక్టార్లు
  • వివిధ వనరుల నుండి సాగునీరు లభిస్తున్న భూమి: 812 హెక్టార్లు

నీటిపారుదల సౌకర్యాలు[మార్చు]

అల్లీపూర్లో వ్యవసాయానికి నీటి సరఫరా కింది వనరుల ద్వారా జరుగుతోంది.

  • కాలువలు: 574 హెక్టార్లు* బావులు/బోరు బావులు: 148 హెక్టార్లు* చెరువులు: 89 హెక్టార్లు

ఉత్పత్తి[మార్చు]

అల్లీపూర్లో ఈ కింది వస్తువులు ఉత్పత్తి అవుతున్నాయి.

ప్రధాన పంటలు[మార్చు]

వరి, వేరుశనగ, మిరప

పారిశ్రామిక ఉత్పత్తులు[మార్చు]

బీడీలు

దేవాలయాలు[మార్చు]

ఈ గ్రామంలో ప్రముఖంగా చెప్పదగిన దేవాలయాలు మూడు ఉన్నాయి.

  • శ్రీ వేంకటేశ్వరాలయం,
  • శ్రీ అంగడి రాజేశ్వరాలయం,
  • శ్రీ వేణుగోపాలస్వామి దేవాలయములు ఉన్నాయి.

మూలాలు[మార్చు]

  1. http://www.ourtelugunadu.com/wp-content/uploads/2018/02/226.Jagityal.-Final.pdf
  2. "Office of the Registrar General & Census Commissioner, India - Village amenities of 2011".

వెలుపలి లింకులు[మార్చు]