అష్ట దిక్కులు

పశ్చిమ దేశాల్లోలా కాకుండా .. భారతీయులు.. అందునా తెలుగు ప్రజలు ఏ అంశాన్నైనా అష్టదిక్కులతో ముడి పెడతారు. తూర్పు, పడమర(పశ్చిమ), దక్షిణ, ఉత్తర అనే నలు దిక్కులతో పాటుగా.. ఈశాన్యం, ఆగ్నేయం, నైఋతి, వాయువ్యం అని ఈ దిక్కుల మధ్య భాగాలుగా చెప్తారు. వీటికి ఒక్కో అధిపతిగా కొందరు దేవుళ్ళని చెప్పుకంటారు. వారిని దిక్పాలకులు అంటారు అంటే దిక్కులను పాలించే వారు అని అర్ధము. వారి దైనందిక జీవితాల్లో ఈ అష్ట దిక్కులకి తగిన ప్రాధాన్యాన్నీ కల్పించారు. వాస్తు, జ్యోతిష్యం, దైవ కార్యక్రమాల్లోనూ వీటి ప్రస్తావన ఉంటుంది.

• తూర్పు - ఇంద్రుడు ఇతని వాహనము ఐరావతం . ఆయుధము వజ్రాయుధము. భార్య శశీదేవి. వర్షాలు బాగా కురిసి పంటలు బాగా పండాలని ఇతనిని పూజిస్తారు. ఇండ్లు కొనేవారు ఎక్కువగా ఈ దిక్కునే కోరుకుంటారు.
• ఆగ్నేయం - అగ్ని అగ్ని దేవుడు. ఇతని వాహనము తగరము. భార్య స్వాహాదేవి. నివాసము తేజోపతి. ఆయుధము శక్తి ఆయుధము.
• దక్షిణం - యముడు యమ ధర్మ రాజు. ఇతని వాహనము దున్నపోతు. భార్య శ్యామలాదేవి. నివాసము సంయంపురం. ఆయుధము దండకం
• నైఋతి - నిరృతి.భార్య దీర్ఘాదేవి. ఇతని వాహనము గుర్రము. నివాసము కృష్టాంగన. ఆయుధము కుంతన.
• పడమర (పశ్చిమం) - వరుణుడు భార్య కాళికా దేవి. ఇతని వాహనము మొసలి. ఆయుధము పాశం.
• వాయవ్యం - వాయువు వాయుదేవుడు.భార్య అంజనాదేవి. ఇతని వాహనము లేడి. నివాసము సందవరం. ఆయుధము ధ్వజం.
• ఉత్తరం - కుబేరుడు. భార్య చిత్రరేఖాదేవి. ఆయుధము ఖడ్గం. ఇతని వాహనము నరుడు.
• ఈశాన్యం - ఈశ్వరుడుభార్య పార్వతి. ఇతని వాహనము నంది. ఆయుధము త్రిశూలం.

చూడు: అష్టదిక్కులు - దిక్పాలకులు - పట్టణాలు [[1]]