ఆమె (సినిమా)
| ఆమె (1994 తెలుగు సినిమా) | |
 | |
|---|---|
| దర్శకత్వం | ఇ.వి.వి.సత్యనారాయణ |
| తారాగణం | నరేష్, ఊహ |
| సంగీతం | విద్యాసాగర్ |
| నిర్మాణ సంస్థ | సిరి చిత్ర |
| భాష | తెలుగు |
ఆమె 1994 లో ఇ. వి. వి. సత్యనారాయణ దర్శకత్వంలో విడుదలైన సినిమా. ఇందులో ఊహ, శ్రీకాంత్, నరేష్ ముఖ్యపాత్రల్లో నటించారు.[1][2][3]
కథ[మార్చు]
శ్రీనివాస రావు ఇంట్లో పెళ్ళైన కొద్ది రోజులకే వైధవ్యం ప్రాప్తించిన ఊహ అనే అమ్మాయిని చూసి విక్రం ఇష్టపడతాడు. ఆమెని పెళ్ళి చేసుకోవాలని అడుగుతాడు. ఊహ తన గతాన్ని గురించి అతనికి చెబుతుంది. శ్రీనివాస రావు పరమ పిసినారి. కొడుకు ఆంజనేయులు ఓ బ్యాంకులో ఉద్యోగం చేస్తుంటాడు. కొడుకుకి పెళ్ళి చేయడానికి వధువు ఎలాంటిదైనా పరవాలేదు కానీ కట్నం మాత్రం దండిగా రావాలని కోరుకుంటాడు. అందుకోసం ఓ ఊబకాయం కలిగిన అమ్మాయినీ, పెళ్ళికి ముందే మోసపోయి గర్భవతి అయిన అమ్మాయినీ పెళ్ళి సంబంధాలుగా చూస్తాడు. కానీ ఆంజనేయులు ఆ సంబంధాలన్నీ తిప్పి కొడతాడు.
సుబ్రహ్మణ్యం ఒక సాధారణ ఉద్యోగి. అతని కుటుంబం చాలా పేదరికంలో ఉంటుంది. కనీసం పిల్లలకు సరైన బట్టలు కూడా కుట్టించలేని దీన స్థితి. దానికి తోడు అతని అల్లుడు ఆ ఇంట్లోనే తిష్ట వేసి ఏ పనీ లేకుండా తిని తిరుగుతుంటాడు. అతని కూతురు ఊహను ఆంజనేయులు ప్రేమిస్తాడు. వాళ్ళు కట్నం ఇవ్వలేరని శ్రీనివాసరావు ఒప్పుకోడు. ఆంజనేయులు మాత్రం తండ్రిని ఎదిరించి ఊహతో పెళ్ళికి ఒప్పిస్తాడు. కానీ శోభనం రోజునే ప్రమాదంలో మరణిస్తాడు.
తారాగణం[మార్చు]
- ఊహ గా ఊహ
- ఆంజనేయులు గా శ్రీకాంత్
- విక్రమ్ గా నరేష్[4]
- శ్రీనివాస రావు గా కోట శ్రీనివాసరావు
- శ్రీనివాస రావు భార్య గా సుధ
- ఊహ తండ్రి సుబ్రహ్మణ్యం గా చంద్రమోహన్
- సుబ్రహ్మణ్యం భార్య గా సంగీత
- సుబ్రహ్మణ్యం అల్లుడు గా తనికెళ్ళ భరణి
- పురోహితుడు గా బ్రహ్మానందం
- ఎ. వి. ఎస్
పాటలు[మార్చు]
ఈ సినిమాకు విద్యాసాగర్ సంగీత దర్శకత్వం వహించాడు.[5][6]
- నాగమణీ నాగమణీ
- ఊహల పల్లకిలో ఊగుతున్నదీ వధువు
- చల్లగాలికీ ఈడు వచ్చింది
- అమ్మమ్మ
- ఓ చల్లగాలీ ఓదార్చిపోవా
మూలాలు[మార్చు]
- ↑ "Remembering EVV Satyanarayana on his birth anniversary - Kannada Movie News". Indiaglitz.com. 2014-06-10. Retrieved 2015-04-30.
- ↑ "Srikanth interview - Telugu Cinema interview - Telugu film actor". Idlebrain.com. 2009-09-28. Retrieved 2015-04-30.
- ↑ "EVV Satyanarayana dies Б─⌠ A legend of his own league". Supergoodmovies.com. 22 January 2011. Archived from the original on 25 July 2015. Retrieved 30 April 2015.
- ↑ ఆంధ్రప్రభ, సినిమా (22 April 2018). "అందుకే క్యారెక్టర్ ఆర్టిస్టునయ్యా – నరేష్ – Andhra Prabha Telugu Daily". ర‌మేష్ గోపిశెట్టి. Archived from the original on 19 జూలై 2020. Retrieved 19 July 2020. Check date values in:
|archivedate=(help) - ↑ "Aame - All Songs - Download or Listen Free - JioSaavn".
- ↑ https://naasongs.com/aame.html