శ్రీకాంత్ (నటుడు)

శ్రీకాంత్
జననం	మేకా శ్రీకాంత్ (1968-03-23) 1968 మార్చి 23 గంగావతి, కొప్పల్ జిల్లా, కర్ణాటక
చదువు	బి.కామ్
పాఠశాల/కళాశాలలు	కర్ణాటక విశ్వవిద్యాలయం, ధర్వాడ్
వృత్తి	సినిమా నటుడు
భాగస్వామి	ఉహ
పిల్లలు	రోషన్, రోహన్, మేధ

శ్రీకాంత్ (జననం: మార్చి 23, 1968) ప్రముఖ తెలుగు సినీనటుడు. 125 పైగా సినిమాల్లో నటించాడు. ఒక సినిమా కూడా నిర్మించాడు. కర్ణాటకలోని గంగావతిలో జన్మించిన శ్రీకాంత్ బీకాం వరకు చదువుకున్నాడు. మొదట్లో సహాయ పాత్రలు, ప్రతినాయక పాత్రలు పోషించిన శ్రీకాంత్ తర్వాత హీరోగా మారాడు. ఉషాకిరణ్ మూవీస్ నిర్మించిన పీపుల్స్ ఎన్‌కౌంటర్ శ్రీకాంత్‌కి నటుడిగా మొదటి సినిమా. 1993 లో విడుదలైన వన్ బై టు శ్రీకాంత్ హీరోగా మొదటి సినిమా. ఆమె (1994), తాజ్ మహల్ (1995), పెళ్ళి సందడి (1996), వినోదం (1996), మా నాన్నకు పెళ్ళి (1997), అమ్మో ఒకటో తారీఖు (2000), ఖడ్గం (2002), మహాత్మ (2009) శ్రీకాంత్ ప్రధాన పాత్రల్లో నటించిన సినిమాల్లో కొన్ని. ఒకవైపు ప్రధాన పాత్రల్లో నటిస్తూనే చిరంజీవి, బాలకృష్ణ, వెంకటేష్, నాగార్జున, మోహన్ బాబు, రాజేంద్ర ప్రసాద్, జగపతి బాబు, రవితేజ లాంటి నటులతో మల్టీ స్టారర్ చిత్రాల్లో కనిపించాడు. హీరోగా జోరు తగ్గాక మళ్ళీ ప్రతినాయక, సహాయ పాత్రల్లో నటిస్తున్నాడు. శ్రీకాంత్ తెలుగు సినిమా నటుల సంఘం మా (మూవీ ఆర్టిస్ట్స్ అసోసియేషన్) లో సభ్యుడిగా పని చేశాడు. సినిమా నటి ఊహను ప్రేమ వివాహం చేసుకున్నాడు. వీరికి రోహన్, రోషన్, మేధ అనే ముగ్గురు పిల్లలు.

వ్యక్తిగత జీవితం

శ్రీకాంత్ కర్ణాటక రాష్ట్రం, కొప్పల్ జిల్లాలోని గంగావతిలో జన్మించాడు. చిన్నతనంలో క్రికెట్ మీద ఆసక్తి ఉండేది. ధర్వార్ లోని కర్ణాటక విశ్వవిద్యాలయంలో బీకాం పట్టా పొందాడు. ఒక ఫిల్మ్ ఇన్‌స్టిట్యూట్ నుంచి డిప్లోమా కూడా పొందాడు. హీరోయిన్ ఊహను ప్రేమించి పెళ్ళి చేసుకున్నాడు. వీరికి ముగ్గురు (రోషన్, మేధా, రోహన్) పిల్లలు. వారికి రోషన్ అనే కొడుకు, మేధ అనే కూతురు ఉన్నారు. పెద్ద కొడుకు రోషన్ చిన్నప్పుడు క్రికెట్ ఆడేవాడు. తర్వాత నిర్మలా కాన్వెంట్ అనే సినిమాతో నటుడిగా మారాడు. రెండో కొడుకు రోహన్ లాస్ ఏంజిలెస్ లో నటనకు సంబంధించి శిక్షణ తీసుకున్నాడు. ప్రైవేటుగా బి.బి.ఎం చదువుతున్నాడు. కూతురు మేధ బాస్కెట్ బాల్ ఆడుతుంది. అండర్ 14 తరపున జాతీయ జట్టులో ఆడింది.

సినీ ప్రస్థానం

ఉషాకిరణ్ మూవీస్ నిర్మించిన పీపుల్స్ ఎన్‌కౌంటర్ శ్రీకాంత్ కు నటుడిగా మొదటి సినిమా. ఈ సినిమాకు ఐదువేల రూపాయల పారితోషికం అందుకున్నాడు. మొదట్లో చిన్న చిన్న పాత్రలతో, విలన్ గా తన ప్రస్థానాన్ని ప్రారంభించిన శ్రీకాంత్ నెమ్మదిగా హీరోగా మారాడు. వన్ బై టూ (1993) హీరోగా శ్రీకాంత్ మొట్టమొదటి సినిమా. తర్వాత వచ్చిన తాజ్ మహల్ (1995) సినిమా మంచి విజయం సాధించడంతో ఆయన హీరోగా నిలదొక్కుకున్నాడు. సంగీత పరంగా కూడా ఈ సినిమా మంచి విజయం సాధించింది. కె. రాఘవేంద్రరావు దర్శకత్వంలో వచ్చిన పెళ్ళి సందడి (1996) చిత్రం కూడా మంచి విజయం సాధించింది.

ఖడ్గం, ఆపరేషన్ ధుర్యోధన సినిమాల్లో ఆయన పోషించిన పాత్రకు పలువురి విమర్శకుల ప్రశంసలు లభించాయి. స్వతహాగా చిరంజీవి అభిమానియైన శ్రీకాంత్ ఆయనతో కలిసి నటించాలని ఎంతో కోరికగా ఉండేవాడు. ఆయన కోరిక శంకర్‌దాదా ఎం.బీ.బీ.ఎస్ తో తీరింది. దానికి సీక్వెల్ గా వచ్చిన శంకర్‌దాదా జిందాబాద్ లో కూడా ఆయనతో కలిసి నటించాడు .బాలకృష్ణతో కలిసి శ్రీరామరాజ్యం సినిమాలో, వెంకటేష్తో కలిసి సంక్రాంతి, నాగార్జునతో కలిసి నిన్నే ప్రేమిస్తా, .మోహన్ బాబుతో తప్పుచేసి పప్పుకూడు, రాజేంద్ర ప్రసాద్తో సరదాగా సరదాగా మొదలయిన వాటిలో నటించాడు. జగపతిబాబుతో మనసులో మాట, జె.డి. చక్రవర్తితో ఎగిరే పావురమా, రవితేజతో ఖడ్గం లాంటి సినిమాల్లో కలిసి నటించాడు.

చిత్రాలు

1. దేవర (2024)
2. గేమ్ ఛేంజర్ (2023)
3. కోట బొమ్మాళి పీ.ఎస్ (2023)
4. స్కంద (2023)
5. వారసుడు (2023)
6. హంట్ (2023)
7. జేమ్స్ (2022)
8. మార్షల్ (2019)
9. ఆపరేషన్ 2019 (2019)
10. పులిజూదం (2019)
11. రా..రా.. (2018)
12. యుద్ధం శరణం (2017)
13. టెర్రర్ (2016 సినిమా) (2016)
14. సరైనోడు (2016)
15. మెంటల్ (2016)
16. ఢీ అంటే ఢీ (2015)
17. వేట (2014)
18. మల్లిగాడు మ్యారేజ్ బ్యూరో (2014)
19. గోవిందుడు అందరివాడేలే (2014)
20. శత్రువు (2013)
21. షాడో (2013 సినిమా) (2013)
22. సేవకుడు (2013)
23. దేవరాయ (2012 సినిమా) (2012)
24. లక్కీ (2012 సినిమా) (2012)
25. శ్రీరామరాజ్యం (2011)
26. అ ఆ ఇ ఈ (2009)
27. మహాత్మ (2009) (100 వ చిత్రం)
28. స్వరాభిషేకం (2004)
29. నగరం
30. యమగోల మళ్ళీ మొదలైంది
31. శంకర్ దాదా జిందాబాద్ (2007)
32. ఆదిలక్ష్మి
33. ఆపరేషన్ దుర్యోధన
34. మాయాజాలం (2006)
35. నేను పెళ్ళికి రెడీ (2003)
36. దొంగరాముడు అండ్ పార్టీ (2003)
37. ప్రేమసందడి (2001)
38. డార్లింగ్ డార్లింగ్ (2001)
39. నా మనసిస్తా రా (2001)
40. కలిసి నడుద్దాం (2001)
41. చాలా బాగుంది (2000)
42. అమ్మో ఒకటోతారీఖు (2000)
43. నిన్నే ప్రేమిస్తా (2000)
44. రాధా గోపాళం
45. క్షేమంగా వెళ్ళి లాభంగా రండి (2000)
46. సంక్రాంతి (వెంకటేష్ కు తమ్ముడిగా)
47. ఖడ్గం
48. మాణిక్యం (1999)
49. మనసులో మాట (1999)
50. అనగనగా ఒక అమ్మాయి (1999)
51. పంచదార చిలక (1999)
52. శంకర్ దాదా ఎం.బీ.బీ.ఎస్
53. పెళ్ళాం ఊరెళితే
54. గిల్లికజ్జాలు (1998)
55. శుభలేఖలు (1998)
56. ఓ చినదాన
57. కన్యాదానం (1998)
58. ఒట్టేసి చెబుతున్నా
59. ఊయల (1998)
60. మా నాన్నకు పెళ్ళి (1997)
61. తాళి (1997)
62. పెళ్ళిసందడి (1996)
63. పిల్ల నచ్చింది (1999)
64. పండగ (1998)
65. ఆహ్వానం (1997)
66. హలో ఐ లవ్ యూ (1997)
67. ఎగిరే పావురమా (1997)
68. ప్రేయసి రావే
69. వినోదం (1996)
70. దొంగ రాస్కెల్ (1996)
71. సింహ గర్జన (1995)
72. తాజ్ మహల్ (1995)
73. ఆమె (1994)
74. వన్ బై టూ (1993)
75. మధురా నగరిలో (1991)
76. పీపుల్స్ ఎన్‌కౌంటర్ (1991)

వెబ్‌సిరీస్‌

సంవత్సరం	పేరు	పాత్ర	నెట్వర్క్	ఇతర విషయాలు
2020	చదరంగం	పెమ్మసాని గంగాధర్ రావు	జీ5 ఓటీటీ
2020	షూట్ అవుట్ ఎట్ ఆలేర్	ఐజి ప్రవీణ్ చాంద్	జీ5 ఓటీటీ

అవార్డులు

ఫిల్మ్ ఫేర్ అవార్డులు

• 2004 - ఫిల్మ్‌ఫేర్ ఉత్తమ సహాయ నటుడు - శంకర్ దాదా ఎంబిబిఎస్

సైమా అవార్డులు

• 2021 - సైమా ఉత్తమ ప్రతినాయకుడు (అఖండ)
• 2016: ఉత్తమ సహాయనటుడు (సరైనోడు)

బయటి లింకులు

• ఇంటర్నెట్ మూవీ డేటాబేస్ లో శ్రీకాంత్ పేజీ