ఊయల (సినిమా)

ఊయల
దర్శకత్వం	ఎస్. వి. కృష్ణారెడ్డి
నిర్మాత	శివలెంక కృష్ణప్రసాద్
రచన	ఎస్. వి. బాలకృష్ణన్ (మూలకథ) ఎస్. వి. కృష్ణారెడ్డి (కథ/స్క్రీన్ ప్లే)
నటులు	శ్రీకాంత్, నాజర్, సుహాసిని, రమ్యకృష్ణ
సంగీతం	ఎస్. వి. కృష్ణారెడ్డి
నిర్మాణ సంస్థ	శ్రీదేవి ఆర్ట్ మూవీస్
విడుదల	1998
భాష	తెలుగు

ఊయల 1998 లో ఎస్. వి. కృష్ణారెడ్డి దర్శకత్వంలో విడుదలైన కుటుంబ కథాచిత్రం. ఇందులో శ్రీకాంత్, రమ్యకృష్ణ, నాజర్, సుహాసిని ముఖ్య పాత్రలు పోషించారు. కవల పిల్లలను కలిగిన ఓ తండ్రి పుట్టగానే బిడ్డల్ని కోల్పోయి బాధ పడుతున్న మరో జంటకు తమ శిశువును ఇవ్వడం, పర్యవసానంగా వారు ఎదుర్కొనే సంఘర్షణ ఈ చిత్రం యొక్క ముఖ్య కథాంశం.

కథ

రాజా కి కవల పిల్లలు పుడతారు. అదే సమయానికి జ్యోతి అనే ఆమె కూడా కాన్పు కోసం ఆసుపత్రిలో చేరుతుంది. ఆమెకు అంతకుముందే ఒక బిడ్డ పుట్టి చనిపోయి ఉంటుంది. రాజా సంతోషంతో జ్యోతి భర్తను పలకరించగా అతను మళ్ళీ బిడ్డను కోల్పోయిన విచారంలో ఉంటాడు. డాక్టరు, జ్యోతి భర్త ఇద్దరూ కలిసి రాజాకు కలిగిన ఇద్దరి మగ సంతానంలో ఒకరిని జ్యోతికి పుట్టిన బిడ్డగా ఇచ్చేందుకు ఒప్పిస్తారు.

తారాగణం

• రాజా గా శ్రీకాంత్
• రమ్యకృష్ణ
• నాజర్
• జ్యోతి గా సుహాసిని
• వైద్యుడిగా ఎస్. పి. బాలసుబ్రహ్మణ్యం
• మల్లికార్జున రావు
• సుధాకర్
• ఎ. వి. ఎస్
• గిరిబాబు
• జయప్రకాష్ రెడ్డి
• రమాప్రభ
• అన్నపూర్ణ
• రజిత
• చిట్టిబాబు
• పి. జె. శర్మ
• శ్రీచరణ్
• విజయకుమార్

పాటలు

ఇందులో పాటలు సిరివెన్నెల సీతారామ శాస్త్రి, భువనచంద్ర, చంద్రబోస్ రాశారు.

• నాగమల్లి కోనల్లో (గానం: ఎస్. పి. బాలసుబ్రహ్మణ్యం)
• జరిగినదంతా నిజమని కాస్త (గానం: ఎస్. పి. బాలసుబ్రహ్మణ్యం)
• పుత్తడి బొమ్మంటి ముద్దుల బాబు (గానం: కె. ఎస్. చిత్ర)
• గోపాల బాలుడమ్మా (గానం: కె. ఎస్. చిత్ర)