పెళ్ళి సందడి (1996 సినిమా)

వికీపీడియా నుండి
Jump to navigation Jump to search
పెళ్ళి సందడి
Pelli Sandadi.jpg
దర్శకత్వంకె. రాఘవేంద్రరావు
నిర్మాతఅశ్వనీ దత్, అల్లు అరవింద్
తారాగణంశ్రీకాంత్,
రవళి,
దీప్తి భట్నాగర్
ఛాయాగ్రహణంవి. జయరాం
కూర్పుమార్తాండ్ కె. వెంకటేష్
సంగీతంఎం. ఎం. కీరవాణి
నిర్మాణ
సంస్థ
శ్రీ రాఘవేంద్ర మూవీ కార్పొరేషన్
పంపిణీదారుగీతా ఆర్ట్స్
విడుదల తేదీ
1996 జనవరి 12 (1996-01-12)
సినిమా నిడివి
129 ని
దేశంభారతదేశం

పెళ్ళిసందడి 1996 లో కె. రాఘవేంద్రరావు దర్శకత్వంలో వచ్చిన విజయవంతమైన కుటుంబ, ప్రేమకథా చిత్రం. ఈ సినిమాలో శ్రీకాంత్, దీప్తి భట్నాగర్, రవళి ప్రధాన పాత్రలు పోషించారు. అశ్వనీ దత్, అల్లు అరవింద్ కలిసి ఈ సినిమాను నిర్మించారు. ఈ సినిమా బాక్సాఫీసు వద్ద మంచి విజయం సాధించింది.[2][3] కీరవాణి స్వరపరిచిన ఈ చిత్రంలోని పాటలు కూడా మంచి ఆదరణ పొందాయి.[4]

కథ[మార్చు]

విజయ్ ది సంగీత నేపథ్యం ఉన్న కుటుంబం. తండ్రి, ముగ్గురు అక్కలు, బావలతో కలిసి నివసిస్తుంటాడు. పెళ్ళి వయసు రావడంతో తండ్రి అతన్ని తొందరగా పెళ్ళి చేసుకోమని బలవంతం చేస్తుంటాడు. ఆ పనిని తన ముగ్గురు అల్లుళ్ళకు అప్పజెబుతాడు. విజయ్ మాత్రం తనకు కలలో కనిపించిన స్వప్న సుందరిని మాత్రమే పెళ్ళి చేసుకుంటానని చెబుతాడు. అతని బావలు పోలికలు చెప్పమని అడిగితే బొడ్డు పక్కన ఉన్న పుట్టుమచ్చ ఉందని మాత్రమే చెబుతాడు. అలాంటి అమ్మాయి వెతకడం అసంభవం అనీ ఆ ఆలోచన మానుకోమని సలహా ఇస్తారు. విజయ్ తండ్రి తెలిసిన వాళ్ళ ద్వారా దగ్గర్లోనే ఉన్న మరో సంబంధం మాట్లాడతాడు. విజయ్ అయిష్టంగానే పెళ్ళి చూపులకు వెళతాడు. తీరా వెళ్ళాక ఆ సంబంధం వద్దనడానికి అతనికి ఏ కారణం కనిపించదు. అతని ఆలోచనలతో సంబంధం లేకుండా నిశ్చితార్థం జరిగిపోతుంది.

ఒకసారి విజయ్ బంధువుల పెళ్ళికి తన బావలతో కలిసి వెళతాడు. అక్కడ తన స్వప్న సుందరి లక్షణాలను పోలిన అమ్మాయిని కనపడుతుంది కానీ మళ్ళీ ఆమె జాడ కానరాదు. విజయ్ ఎలాగైన ఆ అమ్మాయినే పెళ్ళి చేసుకోవాలనే పట్టుదలతో ఉంటాడు. విజయ్ కి ఊటీలో సంగీత ఉపాధ్యాయుడిగా ఉద్యోగం వస్తుంది. స్వప్న మళ్ళీ ఆ విద్యార్థుల్లో ఒకరిగా కనిపిస్తుంది. విజయ్ స్వప్న ప్రేమలో పడతారు. విజయ్ మళ్ళీ ఇంటికి తిరిగివచ్చి తన ప్రేమను గురించి ఇంట్లోవాళ్ళకి చెప్పాలనుకుంటాడు. కానీ అంతలోనే తండ్రి కళ్యాణితో పెళ్ళి ఏర్పాట్లు చేస్తుంటాడు. ఈ లోపుగా స్వప్న తన అక్క కల్యాణికి కాబోతున్న భర్త తాను ప్రేమించిన విజయ్ అని తెలుస్తుంది. స్వప్న అక్క కోసం తన ప్రేమను త్యాగం చేయడానికి సిద్ధమవుతుంది. స్వప్న విజయ్ తో అసలు విషయం చెప్పకుండా తాను ప్రాణాంతక వ్యాధితో బాధపడుతున్నట్లు అబద్ధం చెప్పి తన ప్రేమను మరిచిపోమంటుంది. ఈ లోపు కల్యాణికి కూడా స్వప్న, విజయ్ ల ప్రేమ విషయం గురించి తెలుసుకుని చెల్లెల్ని విజయ్ తో పెళ్ళికి ఒప్పించడంతో కథ ముగుస్తుంది.

తారాగణం[మార్చు]

పురస్కారాలు[మార్చు]

  • ఉత్తమ సంగీత దర్శకుడిగా ఎం. ఎం. కీరవాణికి ఫిల్మ్ ఫేర్ (తెలుగు) పురస్కారం
  • ఉత్తమ దర్శకుడు కె. రాఘవేంద్రరావు, నంది పురస్కారం
  • ఉత్తమ సంగీత దర్శకుడిగా ఎం. ఎం. కీరవాణికి నంది పురస్కారం
  • ఉత్తమ నృత్య దర్శకుడు కె. రాఘవేంద్రరావు, నంది పురస్కారం

పాటలు[మార్చు]

  1. సౌందర్యలహరి, స్వప్నసుందరి
  2. రమ్యకృష్ణ లాగ ఉంటదా
  3. హృదయమనే కోవెలలో వెలిగే దీపం
  4. సరిగమ పదనిస రాగం, త్వరపడుతున్నది మాఘం
  5. నవమన్మథుడా అతి సుందరుడా నిను వలచిన ఆ ఘనుడు

సంభాషణలు[మార్చు]

  • కాఫీలు తాగారా, టిఫినీలు చేశారా? ఇంకోసారి కాఫీలు తాగుతారా, ఇంకోసారి టిఫినీలు చేస్తారా?

మూలాలు[మార్చు]

  1. Sakshi (12 January 2021). "పెళ్లి సందడి@25.. రాఘ‌వేంద్ర‌రావు ఎమోషనల్‌ ట్వీట్‌". Sakshi. Archived from the original on 1 జూన్ 2021. Retrieved 1 June 2021. Check date values in: |archivedate= (help)
  2. "పెళ్ళిసందడి చిత్రానికి 25 ఏళ్ళు". ragalahari.com. 13 Jan 2021. Retrieved 19 May 2021.
  3. "రూ.85లక్షల బడ్జెట్‌.. రూ.15కోట్ల కలెక్షన్స్‌". eenadu.net. Retrieved 19 May 2021.
  4. "పెళ్లి సందడి@25.. రాఘ‌వేంద్ర‌రావు ఎమోషనల్‌ ట్వీట్‌". sakshi.com. Retrieved 19 May 2021.