చంద్రబోస్ (రచయిత)
 | ఈ వ్యాసం లేదా వ్యాసభాగాన్ని విస్తరించవలసి ఉంది. వివరాలకు జాబితా లేదా ఈ వ్యాసపు చర్చా పేజీ చూడండి. విస్తరణ పూర్తయిన తర్వాత, ఈ నోటీసును తొలగించండి. |
| చంద్రబోస్ | |
|---|---|
 చంద్రబోస్ | |
| జననం | చంద్రబోస్ చల్లగరిగె, చిట్యాల మండలం, వరంగల్ జిల్లా |
| నివాసం | హైదరాబాదు |
| వృత్తి | సినీ గీత రచయిత నేపథ్యగాయకుడు |
| మతం | హిందూ |
| జీవిత భాగస్వామి | సుచిత్ర చంద్రబోస్ |
| తల్లిదండ్రులు |
|
చంద్రబోస్ తెలుగు సినిమా పాటల రచయిత. తాజ్ మహల్ చిత్రం ద్వారా సినీరంగ ప్రవేశం చేశాడు.[1] ఇంజనీరింగ్ పట్టభద్రుడైనా చిన్నప్పుడు నుండి పాటలమీద ఉన్న మక్కువతో సినీరంగంలోకి అడుగుపెట్టాడు. ఈయన పాటల రచయితనే కాక నేపథ్యగాయకుడు కూడా.
విషయ సూచిక
బాల్యం[మార్చు]
ఆయన స్వస్థలం వరంగల్ జిల్లా, చిట్యాల మండలం, చల్లగరిగె అనే కుగ్రామం. తండ్రి నర్సయ్య ఉపాధ్యాయుడు. తల్లి మదనమ్మ గృహిణి. వారికి మొత్తం నలుగురు సంతానం. వారిలో చంద్రబోస్ ఆఖరి వాడు.[2] తల్లి మదనమ్మ మే 20, 2019 న మరణించింది.[3]
వారి గ్రామంలో అప్పుడప్పుడూ ఒగ్గు కథలు, చిందు భాగవతాలు, నాటకాలు వేసేవారు. తల్లితో కలిసి వాటిని చూసి చంద్రబోస్ పద్యాలు, పాటలపై ఆసక్తి పెంచుకున్నాడు.ఇంటి పక్కనే ఉన్న గుడిలో జరిగే భజనల్లో పాటలు పాడేవాడు. తరువాత ఆ ఊర్లోకి సినిమా హాలు రావడంతో సినిమాలు చూడ్డం అలవాటైంది.
విద్య[మార్చు]
చంద్రబోస్ ముందు డిప్లోమా, ఆ తరువాత ఇంజనీరింగ్ చదివాడు. చదువు పూర్తయ్యే సమయంలో పాటలపై ఆసక్తి కలిగింది. ఒక స్నేహితుని సాయంతో సినీ ప్రముఖుల దగ్గరికి వెళ్ళేవాడు.
సినీ ప్రస్థానం[మార్చు]
దర్శకుడు ముప్పలనేని శివ చంద్రబోస్ పాటలను నిర్మాత రామానాయుడుకి చూపించడంతో తాజ్‌మహల్ సినిమాలో మంచుకొండల్లోన చంద్రమా అనే పాట రాయడానికి అవకాశం వచ్చింది. ఆ పాట బాగా ప్రజాదరణ పొందింది. అదే సమయానికి ఇంజనీరింగ్ కూడా పూర్తయింది. ఉద్యోగమా, సినీరంగంలో రెండో దాన్నే ఎంచుకుని తల్లిదండ్రులను కూడా అందుకు ఒప్పించాడు. ఆ తరువాత కె. రాఘవేంద్రరావు దర్శకత్వంలో వచ్చిన పెళ్ళిసందడి సినిమాలో కూడా అవకాశం వచ్చింది. ఆ సినిమా సంగీత పరంగా కూడా విజయం సాధించడంతో ఆయనకు వరుసగా అవకాశాలు వచ్చాయి. 800 సినిమాల్లో 3300 పాటల్లో పాటలు రాశాడు.
పాటల రకాలు[మార్చు]
- స్ఫూర్తిదాయక పాటలు: బడ్జెట్ పద్మనాభం చిత్రంలోని 'ఎవరేమి అనుకున్నా నువ్వుండే రాజ్యాన' అనే పాట మొదటి స్ఫూర్తిదాయక పాట. ఓమారియా ఓమారియా (చూడాలనివుంది), కొడితే కొట్టాలిరా సిక్స్ కొట్టాలి (ఠాగూర్), నవ్వేవాళ్లు నవ్వని ఏడ్చేవాళ్లు ఏడ్వనీ (చెన్నకేశవరెడ్డి), లక్కీ లక్కీ ఎంతెంతో లక్కీ (డాడీ), చీకటితో వెలుగే చెప్పెను నేనున్నానని (నేనున్నాను), ఇంతే ఇంతింతే మరియు లేలేలే ఇవ్వాళే లే (గుడుంబా శంకర్), అభిమాని లేనిదే హీరోలు లేరులే,
- స్నేహం గురించిన పాటలు: ట్రెండు మారినా ఫ్రెండ్ మారడు (ఉన్నది ఒకటే జిందగీ), ఎగిరే ఎగిరే (కొచెం ఇష్టం కొచెం కష్టం)
- తల్లిదండ్రులపై పాటలు: పెదవే పలికిన మాటల్లోనే (నాని), లాలి లాలి జోలాలి (ఢమరుకం), కనిపెంచిన మా అమ్మకే అమ్మయ్యానుగా (మనం), చీరలోని గోప్పదనం (పల్లకిలో పెళ్లికూతురు)
- అన్నాచెల్లెలి పాటలు: మరుమల్లి జాబిల్లి (లక్ష్మీనరసింహా), అన్నయ్య అన్నాంటే (అన్నవరం)
- ప్రేమపాటలు: నీ నవ్వుల తెల్లదనాన్ని నాగమల్లి (ఆది), కలలోనైన కలగనలేదే నువ్వొస్తావని (నువ్వొస్తావని), నువు చూడూ చూడకపో (ఒకటో నెంబర్ కుర్రాడు), నువ్వే నా శ్వాస (ఒకరికొకరు), పోయే పోయే లవ్వే పోయే (ఆర్య2), పంచదార బొమ్మాబొమ్మా (మగధీర)
- కళాశాల పాటలు: ఎక్కడో పుట్టి ఎక్కడో పెరిగి (స్టూడెంట్ నెంబర్ వన్)
- దేవుని పాటలు: జైజై గణేషా (జై చిరంజీవా)
- తెలుగు భాషపై పాటలు: తెలుగంటే గోంగూర (సుబ్రమణ్యం ఫర్ సేల్),
- ఇతర పాటలు: బ్రాండ్ల పేరుతో 'చీరలోని గొప్పదనం' (పల్లకిలో పెళ్లికూతురు), షాప్ బోర్డు పేర్లతో 'గంగా ఏసి వాటర్' (సై), టెలిఫోన్ డైరెక్టరీతో 'ఎక్కడున్నావమ్మా' (ఒకరికొకరు), సెల్ ఫోన్ నెంబర్లతో 'నీది 98490 నాది 98480' (ఒకటో నెంబర్ కుర్రాడు), డబ్బుల గురించి 'రెలుబండిని నడిపేది' (నువ్వొస్తావని), నవ్వు గురించి 'ఒకచిన్ని నవ్వేనవ్వి యుద్దాలేన్నో ఆపొచ్చు' (అశోక్), అమ్మాయి పేర్లతో 'నాపేరు చెప్పుకోండి' (పల్లకిలో పెళ్లికూతురు), దేవున్నే పిలిచావంటే రాడురాడు ఎంతో బిజీ (లక్ష్మీనరసింహా), జ్ఞాపకాలపై 'గుర్తుకొస్తున్నాయి' (నా ఆటోగ్రాఫ్), భార్యపై 'సమయానికి తగు సేవలు' (సీతయ్య)
వివాహం[మార్చు]
పెళ్ళిపీటలు సినిమాకు పనిచేస్తుండగా నృత్య దర్శకురాలు సుచిత్ర పరిచయమైంది. అది ప్రేమగా మారి ఇద్దరూ ఇంట్లో వాళ్ళని ఒప్పించి పెళ్ళి చేసుకున్నారు.
అవార్డులు[మార్చు]
నంది అవార్డులు[మార్చు]
- ఉత్తమ గీత రచయిత - నీ నవ్వుల తెల్లదనాన్ని నాగమల్లి - ఆది
ఇతర వివరాలు[మార్చు]
- నార్త్ అమెరికా తెలుగు అసోసియేషన్ కు సాంస్కృతిక రాయబారిగా (6సంవత్సరాలుగా) ఉన్నారు.
పాటల సంకలనం[మార్చు]
- రంగస్థలం (2018)
- ఝుమ్మంది నాదం (2010)
- ఒక్క మగాడు (2007)
- అన్నవరం (2006)
- ఖతర్నాక్ (2006)
- సైనికుడు (2006)
- బొమ్మరిల్లు (2006)
- విక్రమార్కుడు (2006)
- రణం (2006)
- హ్యాపి (2006)
- జై చిరంజీవ (2005)
- భగీరధ (2005)
- ఛత్రపతి (సినిమా) (2005)
- అల్లరి బుల్లోడు (2005)
- ఆంధ్రుడు (2005)
- అందరివాడు (2005)
- అతనొక్కడే (2005)
- సుభాష్ చంద్రబోస్ (సినిమా) (2005)
- చక్రం (2005)
- బాలు (2005 సినిమా) (2005)
- శంకర్ దాదా ఎం.బి.బి.ఎస్. (2004)
- సై (2004)
- గుడుంబా శంకర్ (2004)
- నా ఆటోగ్రాఫ్ (2004) - మౌనంగానే ఎదగమని మొక్క నీకు చెబుతుంది
- సాంబ (సినిమా) (2004)
- నాని (2004)
- ఆర్య (సినిమా) (2004)
- నేనున్నాను (2004)
- అతడే ఒక సైన్యం (2004)
- అంజి (సినిమా) (2004)
- లక్ష్మీనరసింహా (2004)
- అభిమన్యు (2003)
- ఠాగూర్ (సినిమా) (2003)
- జానీ (2003)
- దిల్ (2003)
- అమ్మా నాన్న ఓ తమిళమ్మాయి (2003)
- గంగోత్రి (సినిమా) (2003)
- పెళ్ళాం ఊరెళితే (2003)
- నాగ (2002)
- చెన్నకేశవరెడ్డి (2002)
- ఆది (సినిమా) (2002)
- అవును వాళ్ళిద్దరూ ఇష్టపడ్డారు (2002)
- టక్కరి దొంగ (2002)
- హనుమాన్ జంక్షన్ (సినిమా) (2001)
- స్టూడెంట్ నంబర్ 1 (2001)
- ముత్యం (2001)
- డాడీ (సినిమా) (2001)
- ఖుషి (2001)
- శ్రీ మంజునాథ (2001)
- మృగరాజు (సినిమా) (2001)
- బడ్జెట్ పద్మనాభం (2001)
- మురారి (సినిమా) (2000)
- ఆజాద్ (2000)
- జయం మనదేరా (2000 సినిమా) (2000)
- తమ్ముడు (సినిమా) (1999)
- ఇద్దరు మిత్రులు (1999 సినిమా) (1999)
- ప్రేమంటే ఇదేరా (1998)
- పెళ్ళి సందడి (1996 సినిమా) (1997)
- బావగారూ బాగున్నారా? (1998)
- చూడాలని వుంది (1998)
- మాస్టర్ (సినిమా) (1997)
- లింగబాబు లవ్‌స్టోరీ" (1995)
- జోకర్ (1993)
- తాజ్ మహాల్
పురస్కారాలు[మార్చు]
- ఉత్తమ గీత రచయితగా నంది పురస్కారం
బయటి లింకులు[మార్చు]
ఇవికూడా చూడండి[మార్చు]
మూలాలు[మార్చు]
- ↑ E, Madhukar. "Chandrabose: Reading literature, friends encouragement my forte". thehansindia.com. The Hans India. Retrieved 16 November 2017.
- ↑ ఈనాడు డిసెంబరు 8, ఆదివారం వసుంధర
- ↑ "గేయ రచయిత చంద్రబోస్‌కు మాతృవియోగం". ఈనాడు. 20 May 2019. Archived from the original on 20 May 2019.
