బొమ్మరిల్లు (2006 సినిమా)

తెలుగు సినిమా*వేదిక

బొమ్మరిల్లు (2006 తెలుగు సినిమా)
దర్శకత్వం	భాస్కర్
తారాగణం	సిద్దార్థ్ జెనీలియా నేహా బాంబ్ జయసుధ ప్రకాష్ రాజ్ కోట శ్రీనివాసరావు తనికెళ్ళ భరణి సునీల్ సత్య కృష్ణన్ చిత్రం శ్రీను
సంగీతం	దేవిశ్రీప్రసాద్
కూర్పు	మార్తాండ్ కె. వెంకటేష్
నిర్మాణ సంస్థ	శ్రీ వేంకటేశ్వర ఫిలిమ్స్
భాష	తెలుగు

బొమ్మరిల్లు 2006 సంవత్సరంలో విడుదలైన చలనచిత్రం. భాస్కర్ దర్శకత్వం, దిల్ రాజు నిర్వహణలో చిత్రీకరించిన బొమ్మరిల్లులో సిద్ధార్థ్ నారాయణ్ తో జతగా జెనీలియా ప్రథమ పాత్రల్లో నటించగా ప్రకాష్ రాజ్, జయసుధ లు సిద్ధార్థ్ ధరించిన పాత్రకి తల్లితండ్రులుగా ద్వితీయ పాత్రల్లో నటించారు. ఈ సినిమా బాక్స్-ఆఫీసు సఫాలత్వం వల్లనా తమిళంలో సంతోష్ సుబ్రమణ్యం (2008) గా, బెంగాళీలో భలోబస భలోబస (2008)గా, ఒరియాలో డ్రీంగాళ్ (2009) గా రీ-మేక్ చేయబడింది.

ఈ చలనచిత్రం ముఖ్యంగా తండ్రీ కొడుకుల బంధుత్వం గురించి ప్రస్తావించింది. ఇందులో కొడుకు గురించి అతిగా పట్టించుకునే తండ్రి, తండ్రి వైపు ప్రేమ, కోపం మధ్య నలిగే కొడుకు పడే ఘర్షణ ప్రముఖంగా చూపించడం జరిగింది.

అవార్డులు. ఉత్తమ చిత్రంగా బంగారు నంది పురస్కారం.

ఉత్తమ సహాయ నటుడు, ప్రకాష్ రాజ్

ఉత్తమ నటి స్పెషల్ జ్యూరీ అవార్డు, జెనీలియా

పాత్రలు-పాత్రధారులు

• సిద్ధార్థ్ నారాయణ్ - సిద్దు
• జెనీలియా - హాసిని
• ప్రకాష్ రాజ్ - అరవింద్
• జయసుధ - లక్ష్మి
• కోట శ్రీనివాసరావు - కనకారవు
• సునీల్ - సత్తి, ఓ మంచి పనోడు
• నేహా బాంబ్ - సుబ్బలక్ష్మి
• తనికెళ్ళ భరణి - సుబ్బలక్ష్మి తండ్రి
• ధర్మవరపు సుబ్రహ్మణ్యం - కాలేజీ ప్రొఫెసర్
• బ్రహ్మానందం - బ్యాంక్ మేనేజర్
• సుదీప

బొమ్మరిల్లు చిత్ర కథ

సిద్ధు వాళ్ళ నాన్న తనకు అవసరమైనవన్ని తన ఇష్ట ప్రకారం చేస్తున్నాను అని అనుకొంటున్నాడు. కాని సిద్ధుకి వాళ్ళ నాన్న చేసే విషయాలేమి నచ్చవు. సిద్ధు వాళ్ళ నాన్న తనకి చెప్పకుండా పెళ్ళి సంబంధం తీసుకొస్తాడు. కాని సిద్ధు హాసిని అనే అమ్మాయిని ప్రేమిస్తాడు. ఈ విషయం కొన్ని రోజుల తరువాత సిద్ధు వాళ్ళింట్లో తెలుస్తుంది. సిద్ధు వాళ్ళ నాన్నకి ఈ విషయం నచ్చదు. అప్పుడు సిద్ధు హాసిని వారం రోజులు మన ఇంట్లో ఉంటే తను మనకు అనుగుణంగా అనుకూలంగా ఏలా ఉండాలో తెలుసుకుని ఆ విధంగా తాను మారుతుంది అప్పుడు మీ అందరికి సరేనా అని అంటాడు. వారం రోజుల్లో అది సాధ్యమయ్యే పని కాదు అని వాళ్ళ నాన్న అంటాడు. నేను సాధ్యమని నిరూపిస్తాను అని చెప్పి, ఆ అమ్మాయిని సిద్ధు తన ఇంటికి తీసుకొస్తాడు. సిద్ధు హాసినిని తన ఇంటికి తీసుకొచ్చిన తరువాత సిద్ధు వాళ్ళ నాన్నకి సిద్ధు గురించి కొన్ని నిజాలు తెలుస్తాయి. అప్పుడు సిద్ధు వాళ్ళ నాన్నకి తన మనస్తత్వాన్ని తండ్రి తన దగ్గర చూపించిన తీరును వివరించి చెప్తాడు. ఆ తరువాత సిద్ధు, హాసిని ఒకటవుతారు.

సాంకేతిక వర్గం

• దర్శకుడు: భాస్కర్
• సంగీతం: దేవిశ్రీప్రసాద్
• రచన: భాస్కర్
• సంభాషణలు: అబ్బూరి రవి
• గీత రచయితలు: భాస్కరభట్ల రవికుమార్, చంద్రబోస్, కులశేఖర్, సిరివెన్నెల(చెంబోలు) సీతారామశాస్త్రి, అనంత శ్రీరామ్
• గాయనీ గాయకులు: గోపికా పూర్ణిమా, రంజిత్, జీన్స్ శ్రీనివాస్, దేవిశ్రీప్రసాద్, నవీన్, మురళి,ప్రియ ప్రకాష్, గంధం సాగర్, సిద్ధార్ద్, ఆండ్రియా జెర్మియా, సుమంగళి
• ఛాయా గ్రహణం: విజయ్ కె చక్రవర్తి
• ఎడిటింగ్: మార్తాండ్ కె వెంకటేష్
• నిర్మాత: దిల్ రాజు
• నిర్మాణ సంస్థ: శ్రీ వెంకటేశ్వర ఫిలింస్
• విడుదల:09:08:2006.

పాటలు

సంగీతాన్ని పూర్తిగా సమకూర్చినవారు: దేవి శ్రీ ప్రసాద్.

పాటల జాబితా

సం.	పాట	పాట రచయిత	గాయకులు	పాట నిడివి
1.	"వి హావ్ ఎ రోమియో (We Have a Romeo)"	చంద్రబోస్, ఆండ్రియా జెర్మియా	రంజిత్, ఆండ్రియా జెర్మియా	5:06
2.	"బొమ్మని గీస్తే"	భాస్కరభట్ల	గోపిక పూర్ణిమ, జీన్స్ శ్రీనివాస్	3:54
3.	"కానీ ఇప్పుడు"	భాస్కరభట్ల	దేవి శ్రీ ప్రసాద్	5:12
4.	"లాలూ దర్వాజా"	కులశేఖర్	నవీన్, మురళి, ప్రియ ప్రకాష్	4:50
5.	"నమ్మక తప్పని"	సిరివెన్నెల సీతారామశాస్త్రి	గంధం సాగర్, సుమంగళి	4:30
6.	"అప్పుడో ఇప్పుడో"	అనంత శ్రీరామ్, కులశేఖర్	సిద్ధార్థ్	4:02
7.	"బొమ్మరిల్లు (మ్యూజిక్ బిట్)"			1:25
మొత్తం నిడివి:				28:19