ఛత్రపతి (సినిమా)

తెలుగు సినిమా*వేదిక

ఛత్రపతి (2005 తెలుగు సినిమా)
దర్శకత్వం	ఎస్. ఎస్. రాజమౌళి
నిర్మాణం	బివిఎస్ఎన్ ప్రసాద్
రచన	ఎస్. ఎస్. రాజమౌళి విజయేంద్ర ప్రసాద్, ఎం. రత్నం
తారాగణం	ప్రభాస్, శ్రియా, భానుప్రియ, ప్రదీప్ రావత్, జయప్రకాశ్ రెడ్డి
సంగీతం	ఎం.ఎం.కీరవాణి
ఛాయాగ్రహణం	సెంధిల్ కుమార్
కూర్పు	కోటగిరి వెంకటేశ్వర రావు
నిర్మాణ సంస్థ	శ్రీ వెంక‌టేశ్వ‌ర సినీ చిత్ర ఎల్ఎల్‌పి
భాష	తెలుగు

ఛత్రపతి 30 డిసెంబర్ 2005న రాజమౌళి దర్శకత్వంలో విడుదలైన ఒక విజయవంతమైన సినిమా. ప్రభాస్, శ్రీయ ఇందులో నాయకా నాయికలుగా నటించారు. ఈ సినిమాకు ఉత్తమ సంగీత దర్శకుడిగా కీరవాణికి, ఉత్తమ సహాయనటిగా భానుప్రియకు నంది పురస్కారాలు దక్కాయి. 54 కేంద్రాల్లో 100 రోజులు ఆడింది. అప్పట్లో ఈ చిత్రం 30 కోట్లు వసూలు చేసింది. ఆ సంవత్సరం పెద్ద హిట్ గా నిలిచింది.

తారాగణం

• ప్రభాస్_శివాజీ/ ఛత్రపతి
• శ్రీయ_శివాజీ గర్ల్ ఫ్రెండ్ నీలు
• భానుప్రియ_పార్వతి,శివాజీ మారుతల్లి, అశోక్ తల్లి
• షఫి_అశోక్/ ఆకాష్ ఎస్
• ప్రదీప్ రావత్_రాస్ బిహారి
• అజయ్_ అజయ్, శివాజీ ఫ్రెండ్
• ఎల్బీ శ్రీరాం_సత్తన
• వేణు మాధవ్_ మహేష్ నంద
• అనితా చౌదరి
• సుప్రీత్_ కత్రాజు
• కరాటే కల్యాణి_చేపల ఆమె
• చంద్రశేఖర్ \ ఛత్రపతి శేఖర్
• సూర్య_సయ్యద్ జాఫర్ ఖాన్
• కోట శ్రీనివాసరావు_యం. ఎల్. ఎ. అప్పలనాయుడు
• కోసూరి వేణుగోపాల్
• మనోజ్ నందం_ యువకుడు గా శివాజీ
• తేజ సజ్జా_ యువకుడు గా అశోక్
• నరేంద్ర జా_ బాజీరావు
• కమల్ రాజ్_ శివాజీ ఫ్రెండ్
• జయప్రకాష్ రెడ్డి_ కమిషనర్
• సుబ్బరాయ శర్మ_ కమిషనర్ అసిస్టెంట్
• శ్రీనివాసరెడ్డి_ అప్పలనాయుడు అసిస్టెంట్
• జీవా_బోట్ ఏజెంట్
• స్టంట్ సిల్వ_ సత్తి, బాజీరావు అనుచరుడు
• శేఖర్_ భద్రం
• ఎస్.ఎస్. కాంచీ _ క్లర్క్
• రాఘవ_డాక్టర్ విహారి
• వై.విజయ
• ముమైత్ ఖాన్_ ప్రత్యేక పాట
• ఆర్తి అగర్వాల్_ ప్రత్యేక పాట.

సాంకేతిక వర్గం

సంగీతం : ఎం ఎం కీరవాణి

కథ : విజయేంద్ర ప్రసాద్

మాటలు : ఎం రత్నం

పాటలు : వేటూరి, చంద్రబోస్, శివశక్తి దత్తా

ఆర్ట్ : ఆర్ రవీందర్

ఎడిటింగ్ : కోటగిరి వెంకటేశ్వరరావు

సినిమాటోగ్రఫీ : కె కె సెంథిల్ కుమార్

యాక్షన్ : పీటర్ హైన్స్

స్క్రీన్ ప్లే - దర్శకత్వం : ఎస్ ఎస్ రాజమౌళి

నిర్మాత : బివిఎస్ఎన్ ప్రసాద్

నేపథ్య గాయకులు: యం. యం.కీరవాణి, మాతంగి జగదీష్, మంగారి, సునీత, స్మిత, కళ్యాణ్ మాలిక్, నీరజ్ పండిట్, చిత్ర, టిప్పు, కరాటే కళ్యాణి, జెస్సీగిఫ్ట్, నీరిప్పల్

నిర్మాణ సంస్థ: శ్రీవెంకటేశ్వర సినీచిత్ర ఎల్ ఎల్ పి

విడుదల:30:12:2005 .

నిర్మాణం

ప్రభాస్ ని కొత్తగా చూపించాలన్న తపనతో దర్శకుడు రాజమౌళి ప్రభాస్ నటించిన ముందు సినిమాలను పరిశీలించారు. అడవి రాముడు (2004) సినిమాలో ఒక భావోద్వేగ సన్నివేశంలో ప్రభాస్ చూపించిన అభినయాన్ని చూసి, తల్లీ కొడుకుల సెంటిమెంట్ తో విజయేంద్ర ప్రసాద్ ఒక కథ రాశాడు. తర్వాత దానికి కావలిసినన్ని యాక్షన్ సన్నివేశాలు చేర్చారు. కథా చర్చలు జరుగుతుండగా దర్శకత్వ శాఖలో పనిచేసే ఒక వ్యక్తి ఛత్రపతి అనే టైటిల్ సూచించడం, దాన్ని విజయేంద్రప్రసాద్ అంగీకరించాడు.

కథ

శ్రీలంక నుంచి శరణార్ధిగా వచ్చినవాడు శివాజీ (ప్రభాస్‌). వలస వచ్చే క్రమంలో తల్లి (భానుప్రియ), సవతి తమ్ముడు (షఫి) నుంచి తప్పిపోతాడు. చిన్నప్పుడే జరిగిన సంఘటన శివాజీని నిరంతరం వెంటాడుతుంది. పనికోసం విశాఖపట్నం వచ్చి బాజీరావు అనే స్ధానిక మాఫియా నాయకుడి వద్ద పెరిగి పెద్దవాడవుతాడు. బాజీరావు నిర్బంధంగా పని చేయించికుంటూ తలెత్తిన వారి తల లేకుండా చేస్తుంటాడు. ఒకరోజు ఒక శరణార్ధి తనవారి కోసం వెళుతుంటే అడ్డుపడతాడు. అది చూసి శివాజీ తిరగబడి బాజీరావును, అతని మనుషులను చంపి అక్కడి వారికి స్వాతంత్య్రం కలిగిస్తాడు. ఛత్రపతిగా ఎదుగుతాడు. అయినా శివాజీకి సంతృప్తి కలగదు. తప్పిపోయిన తనవారి కోసం తపన పడుతుంటాడు. తల్లి అడ్రసు కోసం ఆఫీసుల చుట్టూ తిరుగుతుంటాడు. అక్కడ పరిచయమైన ఆఫీసరు నీలవేణి (శ్రీయ) అతనితో ప్రేమలో పడుతుంది.

ఒకరోజు శివాజీకి అనుకోకుండా తమ్ముడు షఫీ కన్పిస్తాడు. షఫి తన అన్నను గుర్తిస్తాడు. శివాజీ తల్లి వద్దకు చేరకుండా షఫీ అడ్డుపడుతుంటాడు. తన తమ్ముడు బాజీరావును చంపిన ఛత్రపతిని సంహరించడానికి రాజ్‌ బిహారీ (ప్రదీప్‌ రావత్‌) రంగంలోకి దిగుతాడు. తాను ఎంతగానో ప్రేమించే తల్లిని ఎలా చేరుకుంటాడన్నది తెర మీద చూడాల్సిందే.

పాటల జాబితా

సంగీతాన్ని పూర్తిగా సమకూర్చినవారు: ఎం. ఎం. కీరవాణి.

పాటల జాబితా

సం.	పాట	పాట రచయిత	గాయకులు	పాట నిడివి
1.	"ఏ వచ్చి బి పై వాలీ"	చంద్రబోస్	ఎం. ఎం. కీరవాణి, మాతంగి జగదీష్	4:44
2.	"అగ్ని స్ఖలన"	శివశక్తి దత్తా	ఎం. ఎం. కీరవాణి, మాతంగి జగదీష్, మంగారి	3:09
3.	"సుమ్మ మసూరియా"	చంద్రబోస్	సునీత, స్మిత, కళ్యాణి మాలిక్, నీరజ్ పండిట్	4:40
4.	"నల్లనివన్నీ"	వేటూరి	కె. ఎస్. చిత్ర	5:30
5.	"మన్నెలా తింటివిరా"	శివశక్తి దత్తా	టిప్పు, స్మిత, కరాటే కల్యాణి	4:58
6.	"గుండుసూది"	చంద్రబోస్	సునీత, ఎం. ఎం. కీరవాణి	4:18
7.	"గల గల గల"	చంద్రబోస్	కె. ఎస్. చిత్ర, జెస్సీ గిఫ్ట్, నీరిప్పల్	4:40
మొత్తం నిడివి:				31:59