అనితా చౌదరి

వికీపీడియా నుండి
Jump to navigation Jump to search
అనితా చౌదరి
అనితా చౌదరి.jpg
జననంఅనితా చౌదరి
కలకత్తా[1]
నివాసంహైదరాబాద్, తెలంగాణ, భారతదేశం
వృత్తివ్యాఖ్యాత

అనితా చౌదరి తెలుగు సినిమా, టివి నటి, వ్యాఖ్యాత. యాంకరింగ్‌, సీరియళ్ళతో అడుగుపెట్టి వెండితెర మీద వైవిధ్యమైన పాత్రలతో గుర్తింపు తెచ్చుకుంది.

జననం - విద్యాభ్యాసం[మార్చు]

అనిత కలకత్తాలో జన్మించింది. చదువంతా హైదరాబాదులోనే కొనసాగింది. ఇంట్లో చెప్పకుండా కూచిపూడి, డాన్స్‌ బ్యాలేలూ, కథక్ నేర్చుకొన్నది. అనిత డ్యాన్స్‌ చూసిన అశోక్‌రావు టెలిఫిల్మ్‌లో అవకాశం ఇచ్చాడు. కానీ, అది ప్రసారం కాలేదు.

టివిరంగం[మార్చు]

ఇంటర్‌ చదువుతున్నప్పుడు ఈటీవీలో యాంకర్ల కోసం ఆడిషన్లు జరుగుతున్నాయంటే తన ఫ్రెండ్స్‌ తనకి తెలియకుండా ఫొటో పంపించగా, ఆడిషన్‌కు వెళ్ళింది. బ్రహ్మానందంతో కలిసి ఓ కార్యక్రమానికి యాంకరింగ్‌ చేయమని కొన్నిరోజుల తరువాత ఈటీవీ నుంచి పిలుపువచ్చింది. ఆ కార్యక్రమం హిట్‌ అయింది. తరవాత నరేష్ తో కలిసి కౌంట్‌డౌన్‌ కార్యక్రమం, పబ్లిక్‌ డిమాండ్‌ లైవ్‌ షో కార్యక్రమాలు చేసింది. అప్పటినుంచి అన్నీ వరుస అవకాశాలు వచ్చాయి. తరువాత మంజులా నాయుడు దర్శకత్వంలో ఈటీవీలో ప్రసారమైన కస్తూరి డైలీ సీరియల్లో నటించడంతో అనితా చౌదరికి గుర్తింపు వచ్చింది. వరసగా ఆ సీరియల్‌కి ఏడు సంవత్సరాల పాటు ఉత్తమ నటి అవార్డుని అందుకొన్నది.

నటించినవి[మార్చు]

  • కస్తూరి
  • ఋతురాగాలు
  • నాన్న

సినిమారంగం[మార్చు]

శ్రీకాంత్‌ హీరోగా దర్శకుడు ఇ.వి.వి.సత్యనారాయణ తాళి సినిమా తీస్తున్న సమయంలో హీరోయిన్‌ పాత్రకోసం అనితకు స్క్రీన్‌ టెస్ట్‌ కూడా చేశారు. షూటింగ్‌ ఆరునెలల పాటు రాజమండ్రిలో ఉంటుందని చెప్పడంతో అనిత ఆ సినిమా చేయలేదు. 1999లో ముప్పలనేని శివ దర్శకత్వంలో దగ్గుబాటి వెంకటేష్ నటించిన రాజా సినిమాలో టివి యాంకర్ పాత్రలో తొలిసారిగా నటించింది. ఆతర్వాత దాదాపు 50 సినిమాల్లో నటించింది.

నటించిన సినిమాలు[మార్చు]

మూలాలు[మార్చు]

  1. "ఎంత వరకూ వచ్చిందీ మీ ప్రేమాయణం?". ఈనాడు.నెట్. ఈనాడు. 9 May 2018. Archived from the original on 10 May 2018. Retrieved 10 May 2018.
  2. The Hindu, Movie Review (13 April 2013). "Jai Sriram: A clichéd story". Y. Sunita Chowdhary. Archived from the original on 16 April 2013. Retrieved 11 July 2019.
  3. "Kerintha: Coming-of-age stories".
  4. India Glitz, Movies. "Tulasidalam Photos". IndiaGlitz.com. Retrieved 13 February 2020.
  5. తుపాకి, రివ్యూ (31 March 2017). "గురు సినిమా రివ్యూ". www.tupaki.com. Retrieved 8 June 2020.

ఇతర లంకెలు[మార్చు]