వనమాలి
| వనమాలి | |
|---|---|
 | |
| జననం | మణిగోపాల్ 19 May, 1968 చిత్తూరు |
| నివాస ప్రాంతం | హైదరాబాదు, తెలంగాణ |
| ఇతర పేర్లు | వనమాలి |
| వృత్తి | సినీ గీత రచయిత పాత్రికేయుడు (పూర్వం) |
| భార్య / భర్త | విష్ణుప్రియ |
| పిల్లలు | వనమాలి (కుమారుడు) వనప్రియ (కుమార్తె) |
| తండ్రి | గోపాలకృష్ణయ్య |
| తల్లి | శాంతకుమారి |
వనమాలి వర్థమాన సినీ గీత రచయిత. ఈయన హ్యాపీ డేస్ చిత్రానికి ఉత్తమ గేయరచయితగా ఫిల్మ్‌ఫేర్ పురస్కారాన్ని కూడా అందుకున్నారు. పూర్వాశ్రమంలో ఈయన ఈనాడు సితార పత్రికలలో పాత్రికేయులుగా పనిచేశారు. మద్రాసు విశ్వవిద్యాలయం నుండి తెలుగులో పిహెచ్.డి. చేశారు.
బాల్యం, విద్యాభ్యాసం
[మార్చు]వనమాలి అసలు పేరు మణిగోపాల్. వీరు జన్మతః తమిళులు. ఆయన ప్రాథమిక విద్యాభ్యాసం అంతా కడప, కదిరి లో సాగింది. పిమ్మట హిందీ భాషా ప్రవీణ కూడా పూర్తి చేశారు. చిత్తూరులో డిగ్రీ పూర్తి చేశాక, బి.ఇడి.తో పాటు లైబ్రరీ సైన్స్ లో డిప్లొమా పొందారు. ఆ తర్వాత తెలుగు భాష మీద ప్రత్యేక అభిమానంతో మద్రాసు విశ్వవిద్యాలయంలో ఎం.ఏ. తెలుగులో గోల్డ్ మెడల్ సాధించారు. ఇదే విశ్వవిద్యాలయంలో తెలుగు సాహిత్యంలో పిహెచ్.డి. కూడా పూర్తి చేశారు.
ఉద్యోగ ప్రస్థానం
[మార్చు]మద్రాసు శాఖ ఈనాడు/సితారల్లో ప్రకటించిన రిపోర్టర్/సబ్-ఎడిటర్ ఉద్యోగ ప్రకటన చూసి దానికి దరఖాస్తు చేయగా 176 మంది అభ్యర్థులలో వీరు ఒక్కరే ఎంపికయ్యారు. తరువాత హ్యాపీ డేస్ చిత్రంలో పాటలు రాశాక ఈనాడులో రిపోర్టర్ ఉద్యోగానికి రాజీనామా చేసి తన అభిరుచి మేరకు రచనా వ్యాసంగాన్ని కొనసాగించారు.
సినీరంగ ప్రవేశం
[మార్చు]ప్రముఖ సంగీత దర్శకులు ఇళయరాజా సంగీతంలో దర్శకులు గీతాకృష్ణ గారి టైమ్ చిత్రానికి గేయాలను రచించడం ద్వారా చలన చిత్ర రంగ ప్రవేశం చేశారు.
ఇంతవరకు పనిచేసిన చిత్రాలు
[మార్చు]- టైమ్ (1999)
- శివపుత్రుడు (2004)
- చందమామ (2006)
- హ్యాపీ డేస్ (2007)
- రంగం (సినిమా) (2011)
- 180 (2011)
- మరోచరిత్ర (2010)
- ప్రస్థానం (2010)
- ఆరెంజ్ (2010)
- గాయం2 (2010)
- రోబో (2010)
- ఆర్య 2
- కలవరమాయే మదిలో
- ఆవకాయ్ బిర్యాని
- నోట్ బుక్
- ఓయ్
- మజిలీ
- డీకే బోస్
- గద్దలకొండ గణేశ్
- సుబ్రమణ్యం ఫర్ సేల్
- కబాలి
- కాలా
- లైఫ్ ఈజ్ బ్యూటిఫుల్
- ఫిదా
- థాంక్యూ
- మిస్టర్ బచ్చన్
- తంగలాన్