ఒరంగుటాన్

ఒరాంగుటాన్
Scientific classification
Kingdom:	ఏనిమేలియా
Phylum:	కార్డేటా
Class:	క్షీరదాలు
Order:	ప్రైమేట్
Family:	హోమినిడే
Subfamily:	Ponginae Elliot, 1912
Genus:	Pongo Lacépède, 1799
Type species
Pongo borneo Lacépède, 1799 (= Simia pygmaeus Linnaeus, 1760)
Species
Pongo pygmaeus Pongo abelii
Orangutan distribution

ఒరాంగుటాన్ ఒక విధమైన క్షీరదము. హోమినిడే వర్గానికి చెందిన రెండు జాతుల కోతులను కలిపి ఒరాంగుటాన్ అని వ్యవహరిస్తుంటారు. వీటి తెలివికి ప్రసిద్ధి చెందిన ఒరాంగుటాన్లు చెట్లపై నివసిస్తాయి. చెట్లపై నివసించే జంతువులలో ఒరాంగుటాన్లే అత్యంత పెద్దవి. ఇతర కోతుల కంటే వీటికి పొడవాటి చేతులు ఉంటాయి. సాధారణంగా వీటి జుట్టు ఇతర పెద్ద కోతుల వలె ముదురు గోధుమ లేదా నలుపు రంగులలో కాకుండా ఎరుపు ఛాయలున్న ముదురు గోధుమ వర్ణంలో ఉంటుంది. ఇండోనేషియా, మలేషియాలకు స్థానికమైన ఒరాంగుటాన్లు, కేవలం బోర్నియో, సుమాత్రా ద్వీపాల్లోని ఉష్ణమండల అడవుల్లోనే కనిపిస్తాయి. వీటి శిలాజాలు మాత్రం జావా, థాయ్-మలయ్ ద్వీపకల్పం, వియత్నాం, చైనాలలో కూడా లభ్యమౌతున్నాయి. పాంజినే ఉపకుటుంబంలో పాంగో జాతిలో కేవలం రెండే సజీవ ప్రజాతులున్నాయి. ఈ ఉపకుటుంబంలో జైజాంటోపిథకస్, శివాపిథకస్ అనే అంతరించిపోయిన జాతులు కూడా ఉన్నాయి.

మానవ ప్రసంగాన్ని అనుకరిస్తున్న అలంబోతు

డానుమ్ లోయలో అడవి అలంబోతు (సబా, మలేషియా, బోర్నియో ద్వీపం)

మూలాలు

వికీమీడియా కామన్స్‌లో

ఒరంగుటాన్

కి సంబంధించిన మీడియా ఉంది.