కంటోన్మెంట్ బోర్డు

కంటోన్మెంట్ బోర్డు అనేది, భారతదేశంలో ఒక పౌర పరిపాలన సంస్థ. ఇది భారత రక్షణ మంత్రిత్వ శాఖ నియంత్రణలో పరిపాలన సాగిస్తుంది.కంటోన్మెంట్స్ చట్టం 2006 ప్రకారం ఇందులో ఎక్స్-అఫిషియో, నియమిత సభ్యులతో పాటు ఎన్నుకోబడిన సభ్యులతో సంఘం ఏర్పడింది.^[1] బోర్డు సభ్యుని పదవీకాలం ఐదు సంవత్సరాలు ఉంటుంది. ^[2] కంటోన్మెంట్ పాలకవర్గంలో ఎనిమిది మంది ఎన్నుకోబడిన సభ్యులు,నియమించిన సైనిక సభ్యులు ముగ్గురు , ఎక్స్-అఫిషియో సభ్యులు ముగ్గురు (స్థావరం అధిపతి, స్థావరం ఇంజనీర్, సీనియర్ ఎగ్జిక్యూటివ్ మెడికల్ ఆఫీసర్), జిల్లా మేజిస్ట్రేట్ ప్రతినిధులుగా ఉంటారు.భారతదేశంలో 64 సైనికనివాస ప్రాంత మండళ్లు ఉన్నాయి.

సైనికనివాస ప్రాంత మండళ్లును నాలుగు వర్గాలుగా విభజించారు, అవి,

వర్గం I - జనాభా యాభై వేలు దాటింది
వర్గం II - జనాభా పదివేలు దాటింది, కానీ యాభై వేలకు మించదు
వర్గం III - జనాభా రెండువేల ఐదువందలు దాటింది, కానీ పదివేలకు మించదు
వర్గం IV - జనాభా రెండు వేల ఐదు వందలకు మించదు.

కంటోన్మెంట్ బోర్డు విధులు

సైనిక శిబిరాలు ఉన్న ప్రాంతంలో ప్రజారోగ్యం, నీటి సరఫరా, పారిశుధ్యం, ప్రాథమిక విద్య, వీధి దీపాలు వంటి తప్పనిసరి విధులను సైనికనివాస ప్రాంత మండలి చూసుకుంటుంది. ^[3] భారత ప్రభుత్వానికి చెందిన వనరులు కాబట్టి, అది వీటిమీద ఎటువంటి పన్నులు విధించదు. వీటికి భారత ప్రభుత్వమే ఆర్థిక సహాయం అందిస్తుంది.