కలిసుందాం రా
| కలిసుందాం రా (2000 తెలుగు సినిమా) | |
 | |
|---|---|
| దర్శకత్వం | ఉదయశంకర్ |
| నిర్మాణం | దగ్గుబాటి సురేష్ బాబు |
| తారాగణం | వెంకటేష్, సిమ్రాన్ |
| సంగీతం | ఎస్. ఎ. రాజ్ కుమార్ |
| నిర్మాణ సంస్థ | సురేష్ ప్రొడక్షన్స్ |
| భాష | తెలుగు |
కలిసుందాం...రా ఉదయశంకర్ దర్శకత్వంలో 2000 లో విడుదలైన కుటుంబ కథాచిత్రం. వెంకటేష్, సిమ్రాన్ జంటగా నటించిన ఈ సినిమా ఘనవిజయం సాధించటమే కాక ఉత్తమ తెలుగు చిత్రం గా భారత జాతీయ చలనచిత్ర పురస్కారాన్ని అందుకొంది, ఇదే చిత్రాన్ని తిరిగి 2002 లో హిందీలో " కుచ్ తుమ్ కహో కుచ్ హామ్ కహెన్ క" గా రీమేక్ తీశారు. వెంకటేష్ కు ఉత్తమ నటుడుగా నంది బహుమతిని అందించింది.
సంక్రాంతి పండుగ (జనవరి 14) రోజున విడుదలైన ఈ చిత్రం పూర్తి స్థాయి కుటుంబ నేపథ్యం ఉన్న సినిమాగా వచ్చి మ్యూజికల్ హిట్ కొట్టింది.[1]
చిత్ర కథ
[మార్చు]హీరో వెంకటేష్ కుటుంబం ముంబాయిలో ఉంటుంది. తన తాతయ్య వీరవెంకట రాఘవయ్య ( కె.విశ్వనాథ్) షష్టిపూర్తి వివాహానికై ఆహ్వానం పంపగా కుటుంబంతో వస్తాడు. అందరినీ ఆటపట్టిస్తూ, సంతోషపరుస్తూ ఉంటాడు. హీరోయిన్ సిమ్రాన్. ఎన్నో చిలిపి తగాదాల తరువాత ఇద్దరూ ప్రేమలో పదతారు. ఊరి ఆనకట్ట విషయంలో చాకచక్యంగా మాట్లాడి అందరి మెప్పు పొందుతాడు. మనవడి వాగ్దాటికి తాత మురిసి తనకు బహుకరించేదుకు గొలుసు తేవడనికి వెళతాడు. ఇంతలో శ్రీ హరి కయ్యానికి కాలు దువ్వుతాడు. ఆగ్రహించిన వెంకటేష్ కూడా గొడవ పడతాడు. అక్కడికి వచ్చిన విశ్వానాథ్ అది చూసి వెంకటేష్ ను కొడతాడు. అవమానంతో సారాయి పగలగొడతాడు. ఇంతలో రాళ్లపల్లి కలుగ చేసుకొని జరిగిన గతమంతా చెబుతాడు. ఆ గతం తెలుసుకున్న వెంకటేష్ శ్రీ హరి కుటుంబాన్ని, విశ్వానాథ్ కుటుంబాన్ని కలపాలనుకుంటాడు. అంతా కలిశాక సిమ్రాన్ ను శ్రీ హరి అక్క కొడుకుకు ఇచ్చి పెళ్ళి చేయాలని పెద్దలు నిర్ణయం తీసుకుంటారు. దాంతో ఒకప్పుడు తన తండ్రి ప్రేమ వలన విడిపోయిన కుటుంబం, మళ్ళీ తన ప్రేమ వలన విడిపోకుడదనుకుంటాడు. అందువలన తన ప్రేమను త్యాగం చేయాలనుకుంటాడు. ఆఖరికి కథ సుఖాంతమోతుంది.
తారాగణం
[మార్చు]- రఘు గా వెంకటేష్
- అలివేలు మంగ తాయారు గా సిమ్రాన్
- వీరవెంకటరాఘవయ్య గా కె. విశ్వనాథ్
- సి.ఆర్.విజయకుమారి
- రంగనాథ్
- శ్రీహరి
- రాళ్ళపల్లి
- బ్రహ్మానందం
- రమాప్రభ
- కల్పనా రాయ్
- అచ్యుత్
- వెన్నెరాడై నిర్మల
- రాజా రవీంద్ర
- శ్రీమతి వినయ ప్రసాద్
- వినోద్
- సుధ
- మల్లిక
- సన
- మాస్టర్ తేజ
సాంకేతిక వర్గం
[మార్చు]- స్క్రీన్ ప్లే, దర్శకత్వం: ఉదయశంకర్
- సంగీతం: ఎస్.ఎ.రాజ్ కుమార్
- కధ: దీనరాజ్_ ఉదయశంకర్
- మాటలు: పరుచూరి బ్రదర్స్
- గీత రచయితలు: వేటూరి సుందరరామమూర్తి, సిరివెన్నెల సీతారామశాస్త్రి, చంద్రబోస్
- నేపథ్య గాయకులు: స్వర్ణలత, శ్రీపతి పండితారాధ్యుల బాలసుబ్రహ్మణ్యం, హరిహరన్, సుజాత , కె.ఎస్.చిత్ర, ఉదిత్ నారాయణ్, అనురాధ శ్రీరామ్, ఉన్నికృష్ణన్, రాజేష్, శంకర్ మహదేవన్
- ఛాయ గ్రహణం: కె.రవీంద్రబాబు
- ఎడిటింగ్: మార్తాండ్ కె వెంకటేష్ _ఎ.మాధవ్
- నిర్మాత: దగ్గుబాటి సురేష్ బాబు
- సమర్పణ:: దగ్గుబాటి రామానాయుడు
- నిర్మాణ సంస్థ: సురేష్ ప్రొడక్షన్స్
- విడుదల:14:01:2000.
పాటలు
[మార్చు]- నువ్వే నువ్వే అంటూ నా ప్రాణం, హరి హరన్, సుజాత, రచన: సిరివెన్నెల సీతారామశాస్త్రి.
- మనసు మనసు కలిసిపోయే, ఎస్ పి బాలసుబ్రహ్మణ్యం, చిత్ర, రచన: వేటూరి సుందర రామమూర్తి.
- పసిఫిక్ లో, ఉదిత్ నారాయణ్, అనురాధ శ్రీరామ్, రచన: చంద్రబోస్.
- ప్రేమా ప్రేమా, ఉన్ని కృష్ణన్, రచన: సిరివెన్నెల సీతారామశాస్త్రి.
- నచ్చావే పాల పిట్ట, ఎస్ పి బాలసుబ్రహ్మణ్యం, స్వర్ణలత, రచన: చంద్రబోస్.
- కలిసుంటే కలదు సుఖం, రాజేష్, రచన: వేటూరి సుందర రామమూర్తి.
- బూమ్ బూమ్, శంకర మహదేవన్, రచన: చంద్రబోస్.
మూలాలు
[మార్చు]- ↑ "రెండు దశాబ్దాల 'కలిసుందాం...రా' |". web.archive.org. -10-01. Archived from the original on 2023-10-01. Retrieved 2023-10-01.
{{cite web}}: Check date values in:|date=(help)CS1 maint: bot: original URL status unknown (link)