కళింగ ఉత్కళ్ ఎక్స్‌ప్రెస్ రైలు ప్రమాదం
| 2017 Muzaffarnagar train derailment | |
|---|---|
| వివరాలు | |
| తేదీ | 19 ఆగష్టు 2017 షుమారు 5:45 పి.ఎం. (IST) |
| స్థానం | ఖటౌలీ, ముజఫర్‌నగర్ జిల్లా, ఉత్తర ప్రదేశ్ |
| భౌగోళికాంశాలు | 29°16′34″N 77°43′52″E / 29.276°N 77.731°E |
| దేశం | భారత దేశము |
| ప్రమాద రకం | పట్టాలు తప్పింది |
| గణాంకాలు | |
| రైళ్ళు | 1 |
| మరణాలు | 23 |
| గాయపడినవారు | 156 |
.jpg)
2017 ఆగష్టు 19 న, ఉత్తర ప్రదేశ్ లోని ముజఫర్‌నగర్ జిల్లా లోని ఖటౌలీకి సమీపంలో కళింగ ఉత్కళ్ ఎక్స్‌ప్రెస్ రైలు పట్టాలు తప్పింది.[1] ఈ ప్రమాదంలో 23 మంది మృతి చెందారు. 156 మంది గాయపడ్డారు.[2] భారతదేశంలో రైలు ప్రమాదాలు సాధారణంగా జరుగుతూ ఉంటాయి. 2017 సం.లో జరిగిన ప్రయాణీకుల రైలు పట్టాలు తప్పటం వంటి పెద్ద రైలు ప్రమాదాలలో ఇది నాలుగవది. ఉత్తర ప్రదేశ్ లో మూడోది.[3]
ప్రమాదం
[మార్చు]2017 ఆగష్టు 19 న, సుమారు 5:45 సా.కు ఉత్తర ప్రదేశ్, ముజఫర్‌నగర్ జిల్లా లోని ఖటౌలీకి సమీపంలో 23 బోగీలతో నడుస్తున్న కళింగ ఉత్కళ్ ఎక్స్‌ప్రెస్ రైలు యొక్క 14 బోగీలు ప్రయాణంలో పట్టాలు తప్పాయి. ఈ రైలు ఒరిస్సాలోని పూరి నుంచి ఉత్తరాఖండ్ లోని హరిద్వార్ నకు వెళ్ళుతుంది.[4][5][6] ఉత్తర ప్రదేశ్ పోలీసుల సమాచారం ప్రకారం ఈ ప్రమాదంలో ఇరవై మూడు మంది ప్రయాణీకులు చనిపోయారు.[7] ఉత్తర ప్రదేశ్ పారిశ్రామిక అభివృద్ధి మంత్రి సతీష్ మహాన మాట్లాడుతూ, గాయపడిన 74 మంది ప్రయాణీకులను వివిధ ఆసుపత్రులలో చేర్చారని తెలియజేసారు.[8]
పర్యవసానాలు
[మార్చు]మీడియా ఫుటేజ్ బట్టి కోచ్‌లు ఒకదానిపై ఒకటి ఎక్కినట్లుగా కనిపించాయి. ఒక బోగీ అయితే రైలు మార్గం (ట్రాక్) పక్కన ఉన్న ఇంట్లోకి చొచ్చుకు పోయింది.[4] నేషనల్ డిజాస్టర్ రెస్పాన్స్ ఫోర్స్ సిబ్బందిని రెస్క్యూ ఆపరేషన్లో పనిచేయడానికి ప్రమాద స్థలానికి వెంటనే తరలించారు.[9] రెస్క్యూ సిబ్బంది దెబ్బతిన్న బోగీల లోపల చేరడానికి మెటల్ కట్టర్లు, క్రేన్లు ఉపయోగించారు.[10] రైల్వే మంత్రిత్వ శాఖ ప్రకారం, ఈ ప్రమాదం తరువాత మూడు రైళ్ళును రద్దు చేసారు. ఆరు రైళ్ళను దారి మళ్లించారు. 14521/14522 అంబాలా-ఢిల్లీ-అంబాలా ఇంటర్ సిటీ ఎక్స్‌ప్రెస్, 18478 హరిద్వార్-పూరి ఉత్కళ్ కళింగ ఎక్స్‌ప్రెస్, 14682 జలంధర్-న్యూఢిల్లీ ఇంటర్ సిటీ ఎక్స్‌ప్రెస్ లను రద్దు చేశారు. ఈలోపులోనే, రైల్వేలు కొన్ని హెల్ప్‌లైన్ నంబర్లను జారీ చేసింది.[11]
బాధ్యత
[మార్చు]రైల్వే మంత్రి సురేష్ ప్రభు జీవితాలను పోగొట్టుకున్నవారికి, ప్రతి ఒక్కరికి రూ.3.5 లక్షల రూపాయల గరిష్ఠ పరిమితితో పరిహారాన్ని ప్రకటించారు. తీవ్రంగా గాయపడిన ప్రయాణీకులకు ప్రతి ఒక్కరికి రూ.50,000, చిన్నపాటి గాయాలు అయిన ప్రయాణీకులకు రూ.25,000 పరిహారాన్ని ప్రకటించాడు.[9] ప్రధానమంత్రి నరేంద్ర మోడీ ఈ ప్రమాదం పట్ల అనేక ట్వీట్ల ద్వారా విచారం వ్యక్తం చేశారు. అతను ఇలా అన్నాడు, "నా ఆలోచనలు మరణించినవారి కుటుంబాలతో ఉన్నాయి. గాయపడినవారు వేగవంతంగా కోలుకోవాలని కోరుకుంటున్నాను. రైల్వే మంత్రిత్వశాఖ ఈ పరిస్థితిని చాలా జాగ్రత్తగా పరిశీలిస్తోంది. రైల్వే మంత్రిత్వశాఖ, యుపి ప్రభుత్వం రైలు ప్రమాదం బారిన పడిన వారిని అన్నివిధాల ఆదుకుంటున్నారని, అవసరమైన అన్ని సహాయాలను అందిస్తున్నామని చెప్పారు.[12]
"ఉత్తరప్రదేశ్‌లో రైలు ప్రమాద ఘటనలో మరణించినవారు, వారి కుటుంబాల గురించి నా ఆలోచనలు ఉన్నాయి. గాయపడిన వారు రక్షించబడతారు, వారికి ఉపశమనం కలిగిస్తాం" అని రాష్ట్రపతి రామ్ నాథ్ కోవింద్ చెప్పారు." [12]
ఇవికూడా చూడండి
[మార్చు]- భారతీయ రైల్వేలు రైళ్లు ప్రమాదాలు జాబితా
- భారతీయ రైల్వేలు
- కునేరు రైలు ప్రమాదం
- పుఖైరాన్ రైలు ప్రమాదం
- అరౌర్య రైలు ప్రమాదం
- హార్డా జంట రైలు ప్రమాదాలు
- డెహ్రాడూన్ - వారణాసి జనతా ఎక్స్‌ప్రెస్ రైలు ప్రమాదం
బయటి లింకులు
[మార్చు]- 1990 - ప్రధాన భారతీయ రైలు ప్రమాదాలు క్రోనాలజీ - టైమ్స్ ఆఫ్ ఇండియా
- "Major Railway Accidents in India, 2000-09" by Ajai Banerji, ISBN 978-1-257-84773-0 and ISBN 978-81-921876-0-0
మూలాలు
[మార్చు]- ↑ "Train derails in Uttar Pradesh, more than 20 killed". Al Jazeera. 20 August 2017. Retrieved 20 August 2017.
- ↑ "Desperate search to find survivors as train crash in India kills 23 and injures 156". The Telegraph. 20 August 2017. Retrieved 22 August 2017.
- ↑ "At least 20 dead after Indian train derails in Uttar Pradesh". The Guardian. Reuters. 19 August 2017. Retrieved 20 August 2017.
- ↑ 4.0 4.1 Dilshad, Mohammed (20 August 2017). "At Least 23 Killed, 72 Injured As Utkal Express Derails In UP's Muzaffarnagar". NDTV. Retrieved 19 August 2017.
- ↑ "Train derails in Uttar Pradesh, at least 14 killed: local official". Reuters. 19 August 2017. Archived from the original on 19 ఆగస్టు 2017. Retrieved 19 August 2017.
- ↑ "23 dead as train derails in northern India". Anadolu Agency. 19 August 2017. Retrieved 20 August 2017.
- ↑ "Train derails in UP's Muzaffarnagar". Times of India. 20 August 2017. Retrieved 20 August 2017.
- ↑ Bharadwaj, Vashistha (20 August 2017). "Utkal Express derails in Muzaffarnagar Highlights: Death toll rises to 23, railway tracks found broken, Cong targets PM Modi over accident". Hindustan Times. Retrieved 20 August 2017.
- ↑ 9.0 9.1 "14 coaches of Kalinga Utkal Express derail in Muzaffarnagar; 23 dead, scores injured". The Economic Times. Indo-Asian News Service. 19 August 2017. Archived from the original on 21 ఆగస్టు 2017. Retrieved 19 August 2017.
- ↑ "Train derails in northern India killing at least 23". The Telegraph. Agence France-Presse. 19 August 2017. Retrieved 20 August 2017.
- ↑ "Utkal Express derailment: 3 trains cancelled, 6 diverted". Indian Express. Press Trust of India. 20 August 2017. Retrieved 19 August 2017.
- ↑ 12.0 12.1 "Muzaffarnagar train accident: At least 23 killed as 14 coaches of Utkal Express derail". Indian Express. 19 August 2017. Retrieved 20 August 2017.