కుంచనపల్లి

వికీపీడియా నుండి
Jump to navigation Jump to search
కుంచనపల్లి
—  రెవిన్యూ గ్రామం  —
కుంచనపల్లి is located in Andhra Pradesh
కుంచనపల్లి
కుంచనపల్లి
అక్షాంశ రేఖాంశాలు: Coordinates: 16°27′50″N 80°37′03″E / 16.463892°N 80.617428°E / 16.463892; 80.617428
రాష్ట్రం ఆంధ్రప్రదేశ్
జిల్లా గుంటూరు
మండలం తాడేపల్లి
ప్రభుత్వము
 - సర్పంచి శ్రీ బడుగు శ్రీనివాసరావు
జనాభా (2011)
 - మొత్తం 5,673
 - పురుషుల సంఖ్య 2,951
 - స్త్రీల సంఖ్య 2,722
 - గృహాల సంఖ్య 1,476
పిన్ కోడ్ 522501
ఎస్.టి.డి కోడ్ 08645

కుంచనపల్లి (ఆంగ్లం: Kunchanapalli), గుంటూరు జిల్లా, తాడేపల్లి మండలం లోని గ్రామం. ఇది మండల కేంద్రమైన తాడేపల్లి నుండి 6 కి. మీ. దూరం లోను, సమీప పట్టణమైన మంగళగిరి నుండి 5 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 1476 ఇళ్లతో, 5673 జనాభాతో 319 హెక్టార్లలో విస్తరించి ఉంది. గ్రామంలో మగవారి సంఖ్య 2951, ఆడవారి సంఖ్య 2722. షెడ్యూల్డ్ కులాల సంఖ్య 1411 కాగా షెడ్యూల్డ్ తెగల సంఖ్య 37. గ్రామం యొక్క జనగణన లొకేషన్ కోడ్ 589976[1].పిన్ కోడ్: 522501, ఎస్.టి.డి.కోడ్ = 08645.

గ్రామ చరిత్ర[మార్చు]

సీఆర్‌డీఏ పరిధిలోకి వస్తున్న మండలాలు, గ్రామాలను ప్రభుత్వం విడిగా గుర్తిస్తూ ఉత్తర్వులు జారీచేసింది. ప్రస్తుతం గుర్తించిన వాటిలోని చాలా గ్రామాలు వీజీటీఎం పరిధిలో ఉన్నాయి. గతంలో వీజీటీఎం పరిధిలో ఉన్న వాటితోపాటుగా ఇప్పుడు మరిన్ని కొన్ని గ్రామాలు చేరాయి. సీఆర్‌డీఏ పరిధిలోకి వచ్చే గుంటూరు, కృష్ణా జిల్లాల్లోని మండలాలు, గ్రామాలను గుర్తిస్తూ పురపాలక శాఖ ముఖ్య కార్యదర్శి ఉత్తర్వులు జారీ చేశారు.[2]

గుంటూరు జిల్లా పరిధిలోని మండలాలు[మార్చు]

తాడేపల్లి, మంగళగిరి, తుళ్లూరు, దుగ్గిరాల, తెనాలి, తాడికొండ, గుంటూరు మండలం, చేబ్రోలు, మేడికొండూరు, పెదకాకాని, వట్టిచెరుకూరు, అమరావతి, కొల్లిపర, వేమూరు, కొల్లూరు, అమృతలూరు, చుండూరు మండలాలతో పాటు ఆయా మండలాల పట్టణ ప్రాంతం కూడా సీఆర్‌డీఏ పరిధిలోకి వస్తుంది.

గ్రామ భౌగోళికం[మార్చు]

సమీప గ్రామాలు[మార్చు]

వడ్డేశ్వరం 2 కి.మీ, గుండిమెడ 2 కి.మీ, ఇప్పటం 3 కి.మీ, ప్రాతూరు 1.5 కి.మీ, చిర్రావూరు 10 కి.మీ.

సమీప మండలాలు[మార్చు]

పశ్చిమాన మంగళగిరి మండలం, తూర్పున విజయవాడ మండలం, ఉత్తరాన విజయవాడ రూరల్ మండలం, తూర్పున పెనమలూరు మండలం.

విద్యా సౌకర్యాలు[మార్చు]

గ్రామంలో ప్రభుత్వ ప్రాథమిక పాఠశాలలు రెండు, ప్రైవేటు ప్రాథమిక పాఠశాల ఒకటి, ప్రభుత్వ ప్రాథమికోన్నత పాఠశాల ఒకటి, ప్రైవేటు ప్రాథమికోన్నత పాఠశాల ఒకటి, ప్రైవేటు మాధ్యమిక పాఠశాల ఒకటి ఉన్నాయి. సమీప బాలబడి తాడేపల్లిలో ఉంది. సమీప జూనియర్ కళాశాల, ప్రభుత్వ ఆర్ట్స్, సైన్స్, డిగ్రీ కళాశాల మంగళగిరిలోను, ఇంజనీరింగ్ కళాశాల వడ్డేశ్వరంలోనూ ఉన్నాయి. సమీప వైద్య కళాశాల మంగళగిరిలోను, పాలీటెక్నిక్‌ విజయవాడలోను, మేనేజిమెంటు కళాశాల విజయవాడలోను ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం మంగళగిరిలోను, దివ్యాంగుల ప్రత్యేక పాఠశాల గుంటూరు లోనూ ఉన్నాయి.

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

కుంచనపల్లిలో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు. ప్రాథమిక ఆరోగ్య కేంద్రం గ్రామం నుండి 3 కి.మీ. లోపు దూరంలో ఉంది. పశు వైద్యశాల, సంచార వైద్య శాల గ్రామం నుండి 3 కి.మీ. లోపు దూరంలో ఉన్నాయి. సమీప సామాజిక ఆరోగ్య కేంద్రం గ్రామం నుండి 5 కి.మీ. దూరంలో ఉంది. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, కుటుంబ సంక్షేమ కేంద్రం గ్రామం నుండి 5 కి.మీ. దూరంలో ఉన్నాయి. మాతా శిశు సంరక్షణ కేంద్రం, టి. బి వైద్యశాల గ్రామం నుండి 5 కి.మీ.దూరంలో ఉన్నాయి.

ప్రైవేటు వైద్య సౌకర్యం[మార్చు]

గ్రామంలో 5 ప్రైవేటు వైద్య సౌకర్యాలున్నాయి.

తాగు నీరు[మార్చు]

తాగునీటి కోసం చేతిపంపులు, బోరుబావులు, కాలువలు, చెరువులు వంటి సౌకర్యాలు ఉన్నాయి.

పారిశుధ్యం[మార్చు]

గ్రామంలో మురుగునీటి పారుదల వ్యవస్థ ఉంది. మురుగునీటిని నేరుగా జలవనరుల్లోకి వదులుతున్నారు.గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం ఉంది. ఇంటింటికీ తిరిగి వ్యర్థాలను సేకరించే వ్యవస్థ ఉంది. సామాజిక బయోగ్యాస్ ఉత్పాదక వ్యవస్థ లేదు.

సమాచార, రవాణా సౌకర్యాలు[మార్చు]

కుంచనపల్లిలో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామానికి 1 కి.మీ. దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 1 కి.మీ. దూరంలో ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం, రైల్వే స్టేషన్ మొదలైన సౌకర్యాలు గ్రామానికి 5 నుండి 10 కి.మీ. దూరంలో ఉన్నాయి. రాష్ట్ర రహదారి, ప్రధాన జిల్లా రహదారి, జిల్లా రహదారి గ్రామం నుండి 5 కి.మీ. దూరంలోపు ఉన్నాయి. జాతీయ రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు[మార్చు]

గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. వాణిజ్య బ్యాంకు, వ్యవసాయ పరపతి సంఘం గ్రామం నుండి 5 కి.మీ. లోపు దూరంలో ఉన్నాయి. ఏటీఎమ్, సహకార బ్యాంకు గ్రామంలో ఉన్నాయి. రోజువారీ మార్కెట్, వారం వారం సంత, వ్యవసాయ మార్కెటింగ్ సొసైటీ గ్రామం నుండి 1 కి.మీ. దూరంలో ఉన్నాయి.

ఆరోగ్యం, పోషణ, వినోద సౌకర్యాలు[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో పబ్లిక్ రీడింగ్ రూం ఉంది. గ్రామంలో వార్తాపత్రిక పంపిణీ జరుగుతుంది.అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 1 కి.మీ. దూరంలో ఉంది. సినిమా హాలు, గ్రంథాలయం గ్రామం నుండి 1 నుండి 5 కి.మీ. దూరంలో ఉన్నాయి.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 19 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

కుంచనపల్లిలో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 72 హెక్టార్లు
  • సాగులో లేని భూముల్లో బీడు భూములు కానివి: 31 హెక్టార్లు
  • నికరంగా విత్తిన భూమి: 215 హెక్టార్లు
  • నీటి సౌకర్యం లేని భూమి: 53 హెక్టార్లు
  • వివిధ వనరుల నుండి నీటి పారుదల లభిస్తున్న భూమి: 193 హెక్టార్లు

నీటిపారుదల సౌకర్యాలు[మార్చు]

కుంచనపల్లిలో వ్యవసాయానికి నీటి సరఫరా కింది వనరుల ద్వారా జరుగుతోంది

  • బావులు/బోరు బావులు: 185 హెక్టార్లు

ఉత్పత్తి[మార్చు]

కుంచనపల్లిలో ఈ కింది వస్తువులు ఉత్పత్తి అవుతున్నాయి.

ప్రధాన పంటలు[మార్చు]

అరటి, పసుపు, కూరగాయలు

గ్రామ పంచాయతీ[మార్చు]

ఈ గ్రామానికి చెందిన శ్రీ అమ్మిశెట్టి సాంబయ్య గారు, సొంత లాభం కొంత మానుకొని పొరుగువాడికి తోడ్పడవోయ్ అను నానుడి అక్షరాలా పాటించారు. ఈయన 1988 నుండి 2001 వరకూ ఈ గ్రామ సర్పంచిగా పనిచేసి, తన సొంత ధనాన్ని సైతం గ్రామాభివృద్ధికే వెచ్చించారు. అప్పట్లో గ్రామ ఆదాయం ఆరువేల రూపాయలే. రహదారి నిర్మాణానికి పంచాయతీ నిధులు ఏ మూలకూ సరిపోకపోవడంతో తన రెండు ఎకరాల పొలం అమ్మి నిర్మించారు. గ్రామ పంచాయతీ భవనం, పాఠశాల భవన నిర్మాణాలకూ నిధులను జిల్లా పరిషత్తు నుండి సాధించారు. ఈయన హయాంలో అంతర్గత రహదారుల నిర్మాణానికి శ్రమదానాన్ని ప్రధాన ఆయుధంగా ఉపయోగించారు.

2.శ్రీ బిరుడుగడ్డ విజయేంద్రరావు గారు 2006 సంవత్సరం సర్పంచ్గా ఎన్నికై గ్రామాన్ని నిర్మల్ పురస్కార గ్రామంగ తీర్చిదిద్దారు వీరు రాష్ట్రపతి చేతుల మీదుగా నిర్మల్ గ్రామ పురస్కారాన్ని అందుకున్నారు

3.2013 జూలైలో ఈ గ్రామ పంచాయతీకి జరిగిన ఎన్నికలలో శ్రీ బడుగు శ్రీనివాసరావు, సర్పంచిగా ఎన్నికైనారు. [4]

గ్రామంలోని దర్శనీయ ప్రదేశములు/దేవాలయాలు[మార్చు]

గ్రామం లోని ప్రసిద్ధి చెందిన ఆంధ్ర ఇవాంజిలికల్ లూథరన్ దేవాలయాన్ని 1936 సంవత్సరం నిర్మించారు 2006వ సంవత్సరంలో పునర్నిర్మించారు, ప్రతి సంవత్సరం డిసెంబరు 25న జరిగే క్రిస్మస్ ప్రార్థనలకు కులమతాలకు అతీతంగా అందరు పాల్గొంటారు.

గ్రామంలో ప్రధాన పంటలు[మార్చు]

ఆకుకూరలకు ఈ గ్రామం పేరుగాంచింది.

గ్రామంలోని ప్రధాన వృత్తులు[మార్చు]

ఈ గ్రామంలో వ్యవసాయం మీద ఆధారపడిన వారే ఎక్కువ.

గ్రామ విశేషాలు[మార్చు]

ఒకప్పుడు సమస్యాత్మక గ్రామం, నేడు సామరస్య పూరితం. ఈ గ్రామంలో నీటి సమస్య అనేది లేకపోవడం ఒక విశేషం, గ్రామం 365 రోజులు పచ్చగా ఎంతో ఆహ్లాదంగా వుంటుంది. గ్రామంలో అధికంగా ప్రజలు ఉదయాన్నే లేచి తమ వ్యాపారాల నిమిత్తమై విజయవాడ నరరానికి వెళ్తారు.

జాతీయ విపత్తు దళం (National Disaster Response Force, NDRF), ఆంధ్రప్రదేశ్ రాష్ట్ర ప్రధాన కార్యాలయం, ఈ గ్రామంలోనే ఉంది. ప్రకృతి వైపరీత్యాలు సంభవించినప్పుడు వీరు ప్రజలను కాపాడుతారు.

గణాంకాలు[మార్చు]

  • 2011 వ.సంవత్సరం జనాభా లెక్కల ప్రకారం:-
  • జనాభా =5665.
  • ఓటర్లు, పురుషుల సంఖ్య =1857
  • ఓటర్లు, మహిళలు =1834
  • వార్డులు =14.
  • నివాసగృహాలు =1485.
  • విస్తీర్ణం (హెక్టారులు) =319.
  • ప్రాంతీయ భాష = తెలుగు
  • 2001 వ.సంవత్సరం జనాభా లెక్కల ప్రకారం:-
  • జనాభా మొత్తం = 1, 947
  • పురుషుల సంఖ్య = 985
  • మహిళలు = 962
  • నివాసగృహాలు = 1, 197

మూలాలు[మార్చు]

  1. "Office of the Registrar General & Census Commissioner, India - Village amenities of 2011".
  2. "ఆర్కైవ్ నకలు". Archived from the original on 2016-08-18. Retrieved 2016-08-18.