కోవ లక్ష్మీ
| కోవ లక్ష్మి | |||
కుమ్రం భీం ఆసిఫాబాద్ జిల్లా జడ్పీ చైర్‌పర్సన్
| |||
| అధికారంలో ఉన్న వ్యక్తి | |||
| అధికార ప్రారంభం 2019-ప్రస్తుతం | |||
| నియోజకవర్గం | ఆసిఫాబాదు శాసనసభ నియోజకవర్గం మాజీ ఎమ్మెల్యే | ||
|---|---|---|---|
వ్యక్తిగత వివరాలు
|
|||
| జననం | 1973, ఫిబ్రవరి 5 ఆదిలాబాద్, తెలంగాణ రాష్ట్రం, భారత దేశం | ||
| రాజకీయ పార్టీ | భారత్ రాష్ట్ర సమితి | ||
| జీవిత భాగస్వామి | సోనేరావు | ||
| సంతానం | కోవ సాయినాథ్ , అరుణ, మాన్విత | ||
| నివాసం | ఆసిఫాబాద్ | ||
కోవ లక్ష్మీ తెలంగాణ రాష్ట్రానికి చెందిన రాజకీయ నాయకురాలు. ఈమె సర్పంచ్, ఎంపీపీ, ఎంపీటీసీగా కూడా పని చేసింది. 2014లో ఆసిఫాబాదు శాసనసభ నియోజకవర్గం నుంచి శాసనసభ్యురాలిగా గెలిచింది. 2019లో కొమురంభీం ఆసిఫాబాద్ జిల్లా జడ్పీ చైర్‌పర్సన్ గా ఎన్నికైంది. కోవ లక్ష్మీ వారసత్వ రాజకీయలోంచే పొలిటికల్ ఎంట్రీ ఇచ్చింది. ఆమె తండ్రి కొట్నాక్ భీంరావు సీనియర్ కాంగ్రెస్ నాయకుడు. అతను నాలుగుసార్లు ఎమ్మెల్యేగా, రెండుసార్లు ఆంధ్రప్రదేశ్ మంత్రిగా పని చేశాడు.[1][2]
జననం[మార్చు]
కోవ లక్ష్మీ కొమురంభీం జిల్లా వాంకిడి మండలం, బంబర గ్రామంలో 1973, ఫిబ్రవరి 5 న జన్మించింది. ఈమె పదవ తరగతి వరకు ఆసిఫాబాద్ లో చదువుకుంది.[3]
రాజకీయ ప్రస్థానం[మార్చు]
కోవ లక్ష్మి 1995లో తెలుగుదేశం పార్టీ ద్వారా రాజకీయాల్లోకి ప్రవేశించింది. 1995లో తిర్యాణి మండలం, పంగిడీమాదొర ఎంపీటీసిగా, 2001లో ఎంపీపీగా గెలిచింది. 2006లో తెలుగు దేశం పార్టీ నుండి ఆసిఫాబాదు సర్పంచ్ గా గెలిచింది. 2010 తెలంగాణ ఉద్యమ సమయంలో తెలుగుదేశం పార్టీకి రాజీనామా చేసి తెలంగాణ రాష్ట్ర సమితిలో చేరింది. 2013లో టిఆర్ఎస్ పార్టీ నుండి పోటీ చేసి ఆసిఫాబాదు సర్పంచ్ గా గెలిచింది. కోవ లక్ష్మీ 2014లో జరిగిన తెలంగాణ అసెంబ్లీ ఎన్నికలు తెలంగాణ రాష్ట్ర సమితి పార్టీ నుండి పోటీ చేసి కాంగ్రెస్ అభ్యర్థి ఆత్రం సక్కు పై 19055 ఓట్ల మెజారిటీతో గెలిచి, శాసన సభ్యురాలు అయింది.. 2018లో జరిగిన తెలంగాణ ముందస్తు ఎన్నికలు ఆమె కాంగ్రెస్ అభ్యర్థి ఆత్రం సక్కు చేతిలో 171 స్వల్ప ఓట్ల తేడాతో ఓడిపోయింది. 2019లో జరిగిన జిల్లా పరిషత్ ఎన్నికల్లో జైనూర్ జెడ్పీటీసీ స్థానం నుండి ఏకగ్రీవంగా ఎన్నికై, కుమ్రం భీం ఆసిఫాబాద్ జిల్లా జడ్పీ చైర్‌పర్సన్ గా ఎన్నికైంది.[4]
మూలాలు[మార్చు]
- ↑ డెక్కన్ క్రానికల్, Srinivas pillalamarri (20 April 2014). "Andhra Assembly polls: Two sisters to fight for MLA seat". Deccan Chronicle. Archived from the original on 13 September 2019. Retrieved 13 September 2019.
- ↑ News18 Telugu (19 November 2018). "నారిభేరి: ఆసిఫాబాద్‌లో కోవా లక్ష్మీ ఎన్నికల కథేంటి ?". News18 Telugu. Archived from the original on 13 September 2019. Retrieved 13 September 2019.
- ↑ Sakshi (14 July 2019). "భర్త సహకారం మరువలేనిది". Archived from the original on 31 జూలై 2021. Retrieved 31 July 2021.
- ↑ Namasthe Telangana (27 April 2021). "విజయానికి చిహ్నం గులాబీ జెండా". Namasthe Telangana. Archived from the original on 4 June 2021. Retrieved 4 June 2021.