ఆసిఫాబాద్ (సిటీ)

వికీపీడియా నుండి
(ఆసిఫాబాద్ నుండి దారిమార్పు చెందింది)
Jump to navigation Jump to search

ఆసిఫాబాద్,తెలంగాణ రాష్ట్రం, కొమరంభీం జిల్లా, ఆసిఫాబాద్ మండలంలోని పట్టణం, గ్రామం.[1]

ఇది కొమరంభీం జిల్లాకు పరిపాలనా కేంధ్రం. ఇది రెవిన్యూ డివిజన్, శాసనసభ నియోజకవర్గ కేంద్రం.

గణాంక వివరాలు[మార్చు]

2011 భారత జనగణన గణాంకాల ప్రకారం ఈ పట్టణం 4954 ఇళ్లతో, మొత్తం 23059 జనాభాతో 16.7 హెక్టార్లలో విస్తరించి ఉంది. గ్రామంలో మగవారి సంఖ్య 11547, ఆడవారి సంఖ్య 11512. షెడ్యూల్డ్ కులాల సంఖ్య 3583.కాగా షెడ్యూల్డ్ తెగల సంఖ్య 1947.మొత్తం అక్షరాస్యులు 15924.అందులో పురుష అక్షరాస్యులు 8702,స్త్రీల అక్షరాస్యులు 7222.[2] .

సమీప పట్టణాలు[మార్చు]

సమీపంలో, కాగజ్‌నగర్‌  బెల్లంపల్లి,  మందమరి, రాజూర పట్టణాలు ఉన్నాయి

ప్రయాణ సౌకర్యాలు[మార్చు]

రైలు ద్వారా

10 కిలోమీటర్ల కంటే దూరంలో ఆసిఫాబాద్ రోడ్ రైల్వే స్టేషన్ ఉంది.. సిర్పూర్ కాగజ్గర్ రైలు మార్గం (కాగజ్ నగర్ సమీపంలో) పట్టణాల నుండి సమీప రైల్వే స్టేషన్లు చేరుకోవచ్చు. కాజిపేట్ జంక్షన్ రైల్వే స్టేషన్ ప్రధానమైన రైల్వే స్టేషన్ 174 కి.మీ దూరంలో ఉంది

రోడ్డు ద్వారా

ఆసిఫాబాద్కు రహదారి అనుసంధానాన్ని కలిగి ఉన్న కాగజ్ నగర్ పట్టణం సమీపంలో ఉంది.

చరిత్ర[మార్చు]

అసిఫాబాద్ పట్టణంలో ఒక పాఠశాల

హైదరాబాద్ సంస్థానాధీశుడిగా ఉన్న ఆజంజాహి వంశానికి చెందిన నిజాం నవాబు 1907లో ఈ ప్రాంతాన్ని ఆసిఫాబాద్‌గా నామకరణం చేశారు. ఈ ప్రాంతం గుండా రెబ్బెనలో ఉన్న రైల్వేస్టేషన్‌ను ఆసిఫాబాద్ రోడ్‌గా మార్చారు. 1913 నుంచి 1940 వరకు ఇది జిల్లా కేంద్రంగా ఉండేది. ఆ తరువాత జిల్లా కేంద్రం ఆదిలాబాద్ తరలిపోయినా, ఆసిఫాబాద్ మాత్రం విశిష్టతను కాపాడుకుంటూ వస్తుంది. నిజాం నాటి కార్యాలయ భవనాలు నేటికీ ఆనాటి వైభవాన్ని గుర్తు చేస్తాయి. ఆసిఫాబాద్ ప్రభుత్వ ఉన్నత పాఠశాల మొన్నటి వరకు నిజాం కాలం భవనంలోనే కొనసాగింది.

కొమురం భీమ్ జిల్లా పరిపాలన కేంద్రం[మార్చు]

అసిఫాబాద్ రోడ్ రైల్వే స్టేషన్

గిరిజన పక్ష పోరాట యోధుడు కొమురం భీమ్ జల్..జంగల్..జమీన్.. అంటూ నినదించి నిజాంకు వ్యతిరేకంగా పోరాడిన గిరిజనౌద్యమకారుడు పురిటిగడ్డ ఈ ఆసిఫాబాద్. ఆయనతో పాటు మరెందనో పోరాట యోధుల జన్మించింది ఈ ప్రాంతంలోనే.ఒకప్పుడు లోగడ ఈ పట్టణం జిల్లా కేంద్రం. 2014 లో తెలంగాణా ప్రత్యేక రాష్ట్రంగా ఏర్పడిన తరువాత మొదటిసారిగా 2016 లో ప్రభుత్వం నూతన జిల్లాలు, రెవెన్యూ డివిజన్లు, మండలాల పునర్య్వస్థీకరణలో మళ్లీ జిల్లా పరిపాలన ప్రధాన కేంద్రంగా కొమురం భీమ్ పేరుతో ఇప్పుడు కొత్త జిల్లా ఏర్పడింది.

విశేషాలు[మార్చు]

మొట్టమొదటి ఆర్టీసీ డిపో కూడా ఇక్కడే ఏర్పాటైంది.

మూలాలు[మార్చు]

  1. తెలంగాణ ప్రభుత్వ ఉత్తర్వు సంఖ్య GO Ms No 224 Revenue (DA-CMRF) Department, Dated: 11-10-2016
  2. https://etrace.in/census/town/asifabad-andhra-pradesh-569539/

వెలుపలి లంకెలు[మార్చు]