ఆసిఫాబాద్

ఆసిఫాబాద్‌
పట్టణం
ఆసిఫాబాద్ బస్ స్టాండ్
ఆసిఫాబాద్‌ Location in Telangana, India
నిర్దేశాంకాలు: 19.37°N 79.28°E / 19.37; 79.28
దేశం	భారతదేశం.
రాష్ట్రం.	తెలంగాణ
జిల్లా	కొమరంభీం జిల్లా.
మండలం	ఆసిఫాబాద్
ప్రభుత్వం
• నిర్వహణ	కాగజ్‌నగర్ పురపాలకసంఘం
జనాభా వివరాలు (11547)
• మొత్తం	23,059
• ర్యాంకు	11512
భాషలు: తెలుగు, గోండి, కోలామి, లంబాడి, మరాఠీ, హిందీ.
• అధికారిక	తెలుగు
కాలమానం	UTC+05:30 (IST)
పిన్‌కోడ్	504293
భారత వాహన రిజిస్ట్రేషన్ ప్లేట్లు	TS 20
లోకసభ	ఆసిఫాబాదు శాసనసభ నియోజకవర్గం
శాసనసభ	ఆసిఫాబాదు శాసనసభ నియోజకవర్గం
జాలస్థలి	telangana.gov.in

ఆసిఫాబాద్, తెలంగాణ రాష్ట్రం, కొమరంభీం జిల్లా, ఆసిఫాబాద్ మండలం లోని జనగణన పట్టణం, గ్రామం. ఇది కొమరంభీం జిల్లాకు పరిపాలనా కేంద్రం. ఇది రెవిన్యూ డివిజన్, శాసనసభ నియోజకవర్గ కేంద్రం. రాష్ట్రంలోనే తొలి ఆర్టీసి డీపో ఆసిపాబాదులో ఏర్పాటు చేయబడింది. 2016 అక్టోబరు 11 న చేసిన తెలంగాణ జిల్లాల పునర్వ్యవస్థీకరణకు ముందు ఈ గ్రామం పాత ఆదిలాబాద్ జిల్లా లోని ఇదే మండలంలో ఉండేది. ఆసిఫాబాద్ జున్ గామ అనే పేరుతో పూర్వం వ్యవహరించేవారు.

గణాంక వివరాలు

2011 భారత జనగణన గణాంకాల ప్రకారం ఈ పట్టణం 4954 ఇళ్లతో, మొత్తం 23059 జనాభాతో 16.7 హెక్టార్లలో విస్తరించి ఉంది. గ్రామంలో మగవారి సంఖ్య 11547, ఆడవారి సంఖ్య 11512. షెడ్యూల్డ్ కులాల సంఖ్య 3583. కాగా షెడ్యూల్డ్ తెగల సంఖ్య 1947. మొత్తం అక్షరాస్యులు 15924. అందులో పురుష అక్షరాస్యులు 8702, స్త్రీల అక్షరాస్యులు 7222.

సమీప పట్టణాలు

సమీపంలో, కాగజ్‌నగర్‌, బెల్లంపల్లి,  మందమర్రి, రాజూర మంచిర్యాల, పట్టణాలు ఉన్నాయి

ప్రయాణ సౌకర్యాలు

రైలు ద్వారా:

10 కిలోమీటర్ల కంటే దూరంలో ఆసిఫాబాద్ రోడ్ రైల్వే స్టేషన్ ఉంది.. సిర్పూర్ కాగజ్గర్ రైలు మార్గం (కాగజ్ నగర్ సమీపంలో) పట్టణాల నుండి సమీప రైల్వే స్టేషన్లు చేరుకోవచ్చు. కాజిపేట్ జంక్షన్ రైల్వే స్టేషన్ ప్రధానమైన రైల్వే స్టేషన్ 174 కి.మీ దూరంలో ఉంది.

రోడ్డు ద్వారా:

ఆసిఫాబాద్కు రహదారి అనుసంధానాన్ని కలిగి ఉన్న కాగజ్ నగర్ పట్టణం సమీపంలో ఉంది.

చరిత్ర

అసిఫాబాద్ పట్టణంలో ఒక పాఠశాల

హైదరాబాద్ సంస్థానాధీశుడిగా ఉన్న ఆజంజాహి వంశానికి చెందిన నిజాం నవాబు 1907లో ఈ ప్రాంతాన్ని ఆసిఫాబాద్‌గా నామకరణం చేశారు. ఈ ప్రాంతం గుండా రెబ్బెనలో ఉన్న రైల్వేస్టేషన్‌ను ఆసిఫాబాద్ రోడ్‌గా మార్చారు. 1913 నుంచి 1940 వరకు ఇది జిల్లా కేంద్రంగా ఉండేది. ఆ తరువాత జిల్లా కేంద్రం ఆదిలాబాద్ తరలిపోయినా, ఆసిఫాబాద్ మాత్రం విశిష్టతను కాపాడుకుంటూ వస్తుంది. నిజాం నాటి కార్యాలయ భవనాలు నేటికీ ఆనాటి వైభవాన్ని గుర్తు చేస్తాయి. ఆసిఫాబాద్ ప్రభుత్వ ఉన్నత పాఠశాల మొన్నటి వరకు నిజాం కాలం భవనంలోనే కొనసాగింది.

కొమురం భీం జిల్లా పరిపాలన కేంద్రం

గిరిజన పక్ష పోరాట యోధుడు కొమురం భీమ్ జల్..జంగల్..జమీన్.. అంటూ నినదించి నిజాంకు వ్యతిరేకంగా పోరాడిన గిరిజనౌద్యమకారుడు పురిటిగడ్డ ఈ ఆసిఫాబాద్. అతనితో పాటు మరెందనో పోరాట యోధుల జన్మించింది ఈ ప్రాంతంలోనే.ఒకప్పుడు లోగడ ఈ పట్టణం జిల్లా కేంద్రం. 2014 లో తెలంగాణా ప్రత్యేక రాష్ట్రంగా ఏర్పడిన తరువాత మొదటిసారిగా 2016 లో ప్రభుత్వం నూతన జిల్లాలు, రెవెన్యూ డివిజన్లు, మండలాల పునర్య్వస్థీకరణలో మళ్లీ జిల్లా పరిపాలన ప్రధాన కేంద్రంగా కొమురం భీమ్ పేరుతో ఇప్పుడు కొత్త జిల్లా ఏర్పడింది.

ఆసిఫాబాద్ కవుల సంఘం

ఆసిఫాబాద్ కవుల సంఘం 4-12-2011 నాడు ఆవిర్భావించింది. ఆకసం పేరుతో సాహితీవేత్తలకు పరిచయమైన సంస్థను మాడుగుల నారాయణ మూర్తి వ్యవస్థాపన చేశారు. ప్రతి సంవత్సరం ఉగాది కవి సమ్మేళనం ఏర్పాటు చేసి ఉత్తమ గురువులను సత్కరించటం జరుగుతుంది. విద్యాలయాల్లో విద్యార్థులకు సాహితీ సృజనాత్మక ఆలోచనలను పెంపొందించేందుకు కవి సమ్మేళనాలు ఏర్పాటు చేసి బహుమతులు ప్రధానం చేస్తూ బాల కవులుగా తీర్చుదిద్దుకొనేందుకు కృషి చేస్తున్నారు. ఆకసం కవులు ప్రతి నెల మొదటి బుధవారం "నెల పొడుపు" కవి సమ్మేళనాన్ని జూన్ 2016 సంవత్సరం నుంచి ప్రారంభించారు,. నేటికి కొనసాగుతుంది.

● పుస్తకావిష్కరణలు:

• తెలుగు తల్లి శతకమాల-మాడుగుల నారాయణ మూర్తి.
• సిరివెన్నెల - నల్లగొండ రమేశ్,
• గోడు- వనపర్తి తిరుపతి.
• సాదుబాల- శ్రీరాం సత్యనారాయణ.

ప్రత్యేకతలు

• మొట్టమొదటి ఆర్టీసీ డిపో ఇక్కడ ఏర్పాటైంది.
• గోండి చిత్రలేఖనం -మడావి రాజేశ్వర్, రూపకర్త

ప్రధాన పంటలు

• పత్తి

• వరి
• జొన్నలు
• ఉద్యానవన పంటలు
• ఇతర పప్పు దినుసులు