గంజివరపు శ్రీనివాస్

వికీపీడియా నుండి
Jump to navigation Jump to search
గంజివరపు శ్రీనివాస్ .jpg

గంజివరపు శ్రీనివాస్ తెలుగు పాత్రికేయుడు, సామాజిక కార్యకర్త.[1]

జీవిత విశేషాలు[మార్చు]

శ్రీనివాస్ గత రెండు దశాబ్దాలుగా తూర్పు కనుమల్లో వివిధ సామాజిక సేవా కార్యక్రమాలు, పర్యావరణ పరిరక్షణ కార్యక్రమాలపై పనిచేస్తున్నారు . ఫ్రీలాన్సు జర్నలిస్టుగా పర్యావరణ పరిరక్షణ, ఆదివాసుల అభివృద్ధి. ఇతర సామాజిక అంశాలపై సంపాదకీయ వ్యాసాలు వ్రాస్తున్నారు. గతంలో  కోవెల్ ఫౌండేషన్, సమత, కోస్టల్ రూరల్ యూత్ నెట్ వర్క్, శారదా ట్రస్టు వంటి సంస్థల్లో పనిచేసి తూర్పుకనుమలలో ఆదివాసుల సంక్షేమం, పర్యావరణ పరిరక్షణ వంటి కార్యక్రమాల్లో పాల్గొన్నారు.ప్రస్తుతం చైతన్య స్వచ్చంద సేవాసంస్థ అధ్యక్షుడిగా, పైలా ఫౌండేషన్ డైరెక్టర్గా పనిచేస్తున్నారు. ప్రజాభిప్రాయ సేకరణలలో లోపాలను క్షేత్రస్థాయిలో ప్రచారం చేయడం, ప్రభుత్వానికి నివేదించడం, గిరిజన యువతకు వారి హక్కులు, పర్యావరణ అంశాలపై అవగాహన కలిగించడం వంటి కార్యక్రమాల్లో పాల్గొంటున్నారు. మారుమూల గిరిజన ప్రాంతాల్లో చిన్నారులకు ప్రాధమిక విద్య,గిరిజన రైతులకు అటవీ హక్కులు,మౌలిక వసతుల కల్పన వంటి కార్యక్రమాల్లో పనిచేస్తున్నారు.  

గంజివరపు శ్రీనివాస్ 2013 లో అమెరికా ప్రభుత్వ అంతర్జాతీయ సందర్శకుల నాయకత్వ కార్యక్రమానికి (IVLP) ఎంపికయ్యారు. అమెరికా ప్రభుత్వం అంతర్జాతీయ సందర్శకుల నాయకత్వ కార్యక్రమం- [1] (ఇంటర్నేషనల్ విజిటర్ లీడర్షిప్ ప్రోగ్రాం) పేరిట అమెరికా సంయుక్త రాష్ట్రాల్లో సామాజిక, సాంస్కృతిక, పరిపాలన విషయాలను ఇతర దేశాల నాయకులకు తెలియజేయడానికి 1940 నుంచి ఈ కార్యక్రమాన్ని ప్రతిష్ఠాత్మకంగా నిర్వహిస్తుంది. అమెరికాలో పర్యటించి అక్కడి పరిస్థితుల్ని అధ్యయనం చేయడానికి రాజకీయం, మీడియా, వాణిజ్యం, కళలు, సామాజిక రంగాలకి చెందిన వారిని ఈ కార్యక్రమం కోసం ఆహ్వానిస్తారు. ప్రపంచవ్యాప్తంగా అమెరికా రాయబార కార్యాలయాలకు చెందిన అధికార్లు ఈ కార్యక్రమం కోసం సందర్శకులను ఎంపిక చేస్తారు.[2] గతంలో ఈ కార్యక్రమంలో పర్యటించిన వారు ప్రస్తుతం 330 దేశాల్లో ఉన్నత హోదాల్లో పదవులు నిర్వహిస్తున్నందున ఈ కార్యక్రమాన్ని అమెరికా ప్రభుత్వం ప్రతిష్ఠాత్మకంగా భావిస్తుంది. దేశవ్యాప్తంగా 9 మంది పౌర సంఘాలకు చెందిన సభ్యులతో కూడిన బృందాన్ని ఈ ఏడాది అమెరికా ప్రభుత్వం తమ దేశంలో సామాజిక సంస్థల పనితీరుని అధ్యయనం చేయడానికి ఎంపిక చేసింది. ఈ బృందం వాషింగ్టన్, లూసియానా, ఫ్లోరిడా, ఉథా రాష్ట్రాల్లో ప్రభుత్వ, రాజకీయ, సామాజిక సంస్థల ప్రతినిధులను, విశ్వవిద్యాలయాల్లో నిపుణులను కలుసుకున్నారు.అక్కడి క్షేత్రస్తాయి క్షేత్రస్తాయి అంశాలని అధ్యయనం చేసారు. జూలై 4 న ఫ్లోరిడాలో జాక్సన్ విల్లీ నగరంలో జరిగే అమెరిక స్వాతంత్ర్య దినోత్సవ వేడుకల్లో పాల్గొన్నారు. లూసియానా రాష్ట్రంలో ఆదివాసులు, యువతకు సంబంధించి సామాజిక ఆర్థిక పరిస్థితులను అధ్యయనం చేసారు. ఆంధ్ర ప్రదేశ్ నుంచి శ్రీనివాస్ ఈ బృందంలో ఉన్నారు.

ప్రజాశక్తి పత్రిక వ్యవస్థాపక సంపాదకులు మోటూరు హనుమంతరావు స్మారక అవార్డును ప్రజాశక్తి సాహితీ సంస్థ 2009 సంవత్సరానికి ఉత్తమ జర్నలిస్టుగా గంజివరపు శ్రీనివాస్‌ను ఎంపిక చేసింది. భూపందేరం అన్న అంశంపై ఎంట్రీలను ఆహ్వా నించింది. రాష్ట్రం నలుమూలల నుంచీ 37 కథనాలు పరిశీలనకు వచ్చాయి. ఆంధ్ర పదేశ్‌ ప్రెస్‌ అకాడమీ మాజీ అధ్యక్షులు పొత్తూరి వెంకటేశ్వరరావు, విశాలాంధ్ర మాజీ సంపాదకులు సి రాఘవాచారి, డిఎన్‌ఎఫ్‌ సంపాదకులు వాడకట్టు హనుమంతరావులతో కూడిన అవార్డు ఎంపిక కమిటీ ఎంట్రీలను పరిశీలించింది. వైవిధ్యభరితమైన, వివరణాత్మకమైన, విశ్లేషణాత్మ కమైన ఈ కథనాలను పరిశీలించిన మీదట విషయ ప్రాముఖ్యత, రచనా శైలి, నిబద్ధతతో కూడిన పరిశోధన మొదలైన అంశాలను పరిగణనలోకి తీసుకొని విశాఖ పట్నానికి చెందిన గంజివరపు శ్రీనివాస్‌ అటవీ సమస్యలు- పరిష్కారాలుపై పంపిన వార్తా కథనాల పరంపర (ఈనాడులో ప్రచురితమైనవి) ను ఉత్తమ జర్నలిస్టు పురస్కారానికి అర్హమైనదిగా అవార్డు కమిటీ నిర్ణయించింది.

సామాజిక కార్యకర్త[మార్చు]

గంజివరపు శ్రీనివాస్ కోవెల్ ఫౌండేషన్, సమత, కోస్టల్ రూరల్ యూత్ నెట్ వర్క్, శారదా ట్రస్టు వంటి సంస్థల్లో వివిధ హోదాల్లో తూర్పుకనుమలలో ఆదివాసుల సంక్షేమం, పర్యావరణ పరిరక్షణ చురుగ్గా పాల్గొన్నారు.ప్రస్తుతం చైతన్య స్వచ్చంద సేవాసంస్థ అధ్యక్షుడిగా, పైలా ఫౌండేషన్ డైరెక్టర్ గా పనిచేస్తున్నారు.ప్రజాభిప్రాయ సేకరణలలో లోపాలను క్షేత్రస్థాయిలో ప్రచారం చేయడం, ప్రభుత్వానికి నివేదించడం, గిరిజన యువతకు వారి హక్కులు, పర్యావరణ అంశాలపై అవగాహన కలిగించడం వంటి స్వచ్ఛంద సేవా కార్యక్రమాల్లో చురుగ్గా పాల్గొంటున్నారు. ఆదివాసి ప్రాంతాల్లో విద్య, మౌలిక వసతులు, అటవీ హక్కులు వంటి కార్యక్రమాలోపై పనిచేస్తున్నారు.

పాత్రికేయుడు[మార్చు]

స్వతంత్ర పాత్రికేయుడుగా వివిధ సామాజిక, పర్యావరణ అంశాలపై ఈనాడు వంటి ప్రధానస్రవంతి పత్రికలకు వ్యాసాలూ వ్రాస్తున్నారు.

పురస్కారాలు[మార్చు]

గంజివరపు శ్రీనివాస్ ఆదివాసుల జీవనం, సామాజిక సమస్యలు, అడవులు, పర్యావరణ పరిరక్షణ అంశాలపై రాసిన విశ్లేషనాత్మక వ్యాసాలకు, సామాజిక సేవా కార్యక్రమాలకు గాను వివిధ అవార్డులను పొందారు.

వ్యాసాలు[మార్చు]

మూలాలు[మార్చు]

  1. "ఉత్తమ జర్నలిస్టు అవార్డు". ప్రజాశక్తి. Retrieved 23 March 2018. Cite web requires |website= (help)[permanent dead link]
  2. "Samata coordinator invited to US". thehindu.com. The Hindu. Retrieved 23 March 2018.
  3. "సామజిక సేవాకార్యక్రమాలకు లాస్ ఏంజిల్స్ కు చెందిన ఎన్ అర్ ఐ సమయ్ రేడియో చానల్ వారి ప్రభావశీల అవార్డు - 2012". merinews.com. మూలం నుండి 24 జూన్ 2013 న ఆర్కైవు చేసారు. Retrieved 23 March 2018.

[[వర్గం:ఆంధ్ర ప్రదేశ్

[[వర్గం:విశాఖపట్నం

బయటి లింకులు[మార్చు]