చర్లగుడిపాడు

చర్లగుడిపాడు
రెవెన్యూ గ్రామం
చర్లగుడిపాడు
అక్షాంశ రేఖాంశాలు: 16°29′N 79°38′E
దేశం	భారతదేశం
రాష్ట్రం	ఆంధ్రప్రదేశ్
జిల్లా	పల్నాడు
మండలం	గురజాల
విస్తీర్ణం	22.33 కి.మీ2 (8.62 చ. మై)
జనాభా  (2011)	5,530
• జనసాంద్రత	250/కి.మీ2 (640/చ. మై.)
అదనపు జనాభాగణాంకాలు
• పురుషులు	2,786
• స్త్రీలు	2,744
• లింగ నిష్పత్తి	985
• నివాసాలు	1,427
ప్రాంతపు కోడ్	+91 ( )
పిన్‌కోడ్	522415
2011 జనగణన కోడ్	589848

చర్లగుడిపాడు పల్నాడు జిల్లా గురజాల మండలం లోని గ్రామం. ఇది మండల కేంద్రమైన గురజాల నుండి 6 కి. మీ. దూరం లోను, సమీప పట్టణమైన మాచర్ల నుండి 34 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 1427 ఇళ్లతో, 5530 జనాభాతో 2233 హెక్టార్లలో విస్తరించి ఉంది. గ్రామంలో మగవారి సంఖ్య 2786, ఆడవారి సంఖ్య 2744. షెడ్యూల్డ్ కులాల సంఖ్య 1061 కాగా షెడ్యూల్డ్ తెగల సంఖ్య 88. గ్రామ జనగణన లొకేషన్ కోడ్ 589848.ఇది గురజాలకు 6 కి.మీ. దూరంలో, కారంపూడి వెళ్లే దారిలో ఉంది. మెట్ట ప్రాంతమైన పలనాడులో ఇక్కడ మాత్రమే నీటి కొరత చాల తక్కువ.

గ్రామ చరిత్ర

ఈ ఊరిలోనే పలనాటి వీరుడు అలరాజు మరణించాడు. ఇక్కడ అలరాజు విగ్రహం ప్రతిష్ఠించబడి ఉంది. అలరాజు సమాధి ఈ గ్రామములో ఉంది.అంతే గాక ఈ గ్రామంలో దేవాలయాలకు ప్రసిద్ధి చెందింది.గ్రామదేవతలకు పోలేరమ్మ, అంకాలమ్మ, పాత పాటేశ్వరి అమ్మవారు లకు తిరునాళ్ళ జరుగుతుంది.శ్రీ సాక్షి వేణుగోపాల స్వామి స్వయుంబుగా వెలసినది అని ఇక్కడ గ్రామస్థులు చెప్పుకొంటారు.అంతే కాకుండా రామాలయం, ఆంజనేయ స్వామి, గంగమ్మ, అలేకస్వామి, బ్రహ్మం గారి గుడి, శివాలయం గుడి ప్రతి సంవత్సరం అన్న దానం ఉంది.

గ్రామం పేరు వెనుక చరిత్ర

ఈ ఊరిలో ఉన్న గుళ్ల వలన, చెరువుల వలన ఈ గ్రామానికీ పేరు వచ్చింది.పూర్వం చెరువులోగుడిపాడు అని కాలక్రమేణా చెర్లగుడిపాడుగా పిలవబడుతుంది.ఈ గ్రామం 0.5 కి.మి దూరంలో పూర్వం కళ్యాణ పురం అనే గ్రామం ఉండేది. గంగమ్మ గుడి చెరువుకి మధ్యలో ఉంది.ప్రతి రోజూ తాగునీరు చెరువుకి వచ్చేవారు.ఇప్పటికీ పాత వూరి అవశేషాలు ఉన్నాయి.అక్కడి పొలంలో దుక్కి దున్నినప్పుడు అప్పటి గోడలు, పనిముట్లు, కుండలు, మట్టి పాత్రలు దొరికేవి.ఇప్పటికీ ఆ వూరి నుండి పోవు బాటని కారెంపుడి బాట అంటారు. కట్టకి ఉత్తరం వైపు వేణుగోపాల్ స్వామి గుడి, తూర్పున అలగమ రాజు సమాధి ఉన్నాయి. పాత వూరిలో కలరా, మశూచి వ్యాధుల వల్ల చాలామంది ఊరిని వదిలి వెళ్లారు.కొంత మంది మాత్రం గ్రామాన్ని ఖాళీ చేసి చెరువు దగ్గర కొత్త గ్రామాన్ని ఏర్పాటు చేశారు. అప్పటినుండి ఈ గ్రామంనకు ఆ పేరు వచ్చింది. ఇక్కడ వెంచేసిన సాక్షి వేణుగోపాల స్వామి ఎవరికో భక్తుడి కోసం సాక్షం కోసం విష్ణుమూర్తి స్వామి శాక్షం కోసం వచ్చాడని ఇక్కడి ప్రధాన పూజారి చెప్పారు.అందువలన ఇక్కడి గుడికి సాక్షి వేణుగోపాల స్వామి అంటారు. కానీ అప్పటి గుడి కట్టిన తీరు చూస్తే ఆశ్చర్యం కలుగుతుంది.అంతా పెద్ద పెద్ద బండరాల్లతో ఎలా కట్టారో మరి.

సమీప గ్రామాలు

పల్లెగుంట 4 కి.మీ, గురజాల 5 కి.మీ, పెద కొదమగుండ్ల 8 కి.మీ, మాడుగుల 4 కి.మీ, కారేంపుడీ 9 కి.మీ. లక్షిపురం 3 కి.మి, మిరియాల 3 కి.మి జనార్ధన పురం 3 కి.మి., ఉన్నాయి.

విద్యా సౌకర్యాలు

గ్రామంలో ప్రభుత్వ ప్రాథమిక పాఠశాలలు 4,, ప్రైవేటు ప్రాథమిక పాఠశాల ఒకటి ఉన్నాయి. సమీప బాలబడి, మాధ్యమిక పాఠశాల గురజాలలో ఉన్నాయి.సమీప జూనియర్ కళాశాల, ప్రభుత్వ ఆర్ట్స్, సైన్స్, డిగ్రీ కళాశాల గురజాలలోను, ఇంజనీరింగ్ కళాశాల మాచర్లలోనూ ఉన్నాయి. సమీప వైద్య కళాశాల గుంటూరులోను, మేనేజిమెంటు కళాశాల, పాలీటెక్నిక్‌లు మాచర్లలోనూ ఉన్నాయి.సమీప వృత్తి విద్యా శిక్షణ పాఠశాల, అనియత విద్యా కేంద్రం మాచర్లలోను, దివ్యాంగుల ప్రత్యేక పాఠశాల గుంటూరులోనూ ఉన్నాయి.

వైద్య సౌకర్యం

ప్రభుత్వ వైద్య సౌకర్యం

గ్రామంలో ఉన్న 1 ప్రాథమిక ఆరోగ్య ఉప కేంద్రంలో డాక్టర్లు లేరు సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉన్నాయి.పశు వైద్యశాల గ్రామం నుండి 5 నుండి 10 కి.మీ. దూరంలో ఉంది.మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి.అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, సంచార వైద్య శాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం

గ్రామంలో 7 ప్రభుత్వేతర వైద్య సౌకర్యాలున్నాయి. M.b.b.s కాకుండా వైద్య విద్యలో డిప్లొమా మరియు డిగ్రీ వున్న వారు ఒకరు ఉన్నారు.మిగతా వారు 6 గురు ఎటువంటి డిగ్రీలు,డిప్లొమా లేని డాక్టర్లు ఉన్నారు వీళ్ళు ప్రాథమిక చికిత్స చేసి 5 k.m దూరంలో ఉన్న గురజాల ప్రభుత్వ ఆసుపత్రికి పంపుతారు.

తాగు నీరు

గ్రామంలో కుళాయిల ద్వారా బోర్ల నుండి నీరు సరఫరా అవుతోంది.బావుల నీరు కూడా అందుబాటులో ఉంది. గ్రామంలో ఏడాది పొడుగునా స్థానిక నాయకులు చే మినరల్ వాటర్ ప్లాంట్, ప్రైవేట్ మినరల్ వాటర్ సదుపాయం ఉంది.బోరుబావుల ద్వారా కూడా ఏడాది పొడుగునా నీరు అందుతుంది.కాలువ/వాగు/నది ద్వారా గ్రామానికి నీటిపారుదల వసతి ఉంది. చెరువు నీటి సౌకర్యం ఉంది.

పారిశుధ్యం

మురుగునీరు బహిరంగా కాలువల ద్వారా ప్రవహిస్తుంది.గ్రామం మొత్తము c.c roads ఉన్నాయి. గ్రామం సంపూర్ణ పారిశుధ్య పథకం కిందకు రావట్లేదు. చెత్తని సేకరించటం లేదు .కానీ ప్రజలే చెత్తని గ్రామం చివరలో స్వచ్ఛందంగా పారబొస్తారు. సామాజిక బయోగ్యాస్ ఉత్పాదక వ్యవస్థ లేదు.

సమాచార, రవాణా సౌకర్యాలు

సబ్ పోస్టాఫీసు సౌకర్యం ఉంది.టేలిగ్రాఫ్ ఆఫీసు గ్రామానికి 5 నుండి దూరంలో ఉన్నాయి.స్థానికంగా మిని టెలికాం ఎక్చంగె ఉంది. లాండ్ లైన్ టెలిఫోన్ మొదలైన సౌకర్యాలు ఉంది. మొబైల్ ఫోన్ సేవలు ఉన్నాయి. B.s.n.l 2g, Airtel 4g, idea 4g, jio 4g, Vodafone 2g, rcom 4g, towers ఉన్నాయి. B.s.n.l landline 20 Mbps speed wifi సౌకర్యం ఉంది. రవాణా సౌకర్యం ప్రజల వద్ద సొంత ద్విచక్ర వాహనాలు, కొద్ది మందికి కార్లు ఉన్నాయి. సమీప గురజాల నుండి కారేంపుడికి ప్రభుత్వ రవాణా సంస్థ బస్సులు తిరుగుతున్నాయి.గ్రామం నుండి ఆటో సౌకర్యం కూడా ఉంది. ట్రాక్టర్లు కూడా ఉన్నాయి. గురజాల రైల్వే స్టేషన్ గ్రామానికి 5 కి.మీ. దూరంలో ఉంది. ప్రైవేటు బస్సులు గ్రామానికి 10 కి.మీ.కి పైబడిన దూరంలో ఉంది. ప్రధాన జిల్లా రహదారి, జిల్లా రహదారి గ్రామం నుండి 5 కి.మీ. దూరంలోపు ఉన్నాయి.జాతీయ రహదారి, రాష్ట్ర రహదారి గ్రామం నుండి 10 కి.మీ.కి పైబడిన దూరంలో ఉన్నాయి.గ్రామంలో తారు రోడ్లు, కంకర రోడ్లు, కచ్చారోడ్లూ ఉన్నాయి.

మార్కెటింగు, బ్యాంకింగు

చైతన్య గోదావరి గ్రామీణ బ్యాంక్, S.B.I వారి kiosk branch ఉన్నాయి. ఏటీఎమ్, వాణిజ్య బ్యాంకు, వ్యవసాయ పరపతి సంఘం, వారం వారం సంత, వ్యవసాయ మార్కెటింగ్ సొసైటీ, సహకార బ్యాంకు గ్రామం నుండి 5 కి.మీ. దూరంలో గురజాలలో ఉన్నాయి.

ఆరోగ్యం, పోషణ, వినోద సౌకర్యాలు

గ్రామంలో అంగన్ వాడీ కేంద్రం, ఇతర పోషకాహార కేంద్రాలు ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం ఉంది. ఆశా కార్యకర్తలు ఉనారు. జనన మరణాల నమోదు కార్యాలయం గ్రామం నుండి 5 కి.మీ.లోపు దూరంలో ఉంది. సమీకృత బాలల అభివృద్ధి పథకం, ఆటల మైదానం గ్రామం నుండి 5 నుండి 10 కి.మీ. దూరంలో ఉన్నాయి. సినిమా హాలు, గ్రంథాలయం, పబ్లిక్ రీడింగ్ రూం గ్రామం నుండి 5 నుండి 10 కి.మీ. దూరంలో ఉన్నాయి.

విద్యుత్తు

గ్రామంలో గృహావసరాల నిమిత్తం విద్యుత్ సరఫరా చేస్తున్నారు రోజుకు 8 గంటల పాటు వ్యవసాయానికి, 8 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు. ఇక్కడ apspdcl వారి కరెంట్ సబ్ స్టేషన్ ఉంది.

భూమి వినియోగం

చర్లగుడిపాడులో భూ వినియోగం కింది విధంగా ఉంది. (హెక్టార్లలో) :

• వ్యవసాయేతర వినియోగంలో ఉన్న భూమి: 12
• వ్యవసాయం సాగని, బంజరు భూమి: 57
• శాశ్వత పచ్చిక ప్రాంతాలు, ఇతర మేత భూమి: 40
• తోటలు మొదలైనవి సాగవుతున్న భూమి: 12
• బంజరు భూమి: 270
• నికరంగా విత్తిన భూ క్షేత్రం: 1842
• నీటి సౌకర్యం లేని భూ క్షేత్రం: 828
• నీటి వనరుల నుండి నీటి పారుదల లభిస్తున్న భూక్షేత్రం: 1284

నీటిపారుదల సౌకర్యాలు

చర్లగుడిపాడులో వ్యవసాయానికి నీటి సరఫరా కింది వనరుల ద్వారా జరుగుతోంది

• కాలువలు: 870 హెక్టార్లు
• బావులు/బోరు బావులు: 414 హెక్టార్లు

దర్శనీయ ప్రదేశాలు/దేవాలయాలు

ఇక్కడ ఉన్న అలేఖ శూన్య మందిరం చాల గొప్పది. ప్రతి కార్తిక పౌర్ణమికి ఇక్కడ జరిగే హోమం నిర్వహించడానికి ఒడిషా నుండి సన్యాసులు వస్తారు. ఇటువంటి మందిరాలు రాష్ట్రంలో చాలా అరుదుగా ఉన్నాయి. ఇది 1950వ సంవత్సరంలో నిర్మింపబడింది. కీర్తి శేషులు చలంరాజు ఇక్కడి మందిరాన్ని చాలాకాలం నిర్వహించి ఇటీవలనే పరమపదించారు. ఇక్కడ గ్రామదేవతల ఉత్సవాలు చాలా గొప్పగా జరుపుతారు. విభిన్నమైన పలనాటి జీవన శైలిని నూరు శాతం ప్రతిబింబిస్తుంది ఈ చర్లగుడిపాడు గ్రామం.

గ్రామంలో ప్రధాన పంటలు

వరి, అపరాలు, కాయగూరలు

గ్రామంలో ప్రధాన వృత్తులు

వ్యవసాయం, వ్యవసాయాధారిత వృత్తులు

గ్రామ విశేషాలు

ఈ గ్రామాన్ని, ఆకర్షణీయ గ్రామం (స్మార్ట్ విలేజ్) గా తీర్చిదిద్దటానికై, నరసరావుపేట లోక్ సభ సభ్యులు రాయపాటి సాంబశివరావు దత్తత తీసుకున్నాడు.

గణాంకాలు

2001 వ.సంవత్సరం జనాభా లెక్కల ప్రకారం గ్రామ జనాభా 5,612. ఇందులో పురుషుల సంఖ్య 2,809, స్త్రీల సంఖ్య 2,803, గ్రామంలో నివాస గృహాలు 1,276 ఉన్నాయి. గ్రామ విస్తీర్ణము 2,233 హెక్టారులు.