చాందీపూర్
చాందీపూర్ ను చాందీపూర్-ఆన్-సీ అని కూడా అంటారు. ఒరిస్సా (ఒడిషా), బాలేశ్వర్ (బాలెసోర్) జిల్లాలోని ఓ చిన్న సముద్ర తీర రిసార్టు. బాలేశ్వర్ రైల్వే స్టేషన్ నుండి 16 కిమీ దూరంలో ఉంటుంది.
చాందీపూర్‌కు ఒక విశిష్టత ఉంది - భారత్ తయారుచేసిన క్షిపణులు దాదాపుగా అన్నిటినీ పరీక్షించేది ఇక్కడే.
చాందీపూర్‌కు మరో విశిష్టత ఉంది - ఆటూ పోట్ల సమయాల్లో సముద్రం వెనక్కు వెళ్ళి మళ్ళీ ముందుకు వస్తూ ఉంటుంది. ఆటు/పాటు సమయంలో సముద్రం 5 కి.మీ. వెనక్కి వెళ్తుంది. మళ్ళీ పోటు సమయంలో మామూలుగా వస్తుంది. అంటే, చూస్తూండగానే రోజుకు ఒకసారి సముద్రం అదృశ్యమై మళ్ళీ ప్రత్యక్షమౌతుందన్నమాట. దీనివల్ల ఈ బీచి జీవవైవిధ్యానికి ఆలవాలమైంది. బీచి దగ్గరలో మిర్జాపూర్ వద్ద బుద్ధ బలంగా నది సంగమం వద్ద గుర్రపునాడా పీత దొరుకుతుంది. ఇదొక చక్కని పిక్నిక్ స్థలం. ఒరిస్సా పర్యాటక సంస్థ వారి పాంథనివాస్ ఒకటి ఇక్కడ ఉంది.
భౌగోళికం[మార్చు]
చాందీపూర్ 21°28′N 87°01′E / 21.47°N 87.02°E.[1] వద్ద ఉంది. సముద్రమట్టం నుండి దాని సగటు ఎత్తు 3 మీ. గ్రామ వైశాల్యం 51.33 ఎకరాలు.[2]
సాధారణ భారతీయ వాతావరణం[మార్చు]
వేసవిలో ఉష్ణోగ్రత 25-40 సెల్సియస్ డిగ్రీల దాకా ఉంటుంది. చాందీపూర్ సందర్శనకు నవంబరు-మార్చి సరైన సమయం.
సైన్యం[మార్చు]
భారత సైన్యపు సమీకృత పరీక్షా శ్రేణి -Integrated Test Range (ITR) ను చాందీపూర్‌కు దక్షిణంగా 70 కిమీ దూరంలో ఉన్న అబ్దుల్ కలాం ద్వీపం వద్ద (గతంలో దీన్ని వీలర్ ఐలాండ్ అనేవారు) ITR ను స్థాపించారు. అనేక క్షిపణులను -ఆకాశ్, శౌర్య లతో సహా -ఇక్కడే పరీక్షించారు,[3] అగ్ని, పృథ్వి బాలిస్టిక్ క్షిపణులు, బరాక్-8 క్షిపణి కూడా ఇక్కడే పరీక్షించారు. .[4]
రవాణా సౌకర్యం[మార్చు]
బాలేశ్వర్ దాకా రైల్లో వెళ్ళి, అక్కడి నుండి బస్సు, ఆటో లేదా ట్యాక్సీ ద్వారా చాందీపూర్ చేరుకోవచ్చు. బాలేశ్వర్ నేషనల్ హైవే 5 పై ఉంది.[5]
ఇక్కడ ప్రధానంగా చూడదగ్గ స్థలాలు: దేవ్‌కుండ్ జలపాతం, పంచలింగేశ్వర్, క్షీరచోర గోపీనాథ దేవాలయం, చాందీపూర్ బీచి, నీలగిరి జగన్నాథ దేవాలయం.
ఆహారం[మార్చు]
అనేక రకాల సముద్రాహారం ఇక్కడ దొరుకుతుంది. చేప ఇక్కడ బాగా చవక. ఒరియా బెంగాలీ వంటకాలు బాగా దొరుకుతాయి.
మూలాలు వనరులు[మార్చు]
- ↑ Falling Rain Genomics, Inc - Chandipur
- ↑ "Subalaya Town Area Chart (archive)". Archived from the original on 2009-04-11. Retrieved 2009-04-11.
- ↑ "ఆర్కైవ్ నకలు". Archived from the original on 2012-10-17. Retrieved 2016-07-23.
- ↑ "Barak-8 missile test-fired from Chandipur". Archived from the original on 2016-07-24. Retrieved 2016-07-23.
- ↑ "ఆర్కైవ్ నకలు". Archived from the original on 2016-11-12. Retrieved 2016-07-23.