జాను (2020 సినిమా)
| జాను | |
|---|---|
 సినిమా పోస్టర్ | |
| దర్శకత్వం | సి.ప్రేమ్ కుమార్ |
| రచన | సి. ప్రేమ్ కుమార్ మిర్చి కిరణ్ డైలాగ్స్ |
| నిర్మాత | దిల్ రాజు , శిరీష్‌ |
| తారాగణం | శర్వానంద్, సమంత |
| ఛాయాగ్రహణం | మహేంద్రన్ జయరాజు |
| కూర్పు | కె.ఎల్. ప్రవీణ్ |
| సంగీతం | గోవింద్ వసంత |
నిర్మాణ సంస్థ | శ్రీ వెంకటేశ్వర క్రియేషన్స్ |
విడుదల తేదీ | 7 ఫిబ్రవరి 2020 [1] |
| దేశం | భారతదేశం |
| భాష | తెలుగు |
జాను ఒక తెలుగు ప్రేమ కథా చిత్రం. ఇది తమిళంలో వచ్చిన '96 చిత్రానికి రీమేక్. మాతృకను తెరకెక్కించిన దర్శకుడు సి. ప్రేమ్ కుమారే తెలుగులోనూ దర్శకత్వం వహించారు. దిల్ రాజు "శ్రీ వేంకటేశ్వర క్రియేషన్స్ బ్యానర్" పై నిర్మించిన ఈ చిత్రంలో శర్వానంద్, సమంత కథానాయకానాయికలుగా నటించారు. గోవింద్ వసంత సంగీతం అందించిన ఈ చిత్రాన్ని 2020 ఫిబ్రవరి 7న ప్రపంచవ్యాప్తంగా విడుదల చేశారు. శర్వానంద్, సమంతల నటన ఆకట్టుకోవడంతో ఈ చిత్రం ప్రేక్షకుల వద్ద మంచి ప్రశంసలు పొందింది. [2]
రీమేక్ చిత్రం
[మార్చు]తమిళ సంచలనం సృష్టించిన క్లాసిక్‌ సినిమా ‘96’. ఈ సినిమా మంచి విజయాన్ని సొంతం చేసుకోవటంతో కన్నడలో ‘99’గా రీమేక్ అయింది. దీంతో నిర్మాత దిల్ రాజు ఈ సినిమాను తెలుగలో రీమేక్ చేయాలనుకున్నారు.[3]
కథ
[మార్చు]కే.రామచంద్రన్‌ (శర్వానంద్) ట్రావెల్‌ ఫొటోగ్రాఫర్‌. ఓ జర్నీలో చిన్నప్పుడు తను పుట్టి పెరిగిన ఊరికి వెళతాడు. అక్కడ ఒక్కొక్కటిగా చిన్ననాటి జ్ఞాపకాలను గుర్తుకు తెచ్చుకుంటాడు. అలా తను చదువుకున్న స్కూల్‌ దగ్గరకు చేరుకుంటాడు. ఆ సమయంలోనే తొలిప్రేమ జ్ఞాపకాలు అతడి కళ్లముందు మెదులుతాయి. జానకీ దేవీ (సమంత)తో ప్రేమలో పడటం.ఆమెతో గడిపిన మధుర క్షణాలు.విడిపోవటం! అన్నీ గుర్తుకు వస్తాయి. ఆ తర్వాత చోటుచేసుకునే కొన్ని పరిణామాలతో దాదాపు 17 సంవత్సరాల తర్వాత స్కూల్‌ ఫ్రెండ్స్‌ ఏర్పాటు చేసిన గెట్‌ టు గెదర్‌ పార్టీలో ఇద్దరూ కలుస్తారు. ఇంతకీ ఆ ఇద్దరు ఎందుకు విడిపోయారు? సుదీర్ఘకాలం తర్వాత కలుసుకున్న ఓ ప్రేమ జంట మదిలో మెదిలే భావాలేంటి? అన్నదే మిగతా కథ.[4]
తారాగణం
[మార్చు]పాటల జాబితా
[మార్చు]- ది లైఫ్ రామ్, రచన: సిరివెన్నెల సీతారామశాస్త్రి, గానం. ప్రదీప్ కుమార్
- ప్రణం, రచన: శ్రీమణి , గానం. చిన్మయి , గౌతమ్ భరద్వాజ్
- ఊహలే , రచన: శ్రీమణి, గానం.చిన్మయి, గోవింద్ వసంత
- నీ కలే కలి , రచన: శ్రీమణి, గానం.బ్రిందా
- ఇంతేనా, రచన: శ్రీమణి , గానం.చిన్మయి
- కొమ్మ వీడి , రచన: శ్రీమణి, గానం. చిన్మయి, గోవింద్ వసంత
- అనంతం , రచన: శ్రీమణి, గానం. చిన్మయి, గోవింద్ వసంత.
మూలాలు
[మార్చు]- ↑ "Sharwanand and Samantha's 'Jaanu' will hit screens soon - Times of India". The Times of India. Archived from the original on 2020-01-19. Retrieved 2020-01-31.
- ↑ "A tribute to unconditional love..." Twitter (in ఇంగ్లీష్). Retrieved 2023-01-10.
- ↑ BBC News తెలుగు (2020-02-07). "జాను సినిమా రివ్యూ: ఈ రీమేక్ చిత్రం తమిళ '96'లోని ఒరిజినల్ ఫీల్ క్యారీ చేయగలిగిందా?". BBC News తెలుగు. Archived from the original on 2021-05-31. Retrieved 2021-05-31.
- ↑ "'జాను' మూవీ రివ్యూ". Sakshi. 2020-02-07. Retrieved 2020-02-26.