వెన్నెల కిశోర్

వికీపీడియా నుండి
Jump to navigation Jump to search
వెన్నెల కిశోర్
Vennela Kishore.jpg
జననంకామారెడ్డి
నిజామాబాద్ జిల్లా
తెలంగాణ
చదువుజీవన్ హైస్కూల్, కామారెడ్డి
వృత్తిసాఫ్ట్‌వేర్ టెస్టర్ ,
నటుడు,
దర్శకుడు
క్రియాశీలక సంవత్సరాలు2005 - ఇప్పటి వరకు
ప్రసిద్ధులునటుడు
పేరుతెచ్చినవివెన్నెల (సినిమా)
ఇంకోస్సారి
బిందాస్
ఏమైంది ఈవేళ
స్వస్థలంకామారెడ్డి
జీవిత భాగస్వామిపద్మజ
తల్లిదండ్రులులక్ష్మీ నారాయణ (తండ్రి)
పురస్కారాలు2009 : నంది ఉత్తమ హాస్యనటుడు - ఇంకోసారి

'వెన్నెల కిశోర్' ఒక తెలుగు సినీ నటుడు, దర్శకుడు. పూర్వాశ్రమంలో ఇతను అమెరికాలో సాఫ్ట్‌వేర్ ఇంజనీర్.

బాల్యం, విద్యాభ్యాసం[మార్చు]

కిశోర్ వాళ్ళది నిజామాబాద్ జిల్లా, కామారెడ్డిలో ఓ మధ్యతరగతి కుటుంబం. తండ్రి లక్ష్మీ నారాయణ ఆంగ్ల ఉపాధ్యాయుడు. కిశోర్ కు నలుగురు అక్కలు. తనకి ఊహ తెలిసేటప్పటికే అక్కలకి పెళ్ళిళ్ళు అయిపోయాయి. పెద్దక్క పిల్లలదీ తనదీ దాదాపు ఒకే వయసు. కిషోర్ ఏడో తరగతిలో ఉండగానే తండ్రి పదవీ విరమణ చేశాడు. చిన్నప్పుడు ఇంట్లో నాన్న దగ్గరే పాఠాలు అభ్యసించాడు. కామారెడ్డి పాఠశాలలో పదో తరగతి దాకా చదువుకున్నాడు. ఇంటర్ చదవడానికి హైదరాబాదుకు వచ్చాడు. మొదట్లో ఎంపిసిలో చేరి అది నచ్చక మళ్ళీ బైపీసీలో చేరి. చివరికి డిగ్రీకి వచ్చే సరికి బీకాంకు మారాడు. హైదరాబాదుకు వచ్చినప్పటి నుంచీ తరచు సినిమాలు చూడటం అలవాటైంది. డిగ్రీ పూర్తయిన తరువాత ఏడాదిన్నర పాటు ఓ కోర్సులో చేరాడు. ఆ కోర్సు వల్ల అమెరికా, ఆస్ట్రేలియాల్లోని రెండు విద్యాసంస్థల్లో దాదాపు ప్రవేశం ఖరారైంది. జీఆర్ఈ, టోఫెల్ లో కూడా మంచి స్కోరు సంపాదించాడు. అమెరికాలోని మాస్టర్స్ చదవడానికి ఓ విశ్వవిద్యాలయంలో ఓ సీటు కూడా దొరికింది.

ఉద్యోగం[మార్చు]

మాస్టర్స్ పూర్తవగానే వర్జీనియాలోని థామ్సన్ ఫైనాన్స్ సంస్థలో సాఫ్ట్‌వేర్ టెస్టర్ గా ఉద్యోగం దొరికింది. అక్కడ ఉన్నప్పుడే వెన్నెల సినిమాకు దర్శకుడు దేవ కట్టా దగ్గర సహాయకుడిగా పనిచేయడానికి వెళ్ళాడు. ఆ సినిమాలో ఖాదర్ పాత్రలో నటించాల్సిన శివారెడ్డి వీసా కుదరక పోవడంతో ఆ పాత్రలో కిశోర్ నటించాల్సి వచ్చింది. అలా మొదటి సినిమా పేరునే ఇంటి పేరుగా మార్చుకున్నాడు. వర్జీనియాలో ఎన్నారైలకు నెల జీతంతో కూడిన సెలవు ఇచ్చేవారు. ఆ సెలవును వాడుకుని ఈ సినిమాకు పనిచేశాడు. తరువాత చిరంజీవి నటించిన సినిమా స్టాలిన్లో అవకాశం వచ్చినా సెలవు దొరక్క అందులోంచి తప్పుకున్నాడు.

నట జీవితము[మార్చు]

వెన్నెల సినిమా విడుదలయ్యాక మూడేళ్ళు సినిమా ఊసే ఎత్తలేదు. అప్పుడే పెళ్ళి కూడా చేసుకున్నాడు. భార్య పద్మజ కూడా సాఫ్ట్‌వేర్ ఇంజనీరే. కిశోర్ అమ్మ సలహా మేరకు ఇద్దరూ భారత్ కు వచ్చేయాలని నిర్ణయించుకున్నారు. అప్పులన్నీ తీర్చుకుని అక్కడి నుంచి తిరిగి వచ్చేసారు. కిశోర్ ముంబైలోని జెపి మోర్గాన్ లో, భార్య పద్మజకు హైదరాబాదులో మంచి ఉద్యాగాలు దొరికాయి. ఇక్కడికి రాగానే మరిన్ని అవకాశాలు తలుపు తట్టడంతో జెపి మోర్గాన్ లో చేరడాని మరో ఆరు నెలలు గడువు తీసుకుని పూర్తి స్థాయి నటుడిగా మారిపోయాడు.[1]

జీఆర్8 ప్రొడక్షన్స్ ప్రై.లి. పతాకంపై చైతన్య కృష్ణ, మొనాల్ గజ్జర్ జంటగా వెన్నెల కిశోర్ దర్శకత్వంలో రూపొందిన 'వెన్నెల 1 1/2' చిత్రం దారుణమైన పరాజయం తర్వాత ఇక ఆ వెన్నెలను తన పేరు నుంచి తొలగించారు. ఇప్పుడు కిశోర్ గా మారాడు.

నటుడు[మార్చు]

సంవత్సరం చిత్రం పాత్ర భాష వివరాలు
2005 వెన్నెల (సినిమా) ఖాదర్ తెలుగు
2009 ఇందుమతి తెలుగు
సమర్ధుడు తెలుగు
కరెంట్ తెలుగు
2010 బిందాస్ ముద్దుకృష్ణ తెలుగు
చక్రి తెలుగు
ఇంకోసారి తెలుగు నంది ఉత్తమ హాస్యనటుడు
ప్రస్థానం తెలుగు
స్నేహగీతం తెలుగు
ఆరెంజ్ (సినిమా) తెలుగు
ఏమైంది ఈవేళ తెలుగు
వారెవ్వా తెలుగు
తిమ్మరాజు తెలుగు
2011 అహ! నా పెళ్ళంట! (2011) లవ్ గురు తెలుగు
సీమ టపాకాయ్i పెద కిశోర్ తెలుగు
దూకుడు (సినిమా) శాస్త్రి తెలుగు
మడతకాజా తెలుగు
పిల్ల జమీందార్ తెలుగు
2012 శివ మనసులో శృతి తెలుగు
మిస్టర్ నూకయ్య తెలుగు
లవ్‌లీ తెలుగు
దరువు తెలుగు
జులాయి తెలుగు
2013 జబర్దస్త్ తెలుగు
అబ్బాయి క్లాస్ అమ్మాయి మాస్[2] తెలుగు
2014 అలా ఎలా? తెలుగు
2015 జెండాపై కపిరాజు[3] తెలుగు
2016 నాన్నకు ప్రేమతో తెలుగు
ఎలుకా మజాకా తెలుగు
మనమంతా తెలుగు
జనతా గ్యారేజ్ తెలుగు
ఎల్7 తెలుగు
సుప్రీమ్ కానిస్టేబుల్ కిషోర్ తెలుగు
2017 నేను లోకల్ కానిస్టేబుల్ తెలుగు
2018 ఛలో తెలుగు
దేవదాస్[4] డా. కూచిపూడి తెలుగు
జంబలకిడిపంబ (2018 సినిమా) తెలుగు
అమర్ అక్బర్ ఆంటోని తెలుగు
శైలజారెడ్డి అల్లుడు చారి తెలుగు
నా నువ్వే తెలుగు
కథనం తెలుగు
2019 "కౌసల్య కృష్ణమూర్తి"[5] ఇన్స్పెక్టర్ బలరాం తెలుగు
2020 "ఎంత మంచివాడవురా!"[6][7] తెలుగు
డిస్కో రాజా[8][9] తెలుగు

దర్శకుడు[మార్చు]

పురస్కారాలు[మార్చు]

  1. ఈనాడు ఆదివారం సంచిక, అక్టోబరు 25, 2015, పేజీ. 12
  2. Abbayi class Ammayi mass Movie Review {1.5/5}: Critic Review of Abbayi class Ammayi mass by Times of India, retrieved 15 May 2020
  3. "Nani-Amala Paul movie is Janda Pai Kapiraju". Times of India. 30 July 2012. Retrieved 10 January 2020. Cite web requires |website= (help)
  4. సాక్షి, సినిమా (27 September 2018). "'దేవదాస్‌' మూవీ రివ్యూ". Sakshi. మూలం నుండి 29 మార్చి 2020 న ఆర్కైవు చేసారు. Retrieved 2 April 2020.
  5. ఈనాడు, సినిమా (23 August 2019). "రివ్యూ: కౌస‌ల్య కృష్ణమూర్తి". www.eenadu.net. మూలం నుండి 23 ఆగస్టు 2019 న ఆర్కైవు చేసారు. Retrieved 10 January 2020.
  6. సాక్షి, సినిమా (15 January 2020). "'ఎంత మంచివాడవురా!' మూవీ రివ్యూ". సంతోష్‌ యాంసాని. మూలం నుండి 19 జనవరి 2020 న ఆర్కైవు చేసారు. Retrieved 19 January 2020. Cite news requires |newspaper= (help)
  7. ఈనాడు, సినిమా (15 January 2020). "రివ్యూ: ఎంత మంచివాడ‌వురా". మూలం నుండి 19 January 2020 న ఆర్కైవు చేసారు. Retrieved 19 January 2020. Cite news requires |newspaper= (help)
  8. సాక్షి, సినిమా (24 January 2020). "'డిస్కో రాజా' మూవీ రివ్యూ". సంతోష్‌ యాంసాని. మూలం నుండి 25 జనవరి 2020 న ఆర్కైవు చేసారు. Retrieved 24 January 2020. Cite news requires |newspaper= (help)
  9. ఈనాడు, సినిమా (24 January 2020). "రివ్యూ: డిస్కోరాజా". మూలం నుండి 25 జనవరి 2020 న ఆర్కైవు చేసారు. Retrieved 24 January 2020. Cite news requires |newspaper= (help)