తిరువారూర్ వైద్యనాథన్
| తిరువారూర్ వైద్యనాథన్ | |
|---|---|
 | |
| వ్యక్తిగత సమాచారం | |
| జననం | 1963 మే 11 తిరువారూర్ , తమిళనాడు, భారతదేశం |
| సంగీత శైలి | కర్ణాటక సంగీతం |
| వృత్తి | మృదంగ వాద్య కళాకారుడు |
| వాయిద్యాలు | మృదంగం |
| వెబ్‌సైటు | tiruvarurvaidy.com |
తిరువారూర్ వైద్యనాథన్ (తమిళం: திருவாரூர் வைத்தியநாதன்) ఒక భారతీయ మృదంగ వాద్య కళాకారుడు.
విశేషాలు
[మార్చు]ఇతడు 1963, మే 11న తమిళనాడు రాష్ట్రం తిరువారూర్ పట్టణంలో ఒక మృదంగ కళాకారుల కుటుంబంలో జన్మించాడు. ఇతడు తన తాత తిరువారూర్ కుంజు అయ్యర్, బాబాయి తిరువారూర్ నాగరాజన్‌ల వద్ద మృదంగం నేర్చుకున్నాడు. తరువాత ఈ విద్యలో మెలకువలను కారైకుడి మణి వద్ద అభ్యసించాడు.[1]
ఇతడు శ్రీలంక, యు.ఎ.ఇ., ఖతర్, సౌదీ అరేబియా, ఒమన్, సింగపూర్, మలేసియా, బ్రిటన్, అమెరికా వంటి 20కు పైగా దేశాలను సందర్శించి సంగీత కచేరీలలో పాల్గొన్నాడు.
ఇతడు ప్రక్కవాద్యంగా మృదంగ వాద్య సహకారం అందించిన అగ్రశ్రేణి కర్ణాటక సంగీత విద్వాంసులలో మంగళంపల్లి బాలమురళీకృష్ణ, మహారాజపురం సంతానం, కె.వి.నారాయణస్వామి, డి.కె.పట్టమ్మాళ్, ఎం.ఎల్.వసంతకుమారి, టి.ఎన్.కృష్ణన్, ఉప్పలపు శ్రీనివాస్, టి.వి.శంకరనారాయణన్, కె. జె. ఏసుదాసు, ఎన్.రవికిరణ్, సుధా రఘునాథన్, అరుణా సాయిరాం మొదలైన వారున్నారు.
పురస్కారాలు
[మార్చు]- 2017లో సంగీత నాటక అకాడమీ అవార్డు
- 2019లో కళైమామణి
- త్యాగబ్రహ్మ గానసభ, చెన్నై వారిచే "వాణీ కళా సుధాకర" బిరుదు.
వివాదాలు
[మార్చు]#మీటూ ఉద్యమంలో భాగంగా తన శిష్యురాళ్ళతో, తోటి కళాకారిణులతో ఇతడు లైంగిక వేధింపులకు పాల్పడినట్లు ఆరోపణలు వచ్చాయి. ఈ ఆరోపణల పర్యవసానంగా మద్రాసు సంగీత అకాడమీ 2018 డిసెంబరులో జరిగిన సంగీతోత్సవాలలో ఆరోపణలు ఎదుర్కొన్న 6గురు కళాకారులతో పాటు ఇతడి సంగీత కచేరీలను కూడా రద్దు చేసింది.[2][3][4]
మూలాలు
[మార్చు]- ↑ "Tiruvarur Vaidyanathan Profile." Tiruvarur Vaidyanathan. Priyalal, n.d. Web. <http%3A%2F%2Fwww.tiruvarurvaidy.com%2Fprofile.php>.
- ↑ "'Me Too' allegations: Madras Music Academy drops 7 artistes from Margazhi season". The News Minute. 2018-10-25. Retrieved 2018-12-01.
- ↑ "#MeToo in Carnatic music: Madras Music Academy's N Murali on addressing sexual harassment allegations against artists - Firstpost". www.firstpost.com. Retrieved 2018-12-01.
- ↑ Kolappan, B. (2018-10-25). "Music Academy debars seven musicians this season, post #MeToo". The Hindu (in Indian English). ISSN 0971-751X. Retrieved 2018-12-01.