తురకపాలెం (ముప్పాళ్ళ)

వికీపీడియా నుండి
Jump to navigation Jump to search
తురకపాలెం
—  గ్రామం  —
రాష్ట్రం ఆంధ్ర ప్రదేశ్
జిల్లా గుంటూరు
మండలం ముప్పాళ్ళ
ప్రభుత్వము
 - సర్పంచి
పిన్ కోడ్
ఎస్.టి.డి కోడ్

తురకపాలెం ఆంధ్ర ప్రదేశ్ రాష్ట్రం, గుంటూరు జిల్లా, ముప్పాళ్ళ మండలం లోని గ్రామం .

గ్రామ భౌగోళికం[మార్చు]

తురకపాలెం గ్రామం ముప్పాళ్ళ నుండి దమ్మాలపాడు వెళ్ళు మార్గమునందు 3 కి మీల దూరంలో ఉంది. ఈ గ్రామం సత్తెనపల్లి (14 కి మీల దూరం) శాసనసభ నియోజకవర్గం మరియు నరసరావుపేట (12 కి మీల దూరం) పార్లమెంటు నియోకవర్గం పరిధిలో ఉంది.

గ్రామానికి రవాణా సౌకర్యాలు[మార్చు]

రవాణా సౌకర్యాలు ప్రత్యేకంగా లేవు. కానీ ప్రజలు సొంత వాహనాలలో లేక ఆటో రిక్షాలలో సమీప పట్టణాలకు ప్రయాణం సాగిస్తుంటారు. మండలం ముప్పాళ్ల నుండి డాంబర్ రోడ్డు సౌకర్యం ఉంది.

గ్రామంలో విద్యా సౌకర్యాలు[మార్చు]

ఈ గ్రామం అక్షరాస్యతలో 100% సాదింఛినది.

గ్రామంలో మౌలిక వసతులు[మార్చు]

విదేశాలలో స్థిరపడినవారి విరాళాలతో కలిసి వరంగల్లుకు చెందిన బాలవిహార్ వారి సహాయంతో చర్చిలో రక్షిత మంచినీటి పథకం మరియూ గ్రామానికి రెండు వైపులా ఆర్చీలు ఏర్పాటు చేశారు. రు.15 లక్షలతో కళ్యాణమంటపం ఏర్పాటు చేస్తున్నారు.

గ్రామ పంచాయతీ[మార్చు]

  1. దాదాపు 1400 జనాభా ఉన్న ఈ గ్రామ పంచాయతీకి ఇంతవరకూ ఐదుసార్లు ఎన్నికలలు నిర్వహించగా 4 సార్లు సర్పంచిని ఏకగ్రీవంగా ఎన్నుకున్నారు. 2013 లో గూడా సర్పంచిని ఏకగ్రీవంగానే ఎన్నుకున్నారు.
  2. ఈ గ్రామంలో సిమెంటు రహదారులు, మురుగు కాల్వలు ఏర్పాటు చేసుకొని పారిశుద్ధంలో విశేష శ్రద్ధ కనబరుస్తున్నారు. 2010 లో వ్యక్తిగత మరుగుదొడ్లు, పారిశుద్ధంలో కృషి చేసినందుకు, "నిర్మల్ గ్రామీణ పురస్కారం" లభించింది.

గ్రామంలోని దర్శనీయ ప్రదేశములు/దేవాలయాలు[మార్చు]

ఈ గ్రామంలోని చర్చి జిల్లాలోనే ఒకటిగా ప్రసిద్ధి చెందినది.

గ్రామంలో ప్రధాన పంటలు[మార్చు]

ఈ గ్రామంలో ప్రధాన ఆహార పంట వరి, వాణిజ్య పంటలుగా పత్తి, మిరప, పసుపు, మినుములు, కందులు, మొక్కజొన్న మరియు సుబాబుల్ పండిస్తారు.

గ్రామ ప్రముఖులు[మార్చు]

పూదోట నీలిమ[మార్చు]

తురకపాలెం గ్రామానికి చెందిన శ్రీ పూదోట శౌరయ్య, కొండవీటి పాపల కుమార్తె అయిన నీలిమకు పర్వతారోహణ అంటే మక్కువ. సాఫ్ట్ వేర్ ఇంజనీరు అయిన నీలిమ ముందస్తు శిక్షణ తీసికొని, గత ఏప్రిల్ లో బెంగుళూరుకు చెందిన ఒక సంస్థ సహకారంతో ఎవరెస్ట్ పర్వతారోహణకు వెళ్ళినది. అప్పుడు నేపాలులో సంభవించిన భూకంపం కారణంగా ఆమె త్రుటిలో ప్రమాదం నుండి బయటపడినది. ఈమె 2016 ఏప్రిల్ లో, మరియొకసారి ఎవరెస్ట్ శిఖరం ఎక్కడానికి తయారవతున్నది. దీనికి రాష్ట్ర ప్రభుత్వం వ్యాయమ శిక్షణ సంస్థ ద్వారా 15 లక్షల రూపాయల ఆర్థిక సహకారం అందించారు. ఈమె ఇటీవల జమ్మూ కాశ్మీరులోని 6150 మీటర్ల ఎత్తయిన పర్వతాన్ని అధిరోహించి, ఆ ఘనత సాధించిన తొలి తెలుగు మహిళగా రికార్డు సృష్టించింది.

ఈమె 2016,ఏప్రిల్-14న చైనా వైపునుండి ఎవరెస్టు శిఖరాన్ని అధిరోహణ యాత్ర ప్రారంభించారు. ఆ క్రమంలో ఈమె చివరి మజిలీకి చేరుకున్నారు. 2016,మే-12వతేదీ నాటికి ఈమె తన బృందంతో, 7100 మీటర్ల ఎత్తులో ఉన్నారు. ఇంతకు ముందు ఈమె నేపాల్ దేశంలోని 6450 మీటర్ల ఎత్తయిన మీరా పర్వతాన్ని అధ్రోహించారు.

ఈమె 2016,మే-23న ప్రపంచంలోని అతి ఎత్తయిన ఎవరెస్ట్ శిఖరం అధిరోహించి, ఆ ఘనకార్యం సాధించిన తొలి తెలుగు మహిళగా రికార్డులకెక్కినారు.