Jump to content

పొన్నం ప్రభాకర్

వికీపీడియా నుండి
పొన్నం ప్రభాకర్ గౌడ్
పొన్నం ప్రభాకర్

పదవీ కాలం
2023 డిసెంబర్ 7 నుండి ప్రస్తుతం
ముందు గంగుల కమలాకర్ (బీసీ సంక్షేమ శాఖ)
పువ్వాడ అజయ్ కుమార్ (రవాణా శాఖ మంత్రి)
పదవీ కాలం
2023 డిసెంబర్ 3 నుండి ప్రస్తుతం
ముందు వోడితల సతీష్ కుమార్
నియోజకవర్గం హుస్నాబాద్
లోక్‌సభ సభ్యుడు
పదవీ కాలం
2009 నుండి 2014
ముందు కె.చంద్రశేఖరరావు
తరువాత బి. వినోద్ కుమార్
నియోజకవర్గం కరీంనగర్
వ్యక్తిగత వివరాలు
జననం (1967-05-08) 1967 మే 8 (వయసు: 59)
కరీంనగర్, కరీంనగర్, తెలంగాణ
రాజకీయ పార్టీ భారత జాతీయ కాంగ్రేస్
తల్లిదండ్రులు పొన్నం సత్తయ్యగౌడ్‌, తల్లి మల్లమ్మ
జీవిత భాగస్వామి పొన్నం మంజుల
బంధువులు పొన్నం అశోక్‌ గౌడ్‌ (అన్నయ్య)[1][2], పొన్నం రవిచంద్ర (అన్నయ్య)
లీలారాణి, విమల (సోదరీమణులు)
సంతానం ఇద్దరు కుమారులు (పృథ్వి, ప్రణవ్)
నివాసం హైదరాబాద్, తెలంగాణ
మతం భారతీయుడు
వెబ్‌సైటు పొన్నం ప్రభాకర్ వెబ్ సైట్ & అధికారిక ఫేస్‌బుక్ పేజీ

పొన్నం ప్రభాకర్ గౌడ్ తెలంగాణ రాష్ట్రానికి చెందిన న్యాయవాది, తెలంగాణ ఉద్యమకారుడు, రాజకీయ నాయకుడు. ఆయన 2009 నుండి 2014 వరకు15వ లోకసభకు ఎన్నికై , 2009లో ఎన్నికైన ఎం.పి.లలో చిన్న వయస్కుడు.[3]

పొన్నం ప్రభాకర్ 2008లో తన తల్లిదండ్రులు & కుటుంబంతో

జననం

[మార్చు]

ప్రభాకర్ 1967, మే 8న సత్తయ్య - మల్లమ్మ దంపతులకు తెలంగాణ రాష్ట్రంలోని కరీంనగర్ లో జన్మించాడు. హైదరాబాదులోని ఉస్మానియా యూనివర్సిటీలో బిఏ, ఎల్.ఎల్.బి. పూర్తిచేశాడు.

వివాహం

[మార్చు]

ప్రభాకర్ కి 2000, ఏప్రిల్ 21న మంజులతో వివాహం జరిగింది. వీరికి ఇద్దరు కుమారులు (పృథ్వి, ప్రణవ్).

రాజకీయ జీవితం

[మార్చు]

పొన్నం ప్రభాకర్ ఎన్‌ఎస్‌యూఐ ద్వారా తన రాజకీయ ప్రస్థానాన్ని ప్రారంభించి పార్టీలో వివిధ హోదాల్లో పని చేశాడు. ఆయన 2009లో జరిగిన పార్లమెంట్ ఎన్నికల్లో కరీంనగర్ లోక్‌సభ నియోజకవర్గం నుండి కాంగ్రెస్ అభ్యర్థిగా పోటీ చేసి తొలిసారి లోక్‌సభ సభ్యుడిగా ఎన్నికయ్యాడు. పొన్నం ప్రభాకర్ తెలంగాణ ఉద్యమ సమయంలో కీలకంగా పని చేసి తెలంగాణ బిల్లు పార్లమెంటులో ప్రవేశపెట్టినప్పుడు క్రియాశీలకంగా వ్యవహరించి లగడపాటి రాజగోపాల్ చేసిన పెప్పర్ స్ప్రే దాడికి గురయ్యాడు.

పొన్నం ప్రభాకర్ తెలంగాణ ప్రత్యేక రాష్ట్రం ఏర్పడిన తర్వాత జరిగిన ఎన్నికల్లో 2014లో కరీంనగర్ లోక్‌సభ నియోజకవర్గం నుండి కాంగ్రెస్ అభ్యర్థిగా పోటీ చేసి ఓడిపోయాడు. ఆయన ఆ తరువాత 2018లో జరిగిన శాసనసభ ఎన్నికల్లో కరీంనగర్ నియోజకవర్గం నుండి ఎమ్మెల్యేగా, 2019లో జరిగిన పార్లమెంట్ ఎన్నికల్లో కరీంనగర్ లోక్‌సభ నియోజకవర్గం నుండి కాంగ్రెస్ అభ్యర్థిగా పోటీ ఓడిపోయాడు. ఆయన 2018 సెప్టెంబరులో తెలంగాణ ప్రదేశ్ కాంగ్రెస్ వర్కింగ్ ప్రెసిడెంట్‌గా నియమితుడై[4],  2019 జూన్ 28న రాజీనామా చేశాడు.[5]

పొన్నం ప్రభాకర్ 2022 డిసెంబర్ 10న తెలంగాణ ప్రదేశ్ కాంగ్రెస్ ఎగ్జిక్యూటివ్‌ కమిటీ సభ్యుడిగా నియమితుడయ్యాడు.[6] ఆయన 2023లో జరిగిన అసెంబ్లీ ఎన్నికల్లో కాంగ్రెస్ పార్టీ బీసీ డిక్లరేషన్ కమిటీ చైర్మన్‌గా 2023 ఆగస్ట్ 30న నియమితుడయ్యాడు.[7] పొన్నం ప్రభాకర్ 2023 తెలంగాణ శాసనసభ ఎన్నికల్లో హుస్నాబాద్ నియోజకవర్గం[8][9][10] నుండి ఐఎన్‌సీ అభ్యర్థిగా పోటీ చేసి తన సమీప ప్రత్యర్థి బీఆర్ఎస్ అభ్యర్థి వోడితల సతీష్ కుమార్‌పై ఓట్ల మెజారిటీతో తొలిసారి ఎమ్మెల్యేగా ఎన్నికై[11], డిసెంబర్ 7న మంత్రిగా ప్రమాణస్వీకారం చేసి[12][13], డిసెంబర్ 18న డా.బీఆర్ అంబేద్కర్ సచివాలయంలో బాధ్యతలు స్వీకరించాడు.[14][15]

పొన్నం ప్రభాకర్ కు 2023 డిసెంబర్ 18న కరీంనగర్ లోక్‌సభ నియోజకవర్గ ఇన్‌చార్జ్‌గా[16], 2023 డిసెంబర్ 24న హైదరాబాద్ జిల్లా ఇన్‌చార్జ్‌ మంత్రిగా నియమితుడయ్యాడు.[17]

తెలంగాణాలో కాంగ్రెస్ పార్టీ సంస్థాగత నిర్మాణాన్ని పూర్తి చేసేందుకుగాను టీపీసీసీ చీఫ్ మహేష్ కుమార్ గౌడ్ ఏర్పాటు చేసిన ఇంఛార్జ్‌లలో భాగంగా 2025 జులై 7న పొన్నం ప్రభాకర్‌ను మెదక్ జిల్లా ఇన్‌చార్జ్‌గా నియమించాడు.[18][19]

పొన్నం ప్రభాకర్‌కు 2026 మార్చి 5న 2026లో జరిగే పుదుచ్చేరి శాసనసభ ఎన్నికల ప్రత్యేక అబ్జర్వర్‌గా కాంగ్రెస్ హైకమాండ్ నియమించింది.[20]

రాజకీయ ప్రస్థానం

[మార్చు]
  1. 1987-1988 మధ్యకాలంలో కరీంనగర్‌ ఎస్‌ఆర్‌ఆర్‌ ప్రభుత్వ డిగ్రీ కళాశాల, పీజీ కళాశాలలో చదువుకునే రోజుల్లో నుండి, ఒక విద్యార్థి నాయకుడుగా, యూనియన్ అధ్యక్షుడుగా పనిచేశాడు.
  2. 1987-1989 మధ్యకాలంలో ఎన్.ఎస్.యు.ఐ. జిల్లా ప్రధాన కార్యదర్శిగా సేవలందించాడు.
  3. 1987-1988 మధ్యకాలంలో కరీంనగర్ జిల్లా కళాశాలల కన్వీనర్ గా పనిచేశాడు.
  4. 1989-1991 మధ్యకాలంలో ఎన్.ఎస్.యు.ఐ. రాష్ట్ర కార్యదర్శి పదవిని, 1992-1998 మధ్యకాలంలో ఎన్.ఎస్.యు.ఐ. జిల్లా అధ్యక్ష పదవిని చేపట్టాడు.
  5. 1999-2002 మధ్యకాలంలో ఎన్.ఎస్.యు.ఐ. రాష్ట్ర అధ్యక్షుడిగా ఎన్నికయ్యాడు.
  6. 2002-2003 మధ్యకాలంలో రాష్ట్ర యువజన కాంగ్రెస్ యొక్క ప్రధాన కార్యదర్శిగా పని చేశాడు.
  7. 2002-2004 మధ్యకాలంలో ప్రదేశ్ కాంగ్రెస్ కమిటీ మీడియా సెల్ సమన్వయకర్తగా పని చేశాడు.
  8. 2005లో ఆంధ్రప్రదేశ్‌ మార్క్‌ఫెడ్‌ చైర్మన్‌
  9. 2004-2009 మధ్య కాలంలో ఆంధ్రప్రదేశ్ కాంగ్రెస్ ఎంపీల కన్వీనర్‌గా పని చేశాడు.
  10. 2009లో లోక్‌సభకు పోటీచేసే వరకు డి.సి.ఎం.ఎస్. అధ్యక్షుడుగా, మార్క్‌ఫెడ్‌ విదేశాంగ ఛైర్మన్‌గా చేశాడు.
  11. భారత జాతీయ కాంగ్రెస్ తరపున 2009 లో 15వ లోక్‌సభ ఎన్నికల్లో కరీంనగర్ లోక్‌సభ నియోజకవర్గం ఎం.పి.గా ఎన్నికయ్యాడు.
  12. 2018 సెప్టెంబరులో తెలంగాణ ప్రదేశ్ కాంగ్రెస్ వర్కింగ్ ప్రెసిడెంట్‌గా నియామకం.[4] (2019 సార్వత్రిక ఎన్నికల రాజీనామా చేశాడు)[5]
  13. ప్రత్యేక తెలంగాణ ఉద్యమంలో చురుగ్గా పాల్గొన్నవారిలో పొన్నం ప్రభాకర్ ఒకరు.
  14. 2023లో హుస్నాబాద్ నుండి ఎమ్మెల్యేగా గెలిచి[21], రేవంత్‌రెడ్డి మంత్రివర్గంలో బీసీ సంక్షేమ & రవాణా శాఖ మంత్రి[22][23][24]
  15. రాష్ట్ర శాసనసభ సెలెక్ట్ కమిటీ చైర్మన్‌[25]

నిర్వర్తించిన పదవులు

[మార్చు]
  • తెలంగాణ ప్రాంతం నుండి 15వ లోక్‌సభలో అతి పిన్న వయస్కుడైన పార్లమెంటు సభ్యుడు.
  • రైల్వే, విద్యుత్ మంత్రిత్వ శాఖ కన్సల్టేటివ్ కమిటీ సభ్యుడు.
  • రసాయనాలు, ఎరువులు, కంప్యూటర్లపై జాతీయ కమిటీల సభ్యుడు.
  • ఏపీ మార్క్‌ఫెడ్‌ చైర్మన్‌.

మంత్రిగా

[మార్చు]
  1. బీఆర్‌ఎస్‌ ప్రభుత్వం జారీ చేసిన 317, 46 జీవోలపై అధ్యయనానికి రాష్ట్ర ప్రభుత్వం మంత్రివర్గ ఉపసంఘాన్ని ఏర్పాటు చేసింది. ఈ ఉప సంఘంలో మంత్రి దామోదర రాజనర్సింహ చైర్మన్‌గా, సభ్యులుగా మంత్రులు దుద్దిళ్ల శ్రీధర్‌బాబు, పొన్నం ప్రభాకర్‌ను నియమించింది.[26]
  2. పొన్నం ప్రభాకర్ సికింద్రాబాద్ ఉజ్జయిని మహంకాళి బోనాల జాతరలో భవిష్యవాణి వినిపించే స్వర్ణలతకు రూ.లక్ష ఆర్థిక సహాయం అందించాడు.[27]

పొన్నం సత్తయ్య చారిటబుల్ ట్రస్టు

[మార్చు]
  1. పొన్నం ప్రభాకర్ సామాజిక కార్యకలాపాలను నిర్వహించడానికి తన తండ్రి జ్ఞాపకార్థం పొన్నం సత్తయ్య గౌడ్ చారిటబుల్ ట్రస్ట్‌ను స్థాపించాడు. దీనిలో భాగంగా ప్లాస్టిక్‌ను నియంత్రించడమే లక్ష్యంగా తన నియోజకవర్గం హుస్నాబాద్ లోని 164 గ్రామాల్లోని 276 స్వయం సహాయక సంఘాలకు దాదాపు రూ.2.54 కోట్లు ఖర్చు చేసి స్టీల్ బ్యాంకులను ఏర్పాటు చేశాడు. సిద్దిపేట జిల్లా, కోహెడ మండల కేంద్రంలో 2025 జులై 17న ఏర్పాటు చేసిన సమావేశంలో పొన్నం సత్తయ్య చారిటబుల్ ట్రస్టు ఆధ్వర్యంలో 276 మహిళా సంఘాలకు స్టీల్ బ్యాంకు సామాగ్రిని రాష్ట్ర గవర్నర్ జిష్ణుదేవ్ వర్మ చేతుల మీదుగా పంపిణీ చేశారు. ఈ కార్యక్రమంలో మంత్రి కొండా సురేఖ, ఎస్సీ, ఎస్టీ కమిషన్ చైర్మన్ బక్కి వెంకటయ్య, గవర్నర్​ ప్రిన్సిపల్ ​సెక్రటరీ ఐఏఎస్ దానకిషోర్, ఐఏఎస్ అధికారి & సెర్ఫ్‌ సీఈవో దివ్య దేవరాజన్‌, సిద్దిపేట జిల్లా కలెక్టర్‌ హైమావతి, కరీంనగర్ జిల్లా కలెక్టర్‌ పమేలా సత్పతి, హనుమకొండ జిల్లా కలెక్టర్‌ స్నేహా శబరీష్‌, సిద్దిపేట జిల్లా అదనపు కలెక్టర్‌ గరిమా అగర్వాల్‌ & పొన్నం ప్రభాకర్ కుటుంబ సభ్యులు  పాల్గొన్నారు.[28][29][30][31]

పొన్నం సత్తయ్య గౌడ్ మెమోరియల్ అవార్డు

[మార్చు]

పొన్నం కుటుంబసభ్యులు తన తండ్రి పేరు మీద 2022లో పొన్నం సత్తయ్య జీవన సాఫల్య పురస్కారాన్ని ఏర్పాటు చేసి సాహిత్య రంగం, జానపద కళల నుండి ప్రతి ఏటా ఇద్దరికీ పురస్కారాలను అందజేస్తున్నారు.

  1. 2022 - నాళేశ్వరం శంకరం, ఒగ్గు ధర్మయ్య[32]
  2. 2023 - నలిమెల భాస్కర్, విమలక్క[33]
  3. 2024 - చంద్రబోస్, 'బలగం' సినిమా ఫేమ్ కొమురమ్మ, మొగిలయ్య[34][35]
  4. 2025: అంపశయ్య నవీన్, అంతడుపుల రమాదేవి[36]

మూలాలు

[మార్చు]
  1. ↑ Andrajyothy (19 July 2021). "సీజేఐ రమణతో అశోక్‌గౌడ్‌ భేటీ". Archived from the original on 19 July 2021. Retrieved 19 July 2021.
  2. ↑ The Hindu (10 April 2024). "Ponnam Ashok Goud appointed as TPCC Chairman of Legal, Human Rights & RTI" (in Indian English). Archived from the original on 11 April 2024. Retrieved 11 April 2024.
  3. ↑ "Ponnam Prabhakar". loksabhaph.nic.in. Archived from the original on 2021-11-29. Retrieved 2021-11-29.
  4. 1 2 Sakshi (20 September 2018). "కాంగ్రెస్‌ వర్కింగ్‌ ప్రెసిడెంట్‌గా ప్రభాకర్‌". Archived from the original on 14 April 2022. Retrieved 14 April 2022.
  5. 1 2 ఎన్ టివి, జాతీయం (28 June 2019). "కీలక పదవికి పొన్నం ప్రభాకర్ రాజీనామా". NTV Telugu (in ఇంగ్లీష్). Archived from the original on 14 July 2020. Retrieved 14 July 2020.
  6. ↑ Andhra Jyothy (11 December 2022). "టీపీసీసీ కార్యవర్గం నుంచి.. కోమటిరెడ్డి ఔట్‌". Archived from the original on 11 December 2022. Retrieved 11 December 2022.
  7. ↑ NTV Telugu (30 August 2023). "బీసీ డిక్లరేషన్ కమిటీ చైర్మన్‌గా పొన్నం ప్రభాకర్". Archived from the original on 31 August 2023. Retrieved 31 August 2023.
  8. ↑ Andhrajyothy (28 October 2023). "కాంగ్రెస్‌ అభ్యర్థులు ఖరారు". Archived from the original on 28 October 2023. Retrieved 28 October 2023.
  9. ↑ Eenadu (28 October 2023). "హస్త రేఖలు". Archived from the original on 28 October 2023. Retrieved 28 October 2023.
  10. ↑ Eenadu (28 October 2023). "కాంగ్రెస్‌ కార్యకర్తల్లో జోష్‌". Archived from the original on 28 October 2023. Retrieved 28 October 2023.
  11. ↑ Eenadu (4 December 2023). "కొత్తగా వచ్చింది ఇద్దరు స్థిరత్వం చూపింది ఇద్దరు". Archived from the original on 4 December 2023. Retrieved 4 December 2023.
  12. ↑ Eenadu (8 December 2023). "అమాత్య యోగం.. సాగాలి అభివృద్ధి యాగం". Archived from the original on 8 December 2023. Retrieved 8 December 2023.
  13. ↑ Namaste Telangana (8 December 2023). "12 మందితో కాంగ్రెస్‌ క్యాబినెట్‌". Archived from the original on 13 December 2023. Retrieved 13 December 2023.
  14. ↑ Eenadu (18 December 2023). "మంత్రిగా బాధ్యతలు స్వీకరించిన పొన్నం ప్రభాకర్‌". Archived from the original on 18 December 2023. Retrieved 18 December 2023.
  15. ↑ Namaste Telangana (18 December 2023). "పదవీ బాధ్యతలు స్వీకరించిన మంత్రి పొన్నం ప్రభాకర్‌". Archived from the original on 18 December 2023. Retrieved 18 December 2023.
  16. ↑ Eenadu (18 December 2023). "తెలంగాణలో 17 లోక్‌సభ స్థానాలకు కాంగ్రెస్‌ ఇన్‌ఛార్జిల నియామకం". Archived from the original on 18 December 2023. Retrieved 18 December 2023.
  17. ↑ Sakshi (24 December 2023). "TS: ఉమ్మడి జిల్లాలకు ఇన్‌చార్జ్‌ మంత్రుల నియామకం". Archived from the original on 24 December 2023. Retrieved 24 December 2023.
  18. ↑ "ఉమ్మడి జిల్లాలకు ఇన్‌ఛార్జ్‌ల నియామకం.. టీపీసీసీ నిర్ణయం". Eenadu. 7 July 2025. Archived from the original on 7 July 2025. Retrieved 7 July 2025.
  19. ↑ "ఉమ్మడి జిల్లాలకు ఇంఛార్జ్‌లను ప్రకటించిన టీపీసీసీ చీఫ్". Andhrajyothy. 7 July 2025. Archived from the original on 7 July 2025. Retrieved 7 July 2025.
  20. ↑ "పొన్నం ప్రభాకర్‌కు కాంగ్రెస్ హైకమాండ్ కీలక బాధ్యతలు". Disha. 5 March 2026. Archived from the original on 5 March 2026. Retrieved 5 March 2026.
  21. ↑ Namaste Telangana (4 December 2023). "తొలిసారి అధ్యక్షా..!". Archived from the original on 27 December 2023. Retrieved 27 December 2023.
  22. ↑ V6 Velugu (8 December 2023). "ఫస్ట్​ టైమే పొన్నం ప్రభాకర్ కు మంత్రి పదవి". Archived from the original on 8 December 2023. Retrieved 8 December 2023. {{cite news}}: zero width space character in |title= at position 6 (help)CS1 maint: numeric names: authors list (link)
  23. ↑ Andhrajyothy (7 December 2023). "ఇద్దరు కేబినెట్‌లోకి." Archived from the original on 13 December 2023. Retrieved 13 December 2023.
  24. ↑ V6 Velugu (8 December 2023). "తెలంగాణ మంత్రుల ప్రొఫైల్స్". Archived from the original on 16 January 2024. Retrieved 16 January 2024.{{cite news}}: CS1 maint: numeric names: authors list (link)
  25. ↑ "Select committee of legislature on Hate Speech Bill announced" (in Indian English). The Hindu. 6 July 2026. Archived from the original on 8 July 2026. Retrieved 8 July 2026.
  26. ↑ Namasthe Telangana (25 February 2024). "జీవో-317పై మంత్రివర్గ ఉపసంఘం". Archived from the original on 26 February 2024. Retrieved 26 February 2024.
  27. ↑ "స్వర్ణలతకు మంత్రి పొన్నం ప్రభాకర్ ఆర్థిక సాయం". V6 Velugu. 20 July 2025. Archived from the original on 22 July 2025. Retrieved 22 July 2025.
  28. ↑ "ప్లాస్టిక్‌ రహిత సమాజం కోసం కృషి చేయాలి: గవర్నర్‌ జిష్ణుదేవ్‌ వర్మ". Eenadu. 20 July 2025. Archived from the original on 20 July 2025. Retrieved 20 July 2025.
  29. ↑ "Steel Bank initiative will help lay foundation for a greener future: Governor" (in Indian English). The Hindu. 17 July 2025. Archived from the original on 20 July 2025. Retrieved 20 July 2025.
  30. ↑ "Telangana Governor Jishnu Dev Varma lauds steel bank initiative for SHGs in Husnabad" (in ఇంగ్లీష్). Telangana Today. 17 July 2025. Archived from the original on 20 July 2025. Retrieved 20 July 2025.
  31. ↑ "ఇక ప్లాస్టిక్ ను వదిలేద్దాం...! హుస్నాబాద్ లో 'స్టీల్ బ్యాంక్' ప్రారంభం - వినూత్న కార్యక్రమానికి మంత్రి పొన్నం శ్రీకారం". Hindustantimes Telugu. 17 July 2025. Archived from the original on 20 July 2025. Retrieved 20 July 2025.
  32. ↑ "Ponnam Sathaiah award to poets Shankaram, Dharmaiah" (in ఇంగ్లీష్). Telangana Today. 8 September 2022. Archived from the original on 20 July 2025. Retrieved 20 July 2025.
  33. ↑ "నలిమెల, విమలక్కకు పొన్నం సత్తయ్య జీవన సాఫల్య పురస్కారం". Sakshi. 23 September 2023. Archived from the original on 20 July 2025. Retrieved 20 July 2025.
  34. ↑ "Chandrabose, 'Balagam' movie fame Mogilaiah and Komuramma to be presented Ponnam Sathaiah Goud memorial awards" (in Indian English). The Hindu. 10 September 2024. Archived from the original on 20 July 2025. Retrieved 20 July 2025.
  35. ↑ "చంద్రబోస్, కొమురమ్మ, మొగిలయ్యలకు పొన్నం సత్తయ్య గౌడ్ స్మారక అవార్డు". V6 Velugu. 9 September 2024. Archived from the original on 20 July 2025. Retrieved 20 July 2025.
  36. ↑ "Ponnam Sathaiah Goud memorial lifetime achievement awards for Ampasayya Naveen, Anthadupula Rama Devi" (in Indian English). The Hindu. 8 September 2025. Archived from the original on 9 September 2025. Retrieved 9 September 2025.

ఇతర లంకెలు

[మార్చు]
"https://te.wikipedia.org/w/index.php?title=పొన్నం_ప్రభాకర్&oldid=4900395" నుండి వెలికితీశారు