ఎన్.శంకర్

ఎన్.శంకర్
దస్త్రం:ఎన్.శంకర్.jpg
జననం	నిమ్మల శంకర్ చింతపల్లి గ్రామం , వేములపల్లి మండలం, నల్గొండ జిల్లా, తెలంగాణ, ఇండియా
నివాస ప్రాంతం	హైదరాబాదు, తెలంగాణ
ఇతర పేర్లు	ఎన్‌కౌంటర్ శంకర్
వృత్తి	తెలుగు చలనచిత్ర దర్శకుడు, నిర్మాత, రచయిత
తండ్రి	గురువయ్య
తల్లి	సక్కుబాయమ్మ

నిమ్మల శంకర్ తెలుగు చలనచిత్ర దర్శకుడు, నిర్మాత, రచయిత. కమర్షియల్ మెయిన్‌ స్ట్రీమ్ ఫార్మాట్‌లోనే తనదైన కమిట్‌మెంట్‌తో సామాజిక చైతన్యం కలిగించే చిత్రాలను రూపొందించాడు. ఇంటిపేరు .

జననం

గురువయ్య, సక్కుబాయమ్మ దంపతులకు నల్గొండ జిల్లా, వేములపల్లి మండలం, చింతపల్లి గ్రామంలో జన్మించాడు.

సినీరంగం

దర్శకుడిగా

1997లో ఎన్‌కౌంటర్ సినిమాతో కెరీర్ మొదలుపెట్టి శ్రీరాములయ్య, జయం మనదేరా, భద్రాచలం వంటి సినిమాలతో మంచి దర్శకుడిగా పేరు సాధించారు. ఇక తెలంగాణ ఉద్యమ నేపథ్యంలో సమకాలీన పరిణామల, తెలంగాణ ఉద్యమం, విద్యార్థుల ఆత్మహత్యలు, కేంద్ర ప్రభుత్వ వైఖరిను కథగా అల్లుకుని ఆయన తీసిన ‘జై బోలో తెలంగాణా’ సినిమా ‘మినియేచర్ ఆఫ్ ఎ మూమెంట్’గా ప్రశంసలు అందుకుంది.

తెలుగు

1. జై బోలో తెలంగాణా - (04.02.2011)
2. రామ్ -(30 మార్చి 2006)
3. ఆయుధం -(2003)
4. భద్రాచలం - (2001)
5. జయం మనదేరా -(07.10.2000)
6. యమజాతకుడు - (1999)
7. శ్రీరాములయ్య - (28.09.1999)
8. ఎన్‌కౌంటర్ - (14.08.97)

కన్నడ

1. నామ్మన్న (2005)

నటుడిగా

రామ్‌కీ హీరోగా, మహేష్ కత్తి దర్శకత్వంలో రూపొందుతున్న రిపోర్టర్ మూవీ ద్వారా ఆయన నటుడిగా పరిచయం అయ్యారు.

అవార్డులు

నంది అవార్డులు

• 2011 లో సరోజినిదేవి ఉత్తమ జాతీయ సమగ్రతా చిత్రం - జై బోలో తెలంగాణా, ఉత్తమ దర్శకుడు - ఎన్.శంకర్‌ కు అవార్డు, ఉత్తమ నేపథ్య గాయకుడు - గద్దర్.

పదవులు

• ఆస్కార్‌ స్క్రీనింగ్‌ కమిటీ సభ్యునిగా
• నంది పురస్కార కమిటీకి రెండుసార్లు సభ్యునిగా, ఒకసారి అధ్యక్షునిగా (2010)
• గోవా ఫిలిం ఫెస్టివల్‌ (2009), జాతీయ సినిమా అకాడమీ (2003) పురస్కారాల జ్యూరీకి సభ్యునిగా
• తెలంగాణ సినిమా చాంబర్ ఆఫ్ కామర్స్ ప్రెసిడెంటుగా (2013)
• తెలుగు సినీ దర్శకుల సంఘం అధ్యక్షులు (2018)