ఝుమ్మందినాదం (సినిమా)

ఝుమ్మంది నాదం
దస్త్రం:Jhummandi Naadam.jpg
దర్శకత్వం	కె. రాఘవేంద్రరావు
రచన	భూపతి రాజా గోపిమోహన్ బి. వి. ఎస్. రవి రాజా సింహ
నిర్మాత	మంచు లక్ష్మి
తారాగణం	మంచు మనోజ్ తాప్సీ మోహన్ బాబు సుమన్
ఛాయాగ్రహణం	ఎస్. గోపాల్ రెడ్డి
కూర్పు	మార్తాండ్ కె. వెంకటేష్
సంగీతం	ఎం. ఎం. కీరవాణి
నిర్మాణ సంస్థ	శ్రీ లక్ష్మి ప్రసన్న పిక్చర్స్
విడుదల తేదీ	2010 జూలై 1 (2010-07-01)
దేశం	భారతదేశం
భాష	తెలుగు

ఝుమ్మందినాదం 2010 , జూలై 1 న విడుదలైన తెలుగు చిత్రం. కె.రాఘవేంద్ర రావు దర్శకత్వంలో మంచు మనోజ్ కుమార్, తాప్సీ నాయకా నాయికలుగా నటించగా, ఎం.ఎం.కీరవాణి సంగీతాన్ని అందించారు.

కథ

బాలు అనే యువకుడికి జీవితంలో ఒకటే లక్ష్యం. ఎప్పటికైనా ఎస్. పి. బాలసుబ్రహ్మణ్యం లాగా మంచి గాయకుడు కావాలని. తమ ఊర్లో ఉన్న జమీందారుతో పందెం వేసి గాయకుడిగా పేరు తెచ్చుకోవడం కోసం హైదరాబాదుకు వస్తాడు. కెప్టెన్ రావు అతని ఎదురింట్లో ఉంటాడు. అతనికి కొత్త తరం పిల్లలు జీవన శైలి నచ్చదు. దానిని అసహ్యించుకుంటూ ఉంటాడు. శ్రావ్య అనే అమ్మాయి ప్రవాసుడైన రావు స్నేహితుడి కూతురు. ఆమె సాంప్రదాయ తెలుగు సంగీతం మీద ఒక డాక్యుమెంటరీ తీయడం కోసం హైదరాబాదుకు వచ్చి రావు దగ్గరే ఉంటుంది. బాలు ఆమెకు సహాయం చేస్తుంటాడు. నెమ్మదిగా వీరిద్దరు ప్రేమలో పడతారు. కెప్టెన్ రావుకు ఇది నచ్చదు. చివరికి ఆ జంట తమ లక్ష్యాన్ని ఎలా చేరుకున్నారు? తమ ప్రేమను ఎలా గెలిపించుకున్నారు అనేది మిగతా కథ.

నటీనటులు

• కెప్టెన్ రావుగా మోహన్ బాబు
• బాలుగా మంచు మనోజ్ కుమార్
• శ్రావ్యగా తాప్సీ
• ఆలీ

సాంకేతిక నిపుణులు

• దర్శకత్వం - కె.రాఘవేంద్ర రావు
• నిర్మాత - మంచు లక్ష్మి
• సంగీతం - ఎం.ఎం.కీరవాణి