బాలసాని లక్ష్మీనారాయణ

వికీపీడియా నుండి
Jump to navigation Jump to search
బాలసాని లక్ష్మీనారాయణ
బాలసాని లక్ష్మీనారాయణ

అధికారంలో ఉన్న వ్యక్తి
అధికార కాలం
2009 - ప్రస్తుతం
నియోజకవర్గము ఖమ్మం

వ్యక్తిగత వివరాలు

జననం జూలై 6, 1959
మరికాల, వెంకటాపురం మండలం, ములుగు జిల్లా
జాతీయత భారతీయుడు
రాజకీయ పార్టీ తెలంగాణ రాష్ట్ర సమితి
జీవిత భాగస్వామి సామ్రాజ్యం
నివాసము హైదరాబాద్, తెలంగాణ, భారతదేశం
మతం హిందూ

బాలసాని లక్ష్మీనారాయణ గౌడ్ తెలంగాణ రాష్ట్రంకు చెందిన రాజకీయ నాయకుడు.[1] తెలంగాణ రాష్ట్ర సమితి తరపున ఖమ్మం జిల్లా స్థానిక సంస్థల ఎమ్మెల్సీగా ప్రాతినిధ్యం వహిస్తున్నాడు.

జననం[మార్చు]

బాలసాని లక్ష్మీనారాయణ 1959, జూలై 6వ తేదీన ములుగు జిల్లా, వెంకటాపురం మండలం, మరికాల గ్రామంలో సన్యాసయ్య గౌడ్ , రత్తమ్మ దంపతులకు జన్మించాడు. ఆయనకు నలుగురు అన్నదమ్ములు, ముగ్గురు అక్కాచెల్లెళ్లు ఉన్నారు.

రాజకీయ జీవితం[మార్చు]

బాలసాని లక్ష్మీనారాయణ 1987లో తెలుగుదేశం పార్టీ ద్వారా రాజకీయాల్లోకి వచ్చాడు. 1987, జూలై 20వ తేదీన తొలిసారిగా మరికాల పీఏసీఎస్ అధ్యక్షుడిగా ఎన్నికయ్యాడు. అదే సంవత్సరంలో డీసీఎంఎస్‌ అధ్యక్షుడిగా ఎన్నికయ్యాడు. 1987 నుండి వరుసగా మూడుసార్లు డీసీఎంఎస్‌ చైర్మన్‌ గా ఎన్నికై, 1995, ఆగస్టు 10న డీసీసీబీ చైర్మన్‌గా బాధ్యతలు చేపట్టాడు. 1990లో ఖమ్మం జిల్లా తెలుగు యువత అధ్యక్షుడిగా నియమితుడయ్యాడు. ఆయన 1995 నుంచి 2004 వరకు తొమ్మిదిన్నరేళ్లపాటు డీసీసీబీ చైర్మన్‌గా బాధ్యతలు నిర్వహించాడు.1997- 2000 వరకు జిల్లా టీడీపీ జిల్లా అధ్యక్షుడిగా, 2004- 2009 వరకు టీడీపీ రాష్ట్ర కార్యదర్శిగా పని చేశాడు. ఆయన రెండుసార్లు టీడీపీ తరఫున ఖమ్మం ఎమ్మెల్యేగా పోటీ చేసి ఓటమి పాలయ్యాడు. 2009లో ఆయన టీడీపీ నుండి ఎమ్మెల్సీగా ఎన్నికై చట్ట సభల్లో అడుగుపెట్టాడు. తెలంగాణ రాష్ట్రం ఏర్పడ్డాక 2014లో తెలంగాణ రాష్ట్ర సమితి పార్టీలో చేరాడు.[2]

ఎమ్మెల్సీ[మార్చు]

2009లో ఆయన టీడీపీ నుండి ఎమ్మెల్సీగా ఎన్నికయ్యాడు. 2015లో ఖమ్మం స్థానిక సంస్థల స్థానం నుండి టీఆర్‌ఎస్ ఎమ్మెల్సీ అభ్యర్థిగా పోటీ చేసి సిపిఐ అభ్యర్థీ పువ్వాడ నాగేశ్వర్‌ రావుపై 31 ఓట్ల మెజార్టీతో గెలుపొందాడు.[3]

మూలాలు[మార్చు]

  1. సాక్షి, ఖమ్మం (21 July 2019). "హలంపట్టి.. పొలం దున్నిన". Sakshi. Archived from the original on 6 July 2020. Retrieved 7 July 2020.
  2. ఆంధ్రజ్యోతి, ఖమ్మం (11 February 2020). "తొమ్మిదిన్నరేళ్లపాటు అధ్యక్షుడిగా." www.andhrajyothy.com. Archived from the original on 6 July 2020. Retrieved 7 July 2020.
  3. ప్రజాశక్తి, ఖమ్మం (30 December 2015). "ఖమ్మం ఎమ్మెల్సీ బాలసాని గెలుపు". www.prajasakti.com. Archived from the original on 7 July 2020. Retrieved 7 July 2020.