రాహుల్ గాంధీ

వికీపీడియా నుండి
Jump to navigation Jump to search
రాహుల్ గాంధీ
రాహుల్ గాంధీ


పదవీ కాలం
2017 డిసెంబర్16 – 2019 ఆగస్టు 10
ముందు సోనియా గాంధీ
తరువాత సోనియా గాంధీ (ఆపద్ధర్మ)

లోక్‌సభ ఎంపి
ప్రస్తుత పదవిలో
అధికార కాలం
2019 మే 23
ముందు ఎం. ఐ. శానవాస్
నియోజకవర్గం వయనాడ్ లోక్‌సభ నియోజక వర్గం, కేరళ
పదవీ కాలం
2004 మే 17 – 2019 మే 23
ముందు సోనియా గాంధీ
తరువాత స్మృతి ఇరానీ
నియోజకవర్గం అమేథీ నియోజకవర్గం

భారత జాతీయ కాంగ్రెస్ ఉపాధ్యక్షుడు
పదవీ కాలం
2013 జనవరి 19 – 2017 డిసెంబరు 16
అధ్యక్షుడు సోనియా గాంధీ
ముందు జితేంద్ర ప్రసాద

భారత జాతీయ కాంగ్రెస్ ప్రధాన కార్యదర్శి
పదవీ కాలం
2007 సెప్టెంబరు 25 – 2013 జనవరి 19
అధ్యక్షుడు సోనియా గాంధీ

ఇండియన్ యూత్ కాంగ్రెస్ అధ్యక్షుడు
ప్రస్తుత పదవిలో
అధికార కాలం
2007 సెప్టెంబర్ 25
ముందు స్థానం ప్రారంభించబడింది

ప్రస్తుత పదవిలో
అధికార కాలం
25 September 2007
ముందు స్థానం ప్రారంభించబడింది

వ్యక్తిగత వివరాలు

జననం (1970-06-19) 1970 జూన్ 19 (వయసు 53)
న్యూ ఢిల్లీ, భారతదేశం
రాజకీయ పార్టీ భారత జాతీయ కాంగ్రెస్
తల్లిదండ్రులు రాజీవ్ గాంధీ
సోనియా గాంధీ
బంధువులు నెహ్రూ-గాంధీ కుటుంబం
సంతకం రాహుల్ గాంధీ's signature

రాహుల్ గాంధీ (జననం 19 జూన్ 1970) భారత జాతీయ కాంగ్రెస్ పార్టీకి మాజీ అధ్యక్షుడు, భారత యువజన కాంగ్రెస్, భారత జాతీయ విద్యార్థి యూనియన్ లకు చైర్ పర్సన్ గా వ్యవహరిస్తున్నాడు. అఖిలభారత కాంగ్రెస్ కమిటీకి ప్రధాన కార్యదర్శిగా కూడా పనిచేశాడు. అమేథీ నియోజకవర్గం నుంచి 2004 నుండి 2019 వరకు లోకసభ సభ్యునిగా పనిచేశాడు. 2019 లో వయనాడ్ నుండి లోకసభ సభ్యుడయ్యాడు. కాంగ్రెస్ వర్కింగ్ కమిటీలో రెండవ అతిఎక్కువ ర్యాంకు సాధించిన సభ్యుడు రాహుల్.

రాహుల్ నెహ్రూ-గాంధీ కుటుంబానికి చెందినవాడు. భద్రతా కారణాల వల్ల చిన్నప్పుడు ఆయన ఎక్కువగా పాఠశాలలు మారాల్సి వచ్చేది. ఆయన విదేశాల్లో మారుపేరుతో చదువుకునేవాడు. కేవలం కొందరు భద్రతా అధికారులకు, విశ్వవిద్యాలయ అధికారులకు మాత్రమే ఆయన అసలు గుర్తింపు తెలిసేది. రాహుల్ కేంబ్రిడ్జ్ లోని రాలిన్స్ విశ్వవిద్యాలయంలో అంతర్జాతీయ సంబంధాలు, అభివృద్ధి కోర్సులో డిగ్రీ చేశాడు. ఆ తరువాత లండన్ లోని మానిటర్ గ్రూప్ అనే మేనేజ్‌మెంట్ కన్సల్టింగ్ సంస్థలో పనిచేశారు. ఆయన తండ్రి రాజీవ్ గాంధీ చనిపోయిన తరువాత కొన్నేళ్ళకు, ఆయన పోటీ చేసే ఉత్తరప్రదేశ్ లోని అమేథీ నియోజకవర్గంలో నిలబడి ఎంపిగా గెలిచారు. 2007లో రాహుల్ కాంగ్రెస్ పార్టీ ప్రధాన కార్యదర్శిగా ఎన్నికయ్యారు. 2013లో పార్టీ ఉపాధ్యక్షునిగా కూడా ఎన్నికయ్యారు.

2014 భారత సాధారణ ఎన్నికల్లో కాంగ్రెస్ పార్టీ ప్రచారానికి సారథ్యం వహించారు రాహుల్. ఈ ఎన్నికల్లో కేవలం 44 సీట్లు గెలిచి పార్టీ చరిత్రలో ఎన్నడూలేని వైఫల్యాన్ని చవి చూసింది. 2009 ఎన్నికల్లో కాంగ్రెస్ పార్టీ 206 సీట్లను గెలుచుకుంది. 2019 భారత ఎన్నికలలో, భారత్ జాతీయ కాంగ్రెస్ దాని మిత్రపక్షాలు మరల వైఫల్యం చెందాయి.

తొలినాళ్ళ జీవితం, కెరీర్

రాహుల్ 1970 జూన్ 19న ఢిల్లీలో జన్మించాడు.[1] ఆయన భారత మాజీ ప్రధాని రాజీవ్ గాంధీ, కాంగ్రెస్ ప్రస్తుత అధ్యక్షురాలు సోనియా గాంధీ ల మొదటి సంతానం. మాజీ ప్రధాని ఇందిరా గాంధీ మనవడు. భారత మొట్టమొదటి ప్రధాని జవహర్ లాల్ నెహ్రూకు మునిమనవడు. ఆయన చెల్లెలు ప్రియాంక వాద్రా, బావ రాబర్ట్ వాద్రా.[2]

రాహుల్ మొదట ఢిల్లీ లోని సెయింట్ కొలంబా పాఠశాలలో చేరారు.[3] 1981 నుండి 1983 వరకు ఉత్తరాఖండ్ లోని డెహ్రాడూన్ లో ది డూన్ పాఠశాలలో చదువుకున్నారు. ఆ తరువాత కొద్ది రోజులకే ఆయన నానమ్మ, అప్పటి ప్రధాని ఇందిరాగాంధీ ని దుండగులు చంపడంతో, తండ్రి రాజీవ్ 1984 అక్టోబరు 31న ప్రధానమంత్రి అయ్యారు. సిక్కు ఉగ్రవాదుల నుంచి వీరి కుటుంబానికి బెదిరింపులు రావడంతో రాహుల్, ఆయన చెల్లెలు ప్రియాంకాను ఇంట్లోనే చదివించడం ప్రారంభించారు రాజీవ్.[4] 1989లో ఢిల్లీలోని సెయింట్ స్టీఫెన్స్ కళాశాలలో చేరిన రాహుల్, మొదటి సంవత్సరం పరీక్షలైపోయిన తరువాత హార్వర్డ్ విశ్వవిద్యాలయంలో చేరారు.[5]1991లో తమిళ ఉగ్రవాదుల చేతిలో రాజీవ్ గాంధీ చనిపోయిన తరువాత[6] భద్రతా కారణాల దృష్ట్యా రాహుల్ రోలిన్స్ కళాశాలకు మారిపోయారు. 1994లో బి.ఎ పూర్తి చేశారు ఆయన.[7] ఆ సమయంలో ఆయన రౌల్ విన్సి అనే మారుపేరుతో చదువుకునేవారు. ఆయన అసలు పేరు, వివరాలు కొందరు భద్రతా, విశ్వవిద్యాలయ అధికారులకు మాత్రమే తెలుసు.[5][8]1995లో కేంబ్రిడ్జ్ లోని ట్రినిటీ కళాశాలలో ఎం.ఫిల్ చదివారు. ఆ తరువాత 1995లో లండన్ లోని మానిటర్ గ్రూప్ అనే మేనేజ్‌మెంట్ కన్సల్టింగ్ సంస్థలో ఉద్యోగం చేశారు.[9] 2002లో ముంబైలో బాకొప్స్ సర్వీసెస్ ప్రైవేట్ లిమిటెడ్ అనే టెక్నాలజీ ఔట్ సోర్సింగ్ సంస్థను స్థాపించారు.[10] 2004లో ఒక ప్రెస్ మీట్ లో తనకు ఒక స్పానిష్ గర్ల్ ఫ్రెండ్ ఉన్నట్టు చెప్పారు. ఆమె వెనిజులాలో ఉంటుందనీ, ఆమె ఒక ఆర్కిటెక్ట్ అనీ తెలిపారు. తాను ఇంగ్లండ్ లో చదువుకునేటప్పుడు ఆమె పరిచయమయ్యారని వివరించారు రాహుల్.[11][12] కానీ 2013లో తాను పెళ్ళి చేసుకోనని ప్రకటించారు ఆయన.[13]

ఇవి చూడండి

మూలాలు

  1. "Detailed Profile: Shri Rahul Gandhi". India.gov.in. Archived from the original on 27 ఏప్రిల్ 2014. Retrieved 27 April 2014.
  2. M. V. Kamath. "Does Congress want to perpetuate Nehru-Gandhi dynasty?". Samachar. Archived from the original on 28 October 2006. Retrieved 9 February 2007.
  3. "Unplugged: Rahul Gandhi – The Times of India". Timesofindia.indiatimes.com. 7 August 2009. Retrieved 12 April 2014.
  4. Sanjay Hazarika (16 July 1989). "Foes of Gandhi make targets of his children". The New York Times. Retrieved 24 February 2014.
  5. 5.0 5.1 Rahul completed education in US under a false name – India – DNA.
  6. "The accused, the charges, the verdict". Frontline. 7 February 2010. Archived from the original on 29 October 2013. Retrieved 16 August 2016.
  7. "Newsweek apologises to Rahul Gandhi". The Indian Express. 27 January 2007.
  8. A Question Of TheHeir & Now.
  9. "The Great White Hope: The Son Also Rises". Rediff. 13 April 2004.
  10. "Want to be CEO of Rahul Gandhi's firm?". Rediff. 24 June 2004. Retrieved 27 April 2014.
  11. "My girlfriend is Spanish: Rahul Gandhi". The Indian Express. 28 April 2004. Archived from the original on 26 December 2012. Retrieved 19 August 2009.
  12. "I have a girlfriend in Venezuela: Rahul". The Island. 30 July 2004. Archived from the original on 16 October 2016. Retrieved 16 August 2016.
  13. No marriage or children for India's Rahul Ghandi?