విజ‌య్ ఆంటోని

వికీపీడియా నుండి
Jump to navigation Jump to search
విజ‌య్ ఆంటోని
Vijay Antony.jpg
జననం24 జూలై 1975
తిరుచిరాపల్లి
నివాసంచెన్నై,తమిళనాడు, భారతదేశం
వృత్తిసినీ నటుడు
దర్శకుడు
నిర్మాత
సంగీత దర్శకుడు
క్రియాశీలక సంవత్సరాలు2005–ఇప్పటి వరకు
ప్రసిద్ధులుబిచ్చగాడు, భేతాళుడు
ఎత్తు1.71 m (5 ft 7 in)
జీవిత భాగస్వామిఫాతిమా విజ‌య్ ఆంటోని
వెబ్ సైటుwww.vijayantony.com

విజయ్ ఆంటోనీ భారతీయ సంగీత స్వరకర్త, నేపధ్య గాయకుడు, నటుడు, సినిమా ఎడిటర్, గేయ రచయిత, ఆడియో ఇంజనీర్, చిత్ర నిర్మాత. అతను తమిళ చిత్ర పరిశ్రమలో ప్రధానంగా పనిచేస్తున్నాడు. అతను 2005 లో సంగీత దర్శకుడిగా చిత్రరంగంలో అరంగేట్రం చేసాడు. ఉత్తమ సంగీత విభాగంలో "నాక ముక్క" అనే సినిమా ప్రకటనల పాట కోసం 2009 కేన్స్ గోల్డెన్ లయన్‌ను గెలుచుకున్న మొదటి భారతీయుడు[1]. ఈ పాట ద్వారా అతను గుర్తింపు పొందాడు. 2011 క్రికెట్ ప్రపంచ కప్‌లో ఇది పాడబడింది. తన తొలి చిత్రం 2012 లో "నాన్" అయినప్పటికీ అతను సలీం (2014), పిచైకరన్ (2016), సైతాన్ (2017), యమన్ (2017), కొలైగరన్ (2019) వంటి యాక్షన్ థ్రిల్లర్ చిత్రాలలో తన పాత్రలకు మంచి పేరు తెచ్చుకున్నాడు.

జీవిత విశేషాలు[మార్చు]

విజయ్ ఆంటోనీ కన్యాకుమారి జిల్లాలోని నాగర్‌కోయిల్‌లో 1975 జూలై 24న జన్మించాడు. అతని తండ్రి మరణించేనాటికి అతని వయస్సు ఏడు సంవత్సరాలు అయితే అతని సోదరి వయస్సు నాలుగు సంవత్సరాలు[2]. అందువలన అతని కుటుంబం కష్టాలకు గురి అయింది. అతని తల్లి పిల్లలకు విద్యను అందించడానికి, కుటుంబాన్ని పోషించడానికి ప్రభుత్వ ఉద్యోగాన్ని చేపట్టింది. విజయ్ లయోలా కాలేజ్ ఆఫ్ ఆర్ట్స్ అండ్ సైన్సెస్ నుండి పట్టభద్రుడయ్యాడు. తర్వాత సౌండ్ ఇంజనీర్ గా విద్యనభ్యసించాడు. అతను తమిళ కవి, సమాజ సేవకుడు, సివిల్ సర్వంట్, "ప్రతాప ముదలియార్ చరిత్రం" రచయిత అయిన శామ్యూల్ వేదనాయగం పిళ్ళై (1826–1889) మనవడు.

సినిమా జీవితం[మార్చు]

క్రైమ్ థ్రిల్లర్ "నాన్" చిత్రంలో విజయ్ ఆంటోనీ ప్రధాన పాత్రలో నటించాడు. యాక్షన్ థ్రిల్లర్ సినిమ "సలీం" లో నటుడిగా, సంగీత దర్శకుడిగా పనిచేసాడు.[3] రెండు సినిమాలు స్లీపర్ హిట్స్.[4] 2015 లో, అతను రొమాంటిక్ కామెడీ "ఇండియా పాకిస్తాన్" లో నటించాడు, కానీ సంగీత స్వరకల్పన చేయలేదు.[4] 2016 లో యాక్షన్ థ్రిల్లర్ పిచైకరన్ (2016) లో తన "డిష్యూమ్" దర్శకుడు శశితో కలిసి నటించాడు[5]. ఇది వాణిజ్యపరంగా విజయవంతమైంది. మొత్తం వసూళ్లు 40 కోట్లకు చేరుకున్నాయి.[6] అతని తదుపరి చిత్రం ప్రదీప్ కృష్ణమూర్తి దర్శకత్వం వహించిన యాక్షన్ థ్రిల్లర్ "సైతాన్".

2017లో జీవ శంకర్ దర్శకత్వం వహించిన పొలిటికల్ యాక్షన్ థ్రిల్లర్ "యమన్" లో నటించాడు. లైకా ప్రొడక్షన్స్ & విజయ్ ఆంటోనీ ఫిల్మ్ కార్పొరేషన్ బ్యానర్‌లో ఎ. సుబస్కరన్ నిర్మించిన ఈ సినిమాలో మియా, త్యాగరాజన్ ప్రధాన పాత్రల్లో నటించారు. ఈ చిత్రం 2017 ఫిబ్రవరి 24న విడుదలైంది. అతని తదుపరి చిత్రం "అన్నాదురై"[7]. 2018 లో, అతను కిరుతిగా ఉదయనిధి దర్శకత్వం వహించిన "కాళీ"లో నటించాడు[8]. తర్వాత గణేశ దర్శకత్వం వహించిన తిమిరు పుడిచవన్ లో నటించాడు..

2019 లో అతను ఆండ్రూ లూయిస్ దర్శకత్వం వహించిన యాక్షన్ థ్రిల్లర్ సినిమా "కొలైగరన్" లో నటించాడు[9]

తెలుగు సినిమాలు[మార్చు]

మూలాలు[మార్చు]

  1. "Vijay Antony's 'Naaka Mukka' fetches Best Use of Music Award at Cannes". 27 June 2009.
  2. "Music director Vijay Antony - Interview - Behindwoods.com - Music director Vijay Antony Kaadhalil Vizhundhen Sukran Dishyum By2 images Tamil picture gallery images". www.behindwoods.com.
  3. Sudhir Srinivasan. "Same character different movie". The Hindu.
  4. 4.0 4.1 Vishal Menon. "I'm not a good actor: Vijay Antony". The Hindu.
  5. "No one will want to play a beggar in a film, but I did". The Times of India.
  6. "Review : Pichaikkaran review: Entertaining! (2016)". www.sify.com. Retrieved 2019-05-09.
  7. "Annadurai review. Annadurai Tamil movie review, story, rating". IndiaGlitz.com.
  8. "Vijay Antony gets Superstar Rajinikanth's title for next". Top 10 Cinema (in ఆంగ్లం). 2017-04-01. Retrieved 2017-04-02.
  9. "Kolaigaran to release on June 5th". Times of India.

బయటి లంకెలు[మార్చు]