వీడే
| వీడే | |
|---|---|
 | |
| దర్శకత్వం | రవిరాజా పినిశెట్టి |
| రచన | ధరణి |
| స్క్రీన్‌ప్లే | కోన వెంకట్ (సంభాషణలు) |
| నిర్మాత | సింగనమల రమేష్ |
| నటవర్గం | రవితేజ, ఆర్తి అగర్వాల్ |
| కూర్పు | హరిశంకర్ |
| సంగీతం | చక్రి |
నిర్మాణ సంస్థ | కనకరత్న మూవీస్ |
| పంపిణీదారులు | కె. ఎస్. రామారావు ఫిలింస్ |
విడుదల తేదీలు | 2003 అక్టోబరు 31 |
నిడివి | 180 నిమిషాలు |
| దేశం | భారతదేశం |
| భాష | తెలుగు |
వీడే 2003 లో రవిరాజా పినిశెట్టి దర్శకత్వంలో విడుదలైన సినిమా.[1] రవితేజ, ఆర్తి అగర్వాల్ ఇందులో ప్రధాన పాత్రధారులు.
కథ[మార్చు]
బొబ్బర్లంక అనే గ్రామంలో ప్రజలు కాలుష్యం వలన తాగునీటికి బాగా ఇబ్బంది పడుతుంటారు. దీనికి కారణం ఆ ఊరికి సమీపంలో ఉన్న కర్మాగారం నుంచి అక్రమంగా వెలువడే వ్యర్థాలు ప్రజలు తమ అవసరాలకు వాడే నీటిలో కలవడం. గ్రామంలో ప్రజలంతా ఈ సమస్యను ఎలాగైనా పరిష్కరించాలని పరిశ్రమకు వ్యతిరేకంగా పై అధికారులకు నివేదించాలనుకుంటారు. ఆ గ్రామంలో ఏడుకొండలు అనే యువకుడు ఈ సమస్యను తమ ప్రజా ప్రతినిధియైన బత్తుల బైరాగి నాయుడికి నివేదించడానికి పట్నం వస్తాడు. అక్కడ అతనికి ఘోరమైన అవమానం ఎదురవుతుంది. తనను, తన గ్రామాన్ని అవమానించిన బైరాగి నాయుడికి ఎలాగైనా బుద్ధి చెప్పాలని తీర్మానించుకుంటాడు ఏడుకొండలు. తన తెలివితేటలతో, స్వప్న అనే జర్నలిస్టు సహాయంతో బైరాగి నాయుడు పదవి ఊడేలా చేస్తాడు. తమ గ్రామ సమస్యను ముఖ్యమంత్రి దృష్టికి తీసుకెళ్ళేలా చేస్తాడు. బైరాగి నాయుడు ఆసుపత్రిలో ఉన్న ముఖ్యమంత్రిని చంపడానికి ప్రయత్నిస్తే ఏడుకొండలు వచ్చి కాపాడతాడు. తమ ఊరి సమస్యను పరిష్కరించి గ్రామానికి తిరిగి వెళ్ళడంతో కథ ముగుస్తుంది.
తారాగణం[మార్చు]
- ఏడుకొండలుగా రవితేజ
- మంగతాయారుగా ఆర్తి అగర్వాల్
- బత్తుల బైరాగి నాయుడుగా సాయాజీ షిండే
- స్వర్ణక్క గా నళిని
- మంగతాయారు బామ్మ గా తెలంగాణా శకుంతల
- స్వప్న గా రీమా సేన్
- వెంకటేశ్వరరావు గా మనోజ్ కె. జయన్
- బైరాగి నాయుడు పి. ఎ సుబ్రహ్మణ్యం గా ధర్మవరపు సుబ్రహ్మణ్యం
- సన్నీ గా ఆలీ
- వేణుమాధవ్
- రాజా రవీంద్ర
- షకీలా
పాటలు[మార్చు]
ఈ సినిమాలో పాటలన్నీ చక్రి స్వరపరిచాడు. తెలంగాణా శకుంతల అడుగడుగో వస్తున్నాడు వీర భయంకరుడే అనే పాట పాడింది.[2]
- కిన్నెరసాని వన్నెల రాణి
- అమ్మడి యమ్మా
- ఎదురంటూ లేనే లేని
- అందమైన పాప పేరు
- అడుగడుగో వస్తున్నాడు వీర భయంకరుడే
- చమకు నాంచల్
మూలాలు[మార్చు]
- ↑ జి. వి., రమణ (31 October 2003). "వీడే సినిమా సమీక్ష". idlebrain.com. Archived from the original on 6 జూలై 2018. Retrieved 15 June 2018.
- ↑ "Singing spree". thehindu.com. The Hindu. 23 September 2003. Retrieved 15 June 2018.