శుక్రవారం

వికీపీడియా నుండి
Jump to navigation Jump to search
శుక్రుడు ప్రతిరూపం

శుక్రవారం (Friday) అనేది వారంలో ఆరవ రోజు.[1] ఇది గురువారంనకు, శనివారంనకు మధ్యలో ఉంటుంది.భారత పురాణాలలోని శుక్రదేవుని పేరుమీదుగా ఇది శుక్రవారం అని పిలువబడుతుంది. శుక్రవారాన్ని చాలామంది శుభదినంగా భావిస్తారు.శుక్రవారం ముస్లింలకు శుభదినంగా భావిస్తారు.[2] క్రిష్టియన్లుకు ఈష్టర్ పండగకు ముందు వచ్చే శుక్రవారంనాడు ప్రత్యేక ప్రార్థనా రోజుగా గుడ్ ఫ్రైడే అనే పేరుతో పండగను ఘనంగా జరుపుకుంటారు.[3] ఈ రోజున కొత్తపనులు ప్రారంభిస్తారు. తెలుగు చలన చిత్రసీమలో ఈ రోజుకున్న ప్రాముఖ్యత ఎనలేనిది, ఎందుకంటే చాలావరకు కొత్త సినిమాల ప్రారంభోత్సవాలు, విడుదలలు శుక్రవారం రోజునే జరుగుతాయి.తెలుగువారికి (ముఖ్యంగా మహిళలకు) మంగళకరమైన శ్రావణ శుక్రవారం రోజు వరలక్ష్మీ వ్రతం చేసుకుంటారు.

ప్రాముఖ్యత[మార్చు]

శక్తికి మారుపేరు దుర్గాదేవి ప్రతిరూపం

హిందూ మతంలో, వారంలోని ప్రతి రోజు ఒక నిర్దిష్ట దేవునికి లేదా దేవతలకు అంకితం చేయబడింది. శుక్రవారం అన్ని మతాలవారు పవిత్రమైన రోజుగా భావిస్తారు.హిందూ పురాణాల ప్రకారం  “అంతిమ స్త్రీత్వం” చిహ్నంగా భావించే శుక్రుడికి అంకితం చేసిన రోజు అని స్త్రీలు మంగళకరమైన వారంగా పరిగణిస్తారు. శుక్రవారం తల్లిలాగే ప్రేమ, సంరక్షణ ఇస్తుందని కొంత మంది నమ్ముతారు. వీనస్ దేవతను ప్రజలకు అందం, మనోహరంగా ఉంటుందని భావిస్తారు.అందువలన దీనిని శృంగార దినంగా చెప్పుకుంటారు. హిందువులు శుక్రవారం “దేవీ” ని ఆరాధిస్తారు.దేవీ విశ్వాన్ని శాసించే “పరశక్తి” అని నమ్ముతారు. ఖురాన్, బైబిల్ మతాలకు చెందిన వారు శుక్రవారానికి ప్రాముఖ్యత ఇస్తారు.ఆరోజు ప్రజల మధ్య ప్రేమ, ఆప్యాయతలను పంచుకోవడానికి ఉత్తమ రోజుగా భావిస్తారు.[4]

శుక్రవారం తల్లిగా భావించే దేవతలు సంతోషి మాత,మహాలక్ష్మీ, మాతా అన్నపూర్ణేశ్వరీ, దుర్గా మాత దేవీకి అంకితం చేయబడింది.ఆ రోజున మహిళలు ఆదేవతలుకు వ్రతాలు చేసి తీపి పదార్థాలు పంపిణీచేసే సంప్రదాయం ఆచరిస్తారు. కొంత మంది భక్తులు వరుసగా 16 శుక్రవారాలు ఉపవాసం ఉంటారు.శుక్రవారం తెలుపు రంగుకు ప్రాధాన్యత ఇవ్వబడుతుంది.శుక్రవారానికి ప్రతినిధిగా మరొక దేవత శుక్రా, అతను ఆనందం  భౌతిక సంపదను సమకూరుస్తాడు.జ్యోతిషశాస్త్ర పటంలో శుక్రా కాలం చాలా ఉత్పాదక, అదృష్ట కాలంగా పరిగణించబడుతుంది.భారతదేశంలోని శక్తి దేవాలయాలు, శక్రవారం రోజున అధిక సంఖ్యలో భక్తులు దర్శిస్తారు. శుక్రవారం ఉపవాసం సూర్యోదయం నుండి ప్రారంభమై సూర్యాస్తమయంతో ముగుస్తుంది. ఉపవాసం ఉన్న వ్యక్తి సాయంత్రం మాత్రమే భోజనం చేస్తాడు.[5]తెలుపు రంగుతో శక్తితో చాలా దగ్గరి సంబంధం ఉన్నందున, సాయంత్రం భోజనం సాధారణంగా పాలు, బియ్యంతో చేసిన ఖీర్ లేదా పాయసం వంటి తెల్లని ఆహారాన్ని తీసుకుంటారు.[6]

వరలక్ష్మీ వ్రతం[మార్చు]

వరలక్ష్మీ వ్రతం మందిరంలో శక్తి దేవత

హిందూ సంప్రదాయంలో వివాహమైన స్త్రీలు శ్రావణ మాసంలో పౌర్ణమికి ముందు వచ్చే శుక్రవారంరోజు వరలక్ష్మీ వ్రతం అత్యంత ఇష్టంగా నోచుకుంటారు. వరలక్ష్మీ దేవత విష్ణు మూర్తి భార్య. వరాలు యిచ్చే దేవతగా వరలక్ష్మీ దేవిని కొలుస్తారు.ఆ రోజున చేసే వ్రతం  అష్టలక్ష్మీ పూజలకు సమానం అనే నమ్మకం ఉంది. అష్టైశ్వర్యాలు అయిన సంపద, భూమి, శిక్షణ, ప్రేమ, కీర్తి, శాంతి, సంతోషం, శక్తి వంటివి వరలక్ష్మీ వ్రతం వల్ల లభిస్తాయని ప్రగాఢ విశ్వాసం.

శుక్రవారం పాటించని పనులు[మార్చు]

  • నావికులు నెలలో 13 రోజున శుక్రవారం వస్తే నావికులు సముద్రంలోకి వెళ్ళడానికి "చెడ్డ రోజు" గా భావిస్తారు. కొంతమంది సముద్రంలోకి వెళ్లటానికి భయపడతారు.దీనిని "బ్లాక్ ఫ్రైడే" గా భావిస్తారు.[4]
  • శుక్రవారం కొంత మంది ధనం అప్పుగా ఇవ్వటానికి ఇష్టపడరు.

మూలాలు[మార్చు]

  1. "Quaker Calendar Names, Iowa Yearly Meeting (Conservative)". iymc.org. Retrieved 2020-07-25.
  2. "CRCC: Center For Muslim-Jewish Engagement: Resources: Religious Texts". web.archive.org. 2009-10-13. Archived from the original on 2009-10-13. Retrieved 2020-07-25.{{cite web}}: CS1 maint: bot: original URL status unknown (link)
  3. "Significance Good Friday - Eastergoodfriday.com". www.eastergoodfriday.com. Retrieved 2020-07-25.
  4. 4.0 4.1 "Why Friday is Auspicious for all Religions?". instant info site (in ఇంగ్లీష్). 2015-01-06. Retrieved 2020-07-25.
  5. https://www.londonsrimurugan.org/pdf/EachDayoftheWeek.pdf
  6. M. A., English Literature. "Weekly Rituals in the Practice of Hinduism". Learn Religions (in ఇంగ్లీష్). Archived from the original on 2020-01-25. Retrieved 2020-07-25.

వెలుపలి లంకెలు[మార్చు]