సుఖ్నా సరస్సు

సుఖ్నా సరస్సు చండీఘర్
సుఖ్నా సరస్సు చండీఘర్
	The Lake
	సుఖ్నా సరస్సు చండీఘర్
అక్షాంశ,రేఖాంశాలు	30°44′N 76°49′E / 30.733°N 76.817°E
రకం	రిజర్వాయరు
ప్రవహించే దేశాలు	భారతదేశం
ఉపరితల వైశాల్యం	3 km2 (1.2 sq mi)
సరాసరి లోతు	8 ft (2.4 m)
గరిష్ట లోతు	16 ft (4.9 m)

సుఖ్నా సరస్సు భారతదేశంలోని చండీగఢ్ రాష్ట్రంలో హిమాలయాలలోని శివాలిక్ కొండల వద్ద ఉన్న జలాశయం. ఇది 1958 లో శివాలిక్ కొండల నుండి కాలానుగుణంగా ప్రవహించడం ప్రారంభం అయింది.^[1]

చరిత్ర[మార్చు]

ఈ సరస్సును లె కార్బుజియె, పి ఎల్ వర్మ రూపొందించారు. ఇక్కడి ప్రశాంతతను కాపాడటానికి కార్బుజియె, మోటారు పడవలు నీటిలో తిరుగుతూ ఉండటం నిషేధించబడాలని, ఆనకట్ట పైన వాహనాల రాకపోకలను నిషేధించాలని చెప్పారు. గతంలో ఈ సరస్సులో కొన్ని మొసళ్ళు కూడా ఉండేవి.^[2]

హర్యానా గవర్నర్ బిరేంద్ర నారాయణ చక్రవర్తి (1967 - 1976) ఈ సరస్సును చక్రవర్తి సరస్సు అని పిలిచేవారు.

వినోదం[మార్చు]

సుఖ్నా సరస్సు పచ్చిక బయళ్ళు, జిమ్, ఇండోర్ గేమ్స్, స్విమ్మింగ్ పూల్, టెన్నిస్ వంటి వాటిని కలిగి ఉంది. బోటింగ్, రోయింగ్, స్కల్లింగ్, సెయిలింగ్, కయాకింగ్, వాటర్ స్కీయింగ్ వంటి వాటిని ఏడాది పొడవునా ఆనందించవచ్చు.^[3]

సాంస్కృతిక కార్యక్రమాలు[మార్చు]

సుఖ్నా సరస్సు అనేక పండుగలు, వేడుకలకు వేదికగా మారింది. ఇక్కడ వర్షాకాలంలో జరిగే మామిడి పండుగ అత్యంత ప్రాచుర్యం పొందింది, అనేక రకాల మామిడి పండ్లు ప్రదర్శనలో ఉంటాయి. సాంస్కృతిక ప్రదర్శనలతో పాటు, వివిధ భారతీయ రాష్ట్రాల ప్రత్యేకతలను కలిగి ఉన్న ఇతర ఆహార ఉత్సవాలు కూడా ఇక్కడ జరుగుతాయి.^[4]